Jems 5:14 - Ạḍinya Iigbia

¹⁴ Ạnhian ọnyo anyina kụ rạarurughian? Ọdi ạamaghagh ghan ikumoor awe ạsiosi phọ oru ọsighe elo ogbul loor phọ ọdi oghol ḍien Ọmoogh-we phọ ọoḅereghi ọngo nyọdi!

Jems 5:14 Iomraidhean Croise

1 Ạbudaam 17:21

Kụ ọdi aḅololoom mọony phọ ịraar amem kụ ọdi ạlho ạmagh mọ, “Ọmoogh-we Ẹnaan phọ ạmi, seseeny, mị rạaḅereghi ni nyịna, ḍighi ịdi uwaloor ọony phọ ọphon kaḅula aḍigh loor ọdi.”

2 Ạbudaam 4:33

Kụ ọdi ạghi aḍigh otu, kụ aghughiom nyọdi rꞌọony phọ otu kụ ạaḅereghi Ọmoogh-we phọ.

2 Ạbudaam 5:11

Kụ ẹghagh ologhi aNemon kụ amite aten rạḍua kụ ạḅem mọ, “Mị ugbi mọ ọdi kamite atu rụteeny ịmi ạmeera ạmagh ḍien Ọmoogh-we Ẹnaan phọ ọdi ạḅogh esi phọ aakonom ẹzegh ọku ufe phọ.

Elegh ạMak 16:18

kopoophe yogh ghan ni iḍigh-eḍum, kụ ọphughol ịyaar lọ ọloghom ọogho, kéḍighi mạar. Bịdi kọzuughi ghan ni bụo ạreezegh oḍume yogh.”

Elegh ạMak 6:13

Kụ bịdi ophorogh yogh ịminighan aruru, kụ ọsighe ghan elo ogbulogh ịminighan ạbudi asiloor ímoonogh oḍume yogh.

Iiḍighi 11:30

Bịdi ụtuugh ni ịphen phọ oḍighi, kụ ạBanabas rꞌạSol ọsighe ọghiomonaan ikumoor awe ạsiosi phọ.

Iiḍighi 14:23

Kụ rọson ikumoor awe rosereghi sịosi ạsiosi phọ, rꞌịiḅereghi rꞌọrol ọkoony kụ ọḅogh bịdi ọngo Ọmoogh-we phọ bịdi omeeraam bọ.

Iiḍighi 15:4

Osi bọ Jeruselem, abutelhedom mọ rꞌikumoor awe phọ rꞌạbueri phọ ạbuo ạsiosi phọ ụsighe ni bịdi. Kụ bịdi ọghaaph oomo ịdi Ẹnaan mẹtuan bịdi eḍighi yogh.

Iiḍighi 28:8

Aloor ọde ạPublios ímoon. Osipheeny rꞌamunum-ọgua kụ ịiḅaghami. Kụ ạPol aḍigh osoph oye phọ ạaḅereghi Ẹnaan, kụ ạzu nyọdi aḍume.

Iiḍighi 9:40

Kụ aPita amiteghom oomo phọ ạbidi erugh, kụ akpuḍian ạaḅereghi, kụ akiton asoman oḍim mọ ọmuneen bọ kụ ạmagh mọ, “Tạbita, ḅetenu!” Kụ ạnir phọ ạḅarion riḍien ọdi, kụ rọmiin Pita, kụ ạrol ude.

Tạitos 1:5

Mị ụwile nyịna ẹpe Krit, ọbo nạ akori aselemi rạraar phọ ịpe ẹkpe bọ oselemi phọ, ạḅile ạmaaghi ikumoor awe ạsiosi aseere tọrobo ẹmha. Tụutughian ịpe mị ạḅeni bọ nyịna,