Jems 5:13 - Ạḍinya Iigbia

¹³ Ạnhian ọnyo anyina kụ ạmoogh ịiḅaghami? Ọdi ạaḅereghi ghan! Ạnhian ọnyo anyina kụ ạmoogh iboh? Ọdi ạmoor ghan sụor aboom Ẹnaan!

Jems 5:13 Iomraidhean Croise

1 Krọnikuls 16:9

Ịmoor sụor eboomiom Ọmoogh-we phọ; ẹghaaph ịlo iiḍighi ịiḍaany phọ ọdi maḍighi bọ.

Job 33:26

Mem lọ ọdi ạaḅereghi, Ẹnaan kẹnaghan ni ịiḅereghi phọ ọdi; ọdi kaaseeny ni Ẹnaan rꞌibo; Ẹnaan kẹḅile ni eselemi rạraar phọ ọdi.

Ạsuor 105:2

Ịmoor sụor eboomiom Ọmoogh-we phọ; ẹghaaph ịlo iiḍighi ịiḍaany phọ ọdi maḍighi bọ.

Ạsuor 118:5

Mem ịiḅaghami mị ạmagh Ọmoogh-we phọ; ọdi ụnaghanan ịmi kụ useere ịmi ẹereegh.

Ạsuor 18:6

Igbo ịiḅaghami phọ ạmi mị ạmagh Ọmoogh-we phọ; Mị ạlom Ẹnaan phọ ạmi ọlhoghonaan ạḍighaagh; Sịphe otu iigbia phọ ọdi, ọdi ạnaghan ẹḍogh ạmi; Ọdi ạnaghan emoghi ịlom ọlhoghonaan ạḍighaagh phọ ạmi.

Ạsuor 50:15

Ụmagh ghan ịmi mem lọ nạ odi esi ịiḅaghami. Mị kạphel li nyịna ạsighe kụ nạ uboom ghan ịmi.”

Ạsuor 91:15

Mem lọ bịdi ụmagh ịmi, mị kạnaghanan ni bịdi; mem lọ bịdi odi esi ịiḅaghami, mị kạtolan ni rꞌạbidi. Mị kạtagharan ni bịdi ạḅile akueni bịdi.

Ạsuor 95:2

Ọpham ḍịseph oruom pạ aghisigh phọ ọdi, ọsighe sụor iboh ọmooraan nyọdi,

Azaya 65:14

Bịdi kọmoor sụor iboh, kụ ọlo nyina kemoghiom rꞌokururu.

Dạniel 5:4

kụ rooseeny ghan rụmugh dị oḍighinom gol, silva, enaba, okuron, oreeny ḅịle rꞌaḍighiigh.

Hosia 6:1

Awe phọ ọḅem mọ, “Itu oḅula kꞌỌmoogh-we phọ! Ọdi muḍighi ni iyira ịdi ị́nighe; kụ ọdi kaseere ni ologhi ookonom ayira; ọdi mudoghoḍi iyira rẹlem, kụ ọdi kạkoroghiom ni riisi phọ ukpe. Kị́duon?

Jona 2:2

“Esi amukum ologhi ạmi, Ọmoogh-we, mị ụmagh ni nyịna, kụ nạ ụphagharanaan ịmi. Kꞌẹpe eekuna ọmar iḍim, mị umoghi ni ịlo ẹloghonaan, kụ nạ ụnaghanan ni ịmi.

Jona 2:7

Mem dị mị ạmiin bọ mọ aghuḍum ạmi mạghorom rạḍua, pọ kụ amem dị mị ụuḅereghi ni nyịna Ọmoogh-we phọ, kụ sịphe Otu iigbia phọ ạna nạ ụnaghanan ni ịmi.

Maika 4:5

Tọrobo eelhe ooseeny ghan kụ ọnaghanan ẹkaaneen emugh phọ ạbidi, kụ yoor kooseeny ghan ọḅile ọnaghanan Ọmoogh-we Ẹnaan phọ ayoor kꞌagee-pọ kꞌagee-pọ.

Matiu 26:30

Kụ bịdi rọmoor ḍiniin ạḍuor oboom Ẹnaan kụ ọḍua ọghi ẹpe Eegum Ọlivs.

Elegh aLuk 22:44

Rꞌamukum ologhi kụ ọdi ạaḅereghiom rꞌịikpo ạkananaam. Itẹph elhoman ikilogh ni loor ọdi ịdipho ịḅaal, kụ emeleghu ghan ude.]

Elegh aLuk 23:42

Kụ ọdi ạmagh mọ, “Jịzos, ụutughian aani ni ịmi mem mọ nạ katu bọ ịdipho ọdaam ẹmha phọ.”

1 Bụo ạKorint 14:15

Mị uḍighi ika nụun kụ ẹnighe? Mị kạaḅereghiom ni uwaloor phọ ạmi kụ mị ạḅile kẹn ni ạaḅereghiom ologhi phọ ạmi; mị kạmoorom ni sụor uwaloor phọ ạmi kụ mị ạḅile kẹn ni ạmoorom ologhi phọ ạmi.

1 Bụo ạKorint 14:26

Bụo asiya, ẹmhu ịphen phọ eeghe? Mem lọ nyina eekpomoghan ịiḅereghi, oye ye aakolobian ni. Ooni oye ạpam ḍụor, ooni ịyaar ọtughemi, ooni ịdi Ẹnaan egananami eḍeenaan nyọdi, ooni ạmoogh ịyaar ọghaaph ọnon ọnhu dị ụ́naghan, kụ ooni ọgba ẹmhu phọ. Iḍighi ghan oomo phọ ịne ịlo ọoneghiom ạbuo ạsiosi phọ ophophe.

Bụo ạEfesos 5:19

Oniin ạghaaphan ghan nyoniin ọnhu ạsuor aruukuan rꞌọḍe rꞌoboom Ẹnaan! Ịmoor ghan sụor aruukuan rꞌọḍe kụ eboomiom Ọmoogh-we phọ sịphe iloghi phọ anyina.

Bụo aHibru 5:7

Sịphe aghuḍum mọ ọdi sịen ade phọ, ạJizos ạaḅereghi ghan ni ạlooghi amoghi ghan, kụ ạḅaram ịlom mọ ọdi esi Ẹnaan phọ ketue bọ ẹpel nyọdi esi aḍuugh. Kụ Ẹnaan ịnaghanan ni nyọdi, ịdi eḍighi bọ ọdi asooromi ni loor ạlogh eegu.

Jems 5:10

Bụo asiya, ịitughian riil phọ ạbuphe ọsighe bọ ḍien Ọmoogh-we phọ kụ ọghaaphom ghan bọ. Ịtuughaany bịdi dọl ọkparam ghan ịminimiin.

Ogonanami Phọ 14:3

Bịdi ụmeregha ni osoman ạgada ọdaam mọ rꞌinya ạraraar phọ ẹmoogh bọ ḍiphooghu phọ rꞌikumoor awe phọ, kụ ọmoor ḍimoom ạḍuor dị ọnon oye mútue ụtuugha emuton oniin okuron inyadi rꞌinya ọonir awe phọ mọtagharan bọ ọsighe ọḍuanam sịen ade phọ.

Ogonanami Phọ 7:10

kụ ọlo ghan ọghiom ạnyu mọ, “Ạpeleeny phọ ayira ạḍua ghan kꞌẸnaan phọ ayira ẹrolom bọ ạgada ọdaam aḅirini phọ rꞌesi Ọony Oyool-ọga phọ kụ ratu.”