Jems 5:11 - Ạḍinya Iigbia

¹¹ Yira olegheri ni ọdo ọḅaal ologhi dị bụphe ọkparam bọ mem ịminimiin phọ ọmoogh ghan. Nyina mẹnaghan ni ọkparam mọ aJob, ẹḅile elegheri ịdipho Ọmoogh-we phọ ạngo bọ nyọdi ẹeḍiom ruukuna phọ. Ọmoogh-we phọ ạmoogh ni iboom igbiririph rꞌọnma ighirigiir.

Jems 5:11 Iomraidhean Croise

1 Krọnikuls 21:13

Kụ aDevid ạḅeni Gạd mọ, “Mị odi ẹkaraph esi dị okpetenaan úlho. Kụ ọlo mị ụ́wa mọ awe kụ ụliom ịmi. Ọmoogh-we phọ rꞌaloor ọdi kụ ụliom ịmi loor esi dị ọnma ighirigiir phọ ọdi ạbugh ni.”

2 Krọnikuls 30:9

Eḍighi ịyaar dị nyina eḅula esi Ọmoogh-we phọ, bịn bụphe mọsighiogh bọ siya phọ anyina ọḍuanam kọmoogh ọnma ighirigiir ọngo bịdi kụ omeera bịdi otigheel. Ọmoogh-we Ẹnaan phọ anyina ẹmoogh ọnma ighirigiir rꞌigbiririph, kụ eḍighi ịyaar lọ nyina eḅula esi ọdi, ọdi kịsighe ni inyina.”

Nehemaya 9:17

Bịdi úmeeraam ụ́naghanan; bịdi uwula ni oomo phọ ịpe nạ aḍighi bọ; bịdi uwula ni ịiḍaany phọ nạ aḍighi bọ. Esi ologhoma igbogh, bịdi ụsaḅar ri oḍiemiom dị kạsighe bịdi aḅulemi Ijipt ẹpe ạdol ạrebene phọ. Kụ nạ Ẹnaan dị rạsar ghan kạwilenaan; nạ oye ạghusan rꞌẹphomoghian dị ráagborion ghan oḍeenaan ịghagh iloghi. Ọnma ighirigiir ạna ạbugh ni; kụ nạ bịdi ọ́gunom.

Nehemaya 9:31

Kụ kẹn ni, loor esi ogbogh ọnma ighirigiir phọ ạna, nạ óghinom, ḅịle óphiemi bịdi. Nạ Ẹnaan ạghusan rꞌọnma ighirigiir.

Job 1:1

Oniin oye ạrol li dị oghol mọ aJob kụ arugh ghan ẹpe ade phọ Ụz. Oye phọ ạaḅereghi ghan Ẹnaan, ạḅile ạmoogh omeeraam esi ọdi. Ọdi aḍighi ni ogey oye, agona ghan loor ọbo ọdi kaḍighi ghan bọ ịkaraph.

Job 1:2

Ọdi ạmar bọ oḍual alephiri ạnmuny rꞌịraar ạnmanyaan,

Job 2:10

AJob ạphagharanaan mọ, “Ọghaaph phọ ạna ọ́moogh ịyaar oḍighinom. Mem dị Ẹnaan ịngo iyira igey ạraraar, yira rọsighe ghan ni. Keḍighi bọ ika kụ yira ọḅa mem dị ọdi ụngo iyira ịkaraph?” Ghạlamo ịduon ọdi ạmiinom bọ ni oomo phọ ịphen phọ, aJob ọ́ghaaph ịkaraph ịlo Ẹnaan.

Job 23:10

Ghạlamo ịduon phọ ni Ẹnaan elegheri ni oomo ịgbaranuom aruwol ạmi; eḍighi ịyaar dị ọdi uphogh ịmi, ọdi kạmiin ni mọ mị aseleman ni.

Ạsuor 103:13

Ịdipho ọde ạnma bọ ighirigiir nmụny ọdi — ịdipho kụ ẹdi Ọmoogh-we phọ ạnma ighirigiir bụphe oghueni bọ nyọdi.

Ạsuor 103:8

Ọmoogh-we phọ ạmoogh ghụsan rꞌẹphomoghian; ịyaar rẹ́nuun ghan kephin ologhi ọdi kụ ẹphomoghian ọdi rémunughan.

Ạsuor 116:5

Ọmoogh-we phọ ogey oye ọnma ighirigiir; Ẹnaan ayira ạmoogh igbiririph.

Ạsuor 119:132

Kiton uphogh ịmi, ụnma ịmi ighirigiir, ịdipho nạ raḍighinaan ghan bọ bụphe ọphomoghian bọ nyịna.

Ạsuor 145:8

Ọmoogh-we phọ oye ẹphomoghian rꞌọnma ighirigiir; ịyaar ị́nuun ophin ologhi ọdi kụ ẹphomoghian ọdi rémunughan.

Ạsuor 37:37

Lọgh elegh ogeny oye kụ akiririom oye aruukuan phọ aphogh, oye ẹepho rạmoogh ghan ni ẹemara ẹemara.

Ạsuor 51:1

Ụnma ịmi ighirigiir, Ẹnaan, loor esi ẹphomoghian phọ ạna rémuneen ghan bọ. Esi oboom ọnma ighirigiir phọ ạna gbuurogh ạsighe ịkaraph ạmi.

Ạsuor 78:38

Kụ ọlo Ẹnaan ịnma ni ighirigiir we phọ ọdi. Ọdi ạsar ịkaraph ạbidi ạwilenaan kụ óphiemi mun bịdi. Ịbadi amem ọdi ạpham ghan ophin ologhi aḅoronom kụ ọ́kparami ghan ghẹlhe phọ ọdi.

Ạsuor 86:15

Kụ ọlo nạ, Ọmoogh-we, nạ kụ Ẹnaan ọnma ighirigiir rꞌẹphomoghian, oomo amem rạkparam ghan, oomo amem rạmoogh ghan igbiririph, ọ́moogh mabi.

Ạsuor 86:5

Nạ ạnighe ni esi ayoor kụ ạsar ghan ịkaraph rạbilenaan; ẹphomoghian phọ ạna rémuneen ghan bọ emuzanaan bụlo rọoḅereghi ghan nyịna.

Ạsuor 94:12

Ọmoogh-we, ọpo eeghe ọḅaal ologhi dị odianaan oye dị nạ kụ aromoghiom, ọpo nạ ạtughemi bọ ologh phọ ạna.

Ẹḍua 34:6

Ọmoogh-we phọ arelhe aten ghisigh ọdi, kụ agbeel ghan ịduon, “Mị kụ Ọmoogh-we phọ, Ẹnaan ọnma ighirigiir rꞌạghusan. Mị rạ́nuun ghan kạghagh ologhi. Mị kụ Ẹnaan oḍuom ologhi rꞌẹphomoghian dị ẹmanam dị rémuneen ghan.

Ọtughemia Phọ 7:8

Ekureriom ạtorobo ịyaar kụ ịnighe epu emiighom mọ. Ọmoogh ọkparam kụ ịnighe epu ophoophe aloor.

Azaya 63:7

Mị kạkaaph ni ịlo ẹphomoghian Ọmoogh-we phọ amabi úlho ghan bọ; mị aboom nyọdi esi oomo ịpe ọdi muḍighinaan bọ iyoor. Ọdi mạngo ḍịseph phọ ọdi dị ẹbugh iboom we Ịzirel loor esi ọnma ighirigiir ọdi rꞌẹphomoghian dị edi ghan bịn.

Azaya 63:9

esi oomo ịminimiin phọ ạbidi. Kọ́okpaany kꞌạke, kụ Ọmoogh-we phọ rꞌaloor kụ ạphel bịdi. Esi ẹphomoghian rꞌọnma ighirigiir ọdi kụ ẹdi ọdi ạtagharan bịdi. Ọdi ạmaar ghan ni aphogh bịdi mem dị meten,

Ịkunuma 3:22

Ẹphomoghian Ọmoogh-we phọ rꞌọnma ighirigiir phọ ọdi amabi úlho ghan bọ edi ghan bịn.

Dạniel 9:9

Nạ oye ọnma ighirigiir ḅịle rꞌọsar ọwilenaan, ghạlamo ịduon yoor mọḅaar bọ ẹmhu phọ ghisigh ạna.

Joel 2:13

Iḍighi ịdi ologhi phọ anyina maḅonyonu bọ kaḍeenaan dọl ọto anyina; ọphanyi iinmenan anyina bịn ị́kasian.” Iḅula esi Ọmoogh-we Ẹnaan phọ anyina. Ọdi ạmoogh igbiririph kụ ạḅaram ọnma ighirigiir; Ọdi rạkparam ghan kụ kaḍighi ịlo aguanaan; Ọdi odi ghan ọsar ọwilenaan bịn ọ́lhiom.

Jona 4:2

Kụ ọdi ạaḅereghi mọ, “Ọmoogh-we, mịna ụ́ḅem ḍien mem mọ mị rạḍua bọ ẹmha phọ mọ ịphen phọ kụ ịdi nạ kaḍighi? Ịdipho kụ iḍighi bọ ịyaar phọ mị aghiil bọ ogheel aSpen! Mị alegheri ni mọ nạ Ẹnaan ẹphomoghian rꞌọkparam rꞌọnma ighirigiir dị ạnya, oomo amem, katue ni anme ologhi ạna ạḅile ạbilenaan mạlhiom.

Maika 7:18

Ẹkaaneen ẹmugh ílho dị ẹghigh nyịna, Ọmoogh-we. Nạ ụsar ịkaraph awe ạna ạwilenaan bụphe okpetenaan bọ. Nạ rạ́tolom ghan rꞌophin ologhi kꞌagee-pọ, kụ nạ ạmoogh ḍịḅeeraan oḍeenaan ghan ẹphomoghian oomo amem.

Igbiighi 14:18

‘Ọmoogh-we phọ rạ́nuun ghan kạghagh ologhi, ạmoogh oboom ọnma ighirigiir, rꞌọsar ịkaraph ọwilenaan, dị rạ́pel ghan oye lọ erugh ephum, dị rạsighe ghan ịkaraph ạburude kạkpiom nmụny ạbidi esi ịraar rꞌinya oghiil.’

Matiu 10:22

Oomo awe kịlogh ni inyina ḍien loor ẹmhu phọ ạmi, kụ oye lọ ạkparam asi eekuna phọ, kạmoogh ni pẹleeny.

Elegh aLuk 1:50

ọdi rạnma ghan ni ighirigiir oomo ạbulo ọlogh nyọdi eegu, oghiil atum oghiil.

Elegh aLuk 11:10

Tọrobo oye lọ ạlom, kọngo ni nyọdi. Oye lọ ạwa kạmiin ni. Oye lọ akar, kokughuronaan ni nyọdi.

Elegh aLuk 6:36

Ịnma ghan ighirigiir ịdipho Ọde phọ anyina rạnma ghan bọ ighirigiir phọ.

Bụo aRom 2:4

Iini sịen nạ mạgumom ọman iboom igbiririph phọ rꞌọminoghom ịkaraph phọ rꞌọkparam mọ Ẹnaan. Nạ óloghoma mọ igbiririph phọ Ẹnaan kụ kẹlogh ịiphaghamiom mọ kiton esi ịkaraph phọ ạna ḍụghum?

Bụo ạEfesos 1:6

Ẹkpe ni dị yira kọseph Ẹnaan ịlo ọghor eegu phọ ọdi. Ọdi uḍighi ni iyira iiḅi phọ ịphen oopho, ịdipho ọdi ụngo bọ iyira ogina Ọony phọ ọdi.

Bụo ạEfesos 2:4

Kụ ọnma ighirigiir phọ Ẹnaan ẹpughan ni, ḅịle ẹphomoghian phọ ọdi ụphomoghian bọ iyira ẹbugh ni,

Bụo aHibru 10:39

Kụ yira káwe dị koḅula ọman bịn ope. Yira ghụn awe dị momeeraam kụ mọmoogh pẹleeny.

Bụo aHibru 3:14

Yira mọmoogh mụḅoph rꞌaKraist, eḍighi ịyaar lọ yira ọpham ni oḍuom ologhi phọ yira ọmoogh bọ kꞌemiighom mọ, ọkparami osiemi eekuna phọ.

Bụo aHibru 3:6

Kụ aKraist ghụn aḍighi Mọony dị aseere ologhi ọdi ophogh ghan eghunotu awe phọ kꞌẸnaan. Yira kụ ạbuo eghunotu phọ ọdi, lọ yira ọpham ạkpo ologhi phọ ayira ọkparami, ọḅile oḅoom ghan oḍuom ologhi phọ ayira, osiemi eekuna.

Jems 1:12

Iboh kꞌẸnaan edianaan ni oye lọ ạmerenyan ịiḅaghami; kozu ni nyọdi eghoony aghuḍum mọ ẹpe Ẹnaan eguanaan bọ bụphe ọphomoghian bọ nyọdi.

Jems 1:2

Bụo asiya ạmi, ịmoogh ghan ni iboom iboh mem lọ ịiḅaghami kịrokiro ịteeny inyina,

1 Pita 1:13

Loor ịphen phọ, ịpam ni iloghi anyina ẹkparami kụ ekoriom mem oḍighi omitiom mọ. Igona loor, ẹkpasi oomo oḍuom ologhi phọ anyina esi ooḅi ọghor phọ nyina kẹmoogh bọ mem mọ kogananami bọ Jịzos Kraist.

1 Pita 3:14

Kụ ghạlamo nyina ighol li oḍighi ghan ịpe ẹnighe bọ kụ rẹmiinom, pọ iboh kꞌẸnaan kịrolonaan ni inyina. Kékiilaan ghan we. Kémeera mọ bịdi ịngo inyina okaphian oomiigh.

2 Pita 2:9

Ịphen phọ eḍeenaan mọ Ọmoogh-we phọ ạmaar ri ọtophoron ghan aweye aruukuan omitiom esi ọdegh ophogh kịrokiro, ḅịle rꞌịlo oseere ghan abuḍighinom ịkaraph phọ dọl ịminimiin okoriom ghan aḍio ịiruen phọ.