Jems 4:9 - Ạḍinya Iigbia

⁹ Ịtuan ghan ẹkaraph eḍighinom ịyaar phọ anyina emoghi yogh, ẹsighe rẹegh phọ anyina etene emoghi, ẹsighe ọḅaal ologhi phọ anyina etene ọto.

Jems 4:9 Iomraidhean Croise

Nehemaya 8:9

Mem dị awe phọ ọnaghanan bọ ịpe Ologh phọ ạḅem bọ, ịḅogh ni bịdi sịphe arokpom mọ, kụ bịdi omiigh emoghi. Esi ịduon phọ, aNehemaya ọdaam mọ, Ẹzra oyil ạrikia rꞌoye ịtuugha Ologh phọ, rꞌạbuo aLivai ạbuphe ọghaaph ghan bọ Ologh phọ ogananami ẹmhu phọ, ụḅeni ni oomo awe phọ mọ, “Aḍio phọ arodon aḍio iigbia Ọmoogh-we Ẹnaan phọ anyina, kụ ịduon kụ iḍighi ịyaar dị nyina kẹ́moogh ọto ḅịle mꞌemoghi.

Job 30:31

Sịphe mị ạnaghan ghan bọ sụor iboh, nyịidipho mị rạnaghan ghan emoghi rꞌọto bịn.

Ạsuor 119:136

Izin ạmi rekil ghan ịdipho ạmuum ọphiiny, loor esi dị awe úuko mun ologh phọ ạna.

Ạsuor 119:67

Tụtu nạ rụlhiom ịmi, mị mạpioman ghan ni, kụ ọlo nyịidipho mị rạnaghanan ni ekpo phọ ạna.

Ạsuor 119:71

Ạmuliom mọ ạmi ạnighenom ni rꞌạmi loor esi dị eḍighi ịdi mị ạtuugha ịtooghi phọ ạna.

Asidogh 14:13

Ạreer atue ni aakpereghi ọto. Mem dị iboh ílho mun, okururu kụ kẹtol.

Ọtughemia Phọ 2:2

Mị ạwa ạmiin mọ ạreer pọ elologhi, mọ oḍe rạ́ngo ghan sụo.

Jerimaya 31:13

Kụ ạnmanyaan phọ kọkerogh ịḅa kụ ọḅaal ologhi, kụ alephiri, nmụny rꞌikumoor awe, ọmoogh iboh. Mị kạadereghi ni bịdi kụ ạsighe emoghi phọ ạbidi atene iboh, ọto phọ ạbidi atene ọḅaal ologhi.

Jerimaya 31:9

Awe ạmi kotigheel rꞌemoghi kụ ọḅaram ịiḅereghi mem dị mị ạpham bịdi ratighelom. Mị katorori bịdi asiemi sikol ạmuum, sịphe eten dị ịyaar okpetaan kẹ́tol. Mị ạkigh ọde esi Ịzirel kụ Ifraim kụ ọkpana ạmi.”

Ịkunuma 5:15

Ọḅaal ologhi mạḍuaghu siloor ayoor; ọto mạsighe esi ịḅa ayoor.

Izikiel 16:63

Mị kạsar ạbile oomo ịkaraph phọ nạ maḍighi bọ, kụ ọlo nạ kạatughian ni bịdi kụ akiil umugholoor iboom ịlo ọtagharan ọnhu ạna.” Ọmoogh-we dị ạmoogh oomo ịikpo kụ mạḅem.

Izikiel 7:16

Buniin kosuma ni ọḍua ọki ẹpe ạraaḅaraph phọ, ịdipho arukurughozo dị rekiilaan ḍiigu ẹpe ariḍiiny phọ. Oomo ạbidi kọḅiphighu ni esi ịkaraph ạbidi.

Matiu 21:41

Bịdi ụḅeni nyọdi mọ, “Ọdi kaagulemi ni bụkaraph awe oḍighi phọ ạbuphe, kụ ạḅogh ozo phọ ạlogh ḍịghaagh ạbunon, dị ẹteeny mem ibugha phọ kọngo ghan bin iimuma phọ mụo ọdi.”

Matiu 5:4

Iboh kꞌẸnaan edianaan ni bụphe odi bọ ọto; Ẹnaan kẹedereghi ni bịdi.

Elegh aLuk 16:25

“Ebraham ạḅeni ni ọolha phọ mọ, ‘Mọony phọ, tụutughian mọ ạdol ạna ịnighe ni mem mọ nạ kőmugh bọ, ạdol ạLazaros kụ eeph mem mọ ạrol bọ, kụ ẹphen ọdi odi dọl igey kụ nạ odi dọl ịminimiin.

Elegh aLuk 6:21

Iboh kꞌẸnaan ịrolonaan inyina ạbuphe ọkoony phọ rasiph bọ nyịidipho. Nyina kele ni emuzeḍi rụkuruḅaka phọ anyina. Iboh kꞌẸnaan ịrolonaan inyina ạbuphe romoghi bọ nyịidipho. Nyina kẹmilogh ni tugey ạreegh.

Elegh aLuk 6:25

Pọ eeghe ọdo ịminimiin dị kịrolonaan inyina ạbuphe molhe bọ nyịidipho omuzeḍi rụkuruḅaka phọ. Nyina kẹtol li ọkoony. Pọ eeghe ọdo ịminimiin dị kịrolonaan inyina ạbuphe rẹmilogh bọ nyịidipho, nyina kẹmoogh ni ọto rꞌemoghi.