Jems 4:8 - Ạḍinya Iigbia

⁸ Iḍuraan etuman Ẹnaan. Ọdi kaḍuraan aani ni ituman inyina. Iwopha yogh ịkaraph phọ anyina. Nyina awe ạsipioghom dị iloghi rẹbal ịyal, iitola yogh rạghaagh phọ anyina, egbuurogh iloghi phọ anyina ẹḅaalami.

Jems 4:8 Iomraidhean Croise

Emiighom 18:23

Kụ Ebraham ạabeeph kụ apuru mọ, “Nạ kapiemi ni bụo aruukuan phọ rꞌạbuo ạsipioghom mọ?

1 Krọnikuls 28:9

Kụ Sọlomon ọdi ạḅeni, “Mọony ạmi, mị rạḅeni nyịna mọ legheri Ẹnaan ọde phọ ạna kụ ạrolan nyọdi rꞌophooph ologhi dị rạ́bal ịyal yạl. Ọmoogh-we phọ alegheri ni oomo ịitughian ayira rꞌạruuphua. Eḍighi mạar dị nạ ạghi esi ọdi, ọdi kạsighe ni nyịna, kụ ọlo nạ ạgumom ọman nyọdi, pọ ọdi kaghel li nyịna bịn akanam.

2 Krọnikuls 15:2

Kụ ọdi ạghi ọteeny Ọdaam Ạsa. Ọdi ạmagh amitiom mọ, “Ụnaghanan ịmi, Ọdaam Ạsa rꞌoomo anyina awe aJuda rꞌạBenjamin. Ọmoogh-we phọ odianaan rꞌanyina lọ nyina edianaan rꞌọdi. Eḍighi ịyaar lọ nyina ẹwa nyọdi, ọdi kaḍighi ni dị nyina kẹmiin nyọdi, kụ nyina ephogh ḍịnon ạḍighaagh, ọdi kịḅitonaan ni inyina.

Job 16:17

kụ ọlo mị ụ́piom ọphue ịyaar oye, ḅịle kẹn ịiḅereghi phọ ạmi esi Ẹnaan ẹki ni oyen.

Job 17:9

Awe dị ọḅem mọ ạbuno ọkpe oghueni mọkaraghi bịn kụ omeeraam mọ ạbuno odi ni elhiom.

Job 9:30

Ạsaḅa ólho dị katue aatol ịkaraph phọ ạmi.

Ạsuor 119:113

Mị akel bịn ạmadan bụphe ụ́ḅogh bọ loor phọ ạbidi ụ́ngo nyịna, kụ ọlo mị ạpomoghian ni ologh phọ ạna.

Ạsuor 145:18

Ọdi atuman bụphe rọmagh bọ nyọdi, bụphe rọmagham bọ nyọdi rꞌoomo ologhi ạbidi.

Ạsuor 18:20

Ọmoogh-we phọ uunmo ịmi ruunmo loor esi dị mị raḍighi ghan ịpe eḍighi bọ elhiom; ọdi rụseph ghan ịmi loor esi dị mị ụ́piom.

Ạsuor 24:4

Ọlo ạraghaagh ọdi ẹḅaal kụ ạmoogh ogeny ologhi; ọlo rápoophe ghan uwaloor ọdi kạngo oopho ạraraar, ḅịle rákunya ghan iikunya iigbegheḍiom.

Ạsuor 26:6

Ọmoogh-we, mị maatola rạghaagh ạmi aḍeenaan nyịna mọ mị úlegheri aani mị ạḅile ratelhe ghan kakitonom enmeny ịyaar aghuḍum mọ ạna.

Ạsuor 51:10

Lẹm ẹser-sẹr ekpom ạlogh loor ạmi, Ẹnaan, kụ ạlogh omoom uwaloor esi ạmi.

Ạsuor 73:13

Ịlo oopho ni bịn ḍụghum, kụ mị aseere bọ dị mị ịkaraph úḍighi?

Ạsuor 73:28

Kụ ẹlo ạmi, eḍighi ni ịiḍaany otuman Ẹnaan, ọmoogh eekpereghian esi Ọmoogh-we phọ ạda bọ aḅirini phọ, kụ rogbeelom ni oomo ịpe ọdi maḍighi bọ.

Azaya 13:15

Oye lọ osiph kogimi ni okiigh.

Azaya 29:13

Ọmoogh-we phọ ạḅem mọ, “Awe phọ ạbuen okophora mọ ạbuno ruuseeny ghan ịmi, kụ ikpo ọnhu ạbidi ẹmhu ílho kụ iloghi ạbidi edi ni kịro ekpisi. Esi ạbidi ịyaar dị eḍighi ephigh, ọotughian oomo ịtooghi awe kụ ooko ghan eḍighinom ạraraar phọ ịpe awe ooko ghan bọ kꞌamem dị ebia.

Azaya 58:2

Bịdi ruuseeny ghan ịmi oomo aḍio, kụ rọḅem ghan mọ ạbuno rọwa ghan olegheri areten phọ ạmi kụ ọnaghanan iilogh phọ ạmi. Bịdi rọḅem ghan mọ bụno rọwa ghan ịlo mị kạngo bụno igey iilogh kụ mọ ẹḅeeraan bụno ooseeny ghan ạmi.”

Jerimaya 4:11

Amem retu ni dị kọḅeni weye phọ aJeruselem mọ ọghologhol ookuugh akugh ni ẹpe ẹdala phọ ratu ọteeny ạbidi. Ookuugh phọ óḍighi ọbam dị kạsighiogh ịiphia bịn —

Jerimaya 4:14

Jeruselem, tootola ịkaraph sịphe ologhi phọ ạna, pịdi nạ ạmoogh pẹleeny. Ạpur amem kụ nạ ạbile ọotughian ghan ịkaraph ịitughian?

Ịkunuma 3:57

Nạ ụphagharanaan ịmi kụ ạḅem mọ mị kúkiilaan.

Izikiel 18:31

Ịbile oomo ịkaraph phọ nyina reḍighi ghan bọ, kụ ẹmooghaan siloor anyina imoom iloghi rꞌarokpom. Iḍighi ika kụ nyina ạbuo Ịzirel rẹwa bọ omugh phọ?

Zẹkaraya 1:3

kụ ọlo nyịidipho mị rịḅeni inyina mọ iḅula esi ạmi kụ mị kaḅula ni esi anyina.

Malakai 3:7

Nyina ẹkigh bụrude ạburude phọ anyina bụphe moten bọ, nyina mẹḅitonaan iilogh phọ ạmi ẹḅile kẹn rẹ́daph mun. Ikiton eru esi ạmi, bịn mị kakiton ni atu esi anyina. Kụ ọlo nyina repuru ghan mọ, ‘Yoor koḍighi bọ ika kụ oḅula esi ạna?’

Matiu 12:33

“Nyina ẹḅem mọ oreeny phọ ọphon ạnighe ni, pọ iimuma phọ ọdi ẹnighe aani ni. Nyina ẹḅem mọ ọphon ọḅoria oreeny, pọ iimuma phọ ọdi ịḅoria aani ni. Esi iimuma phọ kụ ẹdi nyina kelegheri ọdo phọ oreeny phọ.

Matiu 15:2

“Uḍighi ika kụ ạbumatuan phọ ạna rọpueghi bọ eḍighinom ịyaar agediidi phọ? Bịdi ụ́kuami uutola rạghaagh kụ ogbi olhe eḍien.”

Matiu 27:24

Mem dị aPailet ạmiin bọ mọ ọno kátue ạkaaph aḅonyon iloghi awe phọ, mọ ịgbaragbara ghụn kụ ịḅile resoor ọdi ạsighe ni mụum kụ aatola rạghaagh ọdi ghisigh aḍita phọ, kụ ạḅem mọ, “Mị úḍigh aani esi aḍuugh ogey oye phọ ọphon. Ḍịen aḍighiton anyina.”

Iiḍighi 15:9

Kụ ọdi ọ́lhogh ọku ogbo ayira rꞌạbidi, ạtuan omeeraam mọ ạbidi kụ awoph iloghi phọ ạbidi.

2 Bụo ạKorint 7:1

Iiḅi asiya, ịduon muguanaan bọ iyira ruguan phọ ịphen, owopha loor ayira ọsighe oomo ịkaraph lọ aruzu phọ rꞌaruwaloor phọ ayira mẹbiphigha, ọrol ghan dọl ọlogh ghan eegu Ẹnaan phọ, kụ ọwaam ghan ịdi yira kookuan oseleman ọmadan!

1 Timoti 2:8

Mị rạwa mọ tọrobo aḍio ạsiosi alephiri dị oseleman ọlhel ghan ịphalaḅaal ạraghaagh kụ ọoḅereghi Ẹnaan. Kụ́ḅaram ghan ophin ologhi rꞌịgbakian.

Bụo aHibru 10:22

Kụ ọtuan ịduon phọ oḍuraan ghan oru otuman Ẹnaan! Ọpham igey iloghi rꞌọokpara omeeraam rꞌiloghi dị mogbuurogh ọḅaalami esi ịitughian apum rꞌasiloor dị owur mụserereeny ạmuum kụ orumom!

Bụo aHibru 7:19

Iilogh phọ aMozis ítue iḍighi ịdi rꞌeniin ịyaar eseleman. Kụ nyịidipho yira mọmoogh oḍuom ologhi dị ạnighe apu, dị yira kọtuan kụ otuman aani Ẹnaan.

Jems 1:8

ịdi eḍighi bọ oomo eḍighinom ịyaar phọ ọdi rẹkporokporo ni.

Jems 3:17

Esi omiighom, ịyaar rẹ́biph ghan olegheri ịyaar phọ ọpo ạḍua bọ kꞌạke kụ aru, ḅịle kẹn sighiton rạ́wa ghan. Rạnma ghan ghụn ighirigiir kạmoogh eeḅi ẹzo rꞌigbiririph, kụ kamuum iimuma igey iiḍighi. Ọ́moogh ịiseeny rꞌọkulakula ologhi.

1 Pita 1:22

Nyịidipho phọ nyina mẹnaghanan bọ igey phọ eselemian loor phọ anyina, dị tụtu ẹkuami ẹphomoghian bụo asiya phọ anyina, oniin ạphomoghian nyoniin rꞌoomo ologhi ọdi ạmadan!

1 Pita 3:21

Ạmuum mọ ạmuen phọ ạkighom mụphe robur ghan bọ ọphelom anyina. Owur ạmuum mọ kọ́ogbirinaan ẹenir aloor bịn, ọgba ghan omitiom rꞌophooph ologhi mọ omeeraam ni Ẹnaan. Owur ạmuum mọ rạtuan ghan ịdipho ạJizos Kraist aḅetenu bọ sịphe aḍuugh phọ kụ kịphel inyina.

1 Jọn 3:3

Kụ tọrobo oye lọ ạmoogh oḍuom ologhi phọ ọphon esi aKraist, pọ raselemian loor oseleman ịdipho aKraist.

1 Sạmuel 14:35

ẠSol ạkananaan enmeny ạrikia Ọmoogh-we phọ, ẹphen kụ ẹḅel enmeny dị ọdi ạkan.