Jems 4:7 - Ạḍinya Iigbia

⁷ Esi ịduon phọ, isooromi loor anyina ẹngo Ẹnaan. Ịmerenyan Eru, ọdi kighiilaan inyina asuma.

Jems 4:7 Iomraidhean Croise

2 Sạmuel 15:26

Kụ ọlo eḍighi ịyaar lọ mị akia nyọdi — pọ ọdi uḍighi ịmi ịlo ẹḅeeraan nyọdi.”

2 Krọnikuls 30:8

Kẹ́ḅaar ẹmhu ịdipho ạbidi, kụ ịnaghanan Ọmoogh-we phọ. Itu sịphe Otu Ịiḅereghi phọ ẹpe Jeruselem, esi phọ Ọmoogh-we Ẹnaan phọ anyina maseeriom bọ ruukuan kꞌagee-pọ, kụ ooseeny nyọdi bịn ọdi kạ́mooghom mun nịiniin inyina ophin ologhi.

Job 1:21

Ọdi ạḅem mọ, “Ụmaram ịmi rꞌoopho ạraghaagh, kụ mị kamugh rꞌoopho ạraghaagh. Ọmoogh-we phọ kụ ạngo, kụ nyịidipho ọdi mạsighiogh. Ạḍiseph ẹrolonaan ḍien phọ ọdi.”

Ạsuor 66:3

Ịḅeni Ẹnaan: “Pọ eeghe oḍighi ịiḍaany dị nạ aḍighi. Ịikpo phọ ạna ẹbugh ni iboom dị ạbumulogh-ḍien ozumeri rụmhu egbodo ạna esi oghiilaan.

Ạsuor 68:30

Ḅạamogh weye Ijipt, bụphe ọghigh bọ ilhom ịnam mọ edi bọ loor ikpu phọ; ḅạamogh weye areelhe kịrokiro, bụphe ọghigh bọ ilephiri ạsinam rꞌạnmuny ạbidi, tụtu oomo ạbidi okpuḍughian kụ ọngo nyịna silva ạbidi. Wạawalami oomo awe phọ ạbuphe ạraagham kụ ẹḅeeraan bọ.

Jerimaya 13:18

Ọmoogh-we phọ ụḅeni ịmi mọ, “Ḅẹni ọdaam-ẹmha phọ rꞌonhiin phọ ọdi mọ ọḍua sịphe ạsidol igbogh phọ ạbidi osoor, loor esi dị ịma aroghoony ọdaam-ẹmha phọ ạbidi mezunyonu sịphe ạrumhu phọ ạbidi emeleghu.

Dạniel 4:25

Kophorogh ni nyịna ọsighe eghoroghan awe kụ nạ atughan rꞌilhom ịnam. Esi oḍual ạsia nạ kạtaal ghan rọogho ịdipho ạnam, kụ ạmina ghan ephoghoghoony, esi dị ooto kasoorom ghan nyịna. Kụ nạ agbi omeeraam mọ Ọkaraghi Egbogh Ẹnaan phọ kụ repogh oomo ạramar awe, kụ mọ ọdi katue ni ạngo bịdi tọrobo oye lọ ọdi ạsaḅar.

Dạniel 4:32

Kophorogh ni nyịna ọgbole eghoroghan awe. Tọlan rꞌilhom ịnam kụ ạraal rọogho ịdipho ẹnam adool esi oḍual ạsia. Kụ nạ agbi ologhoma mọ Ọkar Egbogh Ẹnaan phọ kụ repogh oomo ạramar awe, kụ mọ ọdi katue ni ạngo bịdi tọrobo oye lọ ọdi ạsaḅar.”

Matiu 11:29

Ịsighe ọfeguma phọ ạmi ẹgban rụpha anyina, eru mị ịtughemi inyina, emeera mị ụpamaghan ghuḍum mọ anyina. Mị oye ọopho ologhi rꞌosooromi aloor kụ nyina kẹmoogh ni ophooghian.

Iiḍighi 26:19

“Kụ nạ Ọdaam Ạgripa, esi ịduon phọ mị ụ́moogh oḅom ẹmhu ịlo ịpe mị ạmiin bọ uḍien phọ.

Iiḍighi 9:6

Ḅetenu amite ẹpe ẹmha phọ, kọḅeni ni nyịna ịdi nạ kaḍighi!”

Bụo aRom 10:3

ịdi eḍighi bọ bịdi kőlhegheri reten phọ Ẹnaan rẹsighenom ghan bọ mọ bụen awe aruukuan ni phọ. Bịdi rọlem eḍighinom ịyaar ẹlo ạbidi, úsooromi loor ạbidi ụngo reten phọ Ẹnaan eseere bọ.

Bụo aRom 14:11

ịdi eḍighi bọ ạḍinya iigbia phọ rẹḅem ghan mọ, “Ọmoogh-we phọ rạḅem ghan mọ, ịduon mị odi bọ ni, tọrobo oye kakpuḍian ghisigh ạmi kụ ạgba ghan amitiom mọ ạmi Ẹnaan.”

Bụo ạEfesos 4:27

Rꞌamem rꞌamem kẹ́ngo eepoogh Eru phọ.

Bụo ạEfesos 5:21

Ịdipho nyina ẹlogh bọ eghuan Kraist, oniin asooromi ghan loor ạngo nyoniin!

Bụo ạEfesos 6:13

Ịtuan ịphen phọ ẹnyaaghian oomo ịinya ẹgham mọ Ẹnaan, ọbo ẹteeny ḍio phọ ạbumulogh-ḍien phọ kizuom bọ inyina, nyina erue ẹmerenyan, pịdi ee ọman nyina ezin ḍịghaagh iphelegbe.

Bụo aHibru 12:9

Epel ịphen phọ, yira ụḅile ni ọmoogh bụrude sịen ade phọ dị ụliom ghan iyira, kụ yira ụlogh ghan kẹn ni bịdi eghuan. Ẹkpe ghụn ni epu dị yira kosooromi loor phọ ayira ọngo ịikpo Ọde phọ odi bọ kꞌạke, pịdi ọmoogh ghuḍum.

1 Pita 2:13

Ịtuan ẹmhu Ọmoogh-we phọ ẹnaghanan ghan oomo ịtooghi awe ịikpo, mꞌuwo ẹmha phọ aRom aḍighi bọ ni zin ịtooghi phọ,

1 Pita 5:6

Isooromi ni loor anyina sịphe ḍịghaagh iphelegbe phọ Ẹnaan, pịdi ạḍighaagh anyina kụ eḅetenu mem mọ Ẹnaan egu bọ.

1 Sạmuel 3:18

Ẹpe kụ esi dị ạSamuel ạghaaph ạḅeni nyọdi oomo phọ ịdi. Ọdi ósugheeny ịyaar. Kụ Ilai ạḅem mọ, “Ọdi kụ Ọmoogh-we phọ. Ịlo ẹḅeeraan nyọdi, ọdi aḍighi!”