Jems 4:6 - Ạḍinya Iigbia

⁶ Kụ ọdi rụngo ghan iyira ịnyaam kạloghom ịlo okoronaan ịkaraph ạruuphua, ịdipho ạḍinya iigbia phọ ẹḅem bọ mọ, “Ẹnaan regbororian ghan reten ạbuphe robaga bọ, kẹngo ooḅi ọghor bụphe osooromi bọ loor.”

Jems 4:6 Iomraidhean Croise

2 Krọnikuls 32:26

Ekureriom mọ, ịlo eḍighi eḍighi, ạHezekaya rꞌawe aJeruselem usooromi siloor ạbidi, kụ Ọmoogh-we phọ ọ́lhiom we phọ emuton mem dị ạHezekaya mamugh.

2 Krọnikuls 33:12

Esi ọmiinom mọ kụ ẹdi ọdi asooromi loor, akiton aphogh Ẹnaan phọ ọdi Ọmoogh-we phọ, kụ ạlom pẹleeny esi ọdi.

2 Krọnikuls 33:19

Ịiḅereghi ọdaam mọ rꞌọphagharanaan Ẹnaan phọ rꞌoomo ịkaraph phọ ọdi aḍighi yogh bọ kụ ọdi agbi bọ — ạsipioghom mọ ọdi, ariisi ịiḅereghi aruru, rꞌigbudu um-ạke Asera phọ dị ạḅologh bọ, rꞌịkaaneen ạrumugh phọ ọdi aaseeny ghan bọ — oomo phọ ịne ọge ni loor ạḍinya ạraghaaph ariil phọ.

2 Krọnikuls 33:23

Esi dị ọdi ụ́kigh ọde ọdi, ọdi ósooromi loor okiton ophogh Ọmoogh-we phọ; ọdi ạpioghom apu ọde ọdi.

2 Krọnikuls 34:27

kụ nạ akiton kụ asooromi loor esi ạmi, ạphanyi rukpe ạna kụ amoghi mem dị nạ ạnaghan dị mị ạdegh ọliom aJeruselem rꞌawe ọdi. Mị mạnaghan ni ịiḅereghi ạna,

Job 22:29

Ẹnaan resooromi ghan ni oye lọ aphoophe loor, ạḅile rapoophe ghan oye lọ asooromi loor.

Ạsuor 138:6

Ghạlamo ịduon nạ odi bọ kꞌekpisi dị ẹkel ạnyu, nạ rạpam ni bụphe osooromi bọ siloor, kụ bụo ophoophe aloor kótue ọbooghian esi ạna.

Ạsuor 9:12

Ọdi rạliom ghan weye lọ oḍighi ịkaraph bụnon, ọdi rạatughian ghan bụphe rọmiinom bọ, ówula emoghi phọ ạbidi.

Ẹḍua 18:11

Nyịidipho mị malhegheri mọ Ọmoogh-we phọ ạbugh apu oomo ịnon ạrumugh, ịdi eḍighi bọ ọdi mạphel we phọ ọdi dọl ịminimiin rạghaagh awe Ijipt phọ, mem mọ bịdi rọmiine bọ bịdi.”

Asidogh 15:33

Ọlogh ghan eegu Ọmoogh-we phọ, ịtuugha ni rꞌaloor. Nạ kasooromi loor kụ nạ agbi ọmoogh arughuenian.

Asidogh 18:12

Oye ólho dị rọngo ghan rughuenian emuton lọ masooromi loor. Awe ophoophe aloor rotelhe ghan eten amuphe.

Asidogh 22:4

Nạghanan Ọmoogh-we phọ, asooromi loor, bịn nạ kạmoogh ẹelha rꞌeghuan, ạḅile ạtol abia.

Asidogh 29:23

Ophoophe aloor kạngo nyịna emeel, kụ nạ asooromi loor kọlogh ni nyịna eegu.

Asidogh 3:34

Ọdi ọ́moogh ịyaar oḍighinom we dị ophoophe loor, kụ ạngo ooḅi ọghor bụphe osooromi bọ loor.

Azaya 2:17

Ophoophe aloor oye kasi ni eekuna kụ opiemi oobaga oye. Ịkaaghineen ạrumugh kepe ni emuneen, kụ Ọmoogh-we phọ bịn kụ ọdi kokueni ḍio phọ ạḍiphe.

Azaya 54:7

“Ọony ẹkpor amem mọ mị ạwile bọ nyịna; rꞌegey ẹphomoghian kụ mị ạḅile ni ạmagh nyịna aḅulemi.

Azaya 57:15

“Mị kụ Ọkar Egbogh Ẹnaan Iigbia phọ, ọpo odi bọ kꞌagee-pọ. Mị atugh esi iigbia dị ephoph, kụ mị ạḅile odianan rꞌawe lọ osooromi loor kụ ọwile yogh oḍighi ịkaraph, ọbo mị aḅulemi omeeraam rꞌoḍuom ologhi ạbidi.

Dạniel 4:37

“Kụ nyịidipho mị ạNebukadnezar aboomi, akueni, ạḅile aaseeny Ọdaam kꞌạke phọ. Tọrobo ịyaar lọ ọdi aḍighi pọ elhiom ni ẹḅile eseleman. Ọdi kụ ạmoogh ịikpo osooromi oye lọ aphoophe loor.”

Matiu 13:12

Nyọpo ạmoogh bọ, Ẹnaan kẹngo ni ẹbughe; kụ ọpo ụ́moogh bọ ghạlamo ịyal-ikpo ịlo ạmoogh aani, Ẹnaan kẹbonyi ni.

Matiu 23:12

Kụ oye lọ aphophe loor ọdi kosooromi ni, kụ oye lọ asooromi loor ọdi kopophe ni.

Elegh aLuk 1:52

Ọdi magborion bugbogh ạraalha phọ esi ạsidol phọ ạbidi kụ apophe bụphe mạar ụ́man bọ.

Elegh aLuk 14:11

ịdi eḍighi bọ tọrobo oye lọ aphophe loor ọdi kosooromi ni, kụ oye lọ asooromi loor ọdi kopophe ni.”

Elegh aLuk 18:14

Mị rịḅeni ghan inyina mọ Ẹnaan isoph ni egheelemi oye phọ ọphon kụ ọdi ạpham ọsar ọwilenaan agheelom, kọ́phori phọ, ịdi eḍighi bọ tọrobo oye lọ aphoophe loor ọdi Ẹnaan kesooromi ni, kụ tọrobo oye lọ asooromi loor ọdi Ẹnaan kepophe ni.”

Jems 4:10

Isooromi loor anyina ghisigh Ọmoogh-we phọ. Ọdi kiphophe ni inyina.

1 Pita 5:5

Nyina ugheel phọ, ịtuugh igina phọ ịduon phọ kẹn kụ esooromi loor anyina ẹngo ikumoor awe phọ. Kụ aḍita phọ anyina ẹkpologhian ạsuoma osooromi aloor dị oniin kakumu ghan ạngo nyoniin, ịdi eḍighi bọ ạḍinya iigbia phọ rẹḅem ghan mọ, “Ẹnaan rẹḅitonaan ghan ni bụphe robaga bọ kẹngo ooḅi ọghor bụphe osooromi bọ loor.”

1 Sạmuel 2:3

Ịbile ọghaaph ophoophe aloor phọ anyina; ịbile ọghaaph iituma phọ anyina loor esi dị Ọmoogh-we phọ kụ Ẹnaan dị elegheri oomo awe, kụ ẹdi kụ raagbo ịiruen kạngo oomo ịlo iiḍighi awe mụghumo ẹnighe ni mꞌị́nighe.