Jems 4:5 - Ạḍinya Iigbia

⁵ Kégbiom ghan ologhi mọ ịpe ạḍinya iigbia phọ ẹghaaph bọ ị́man mạar mọ, “Uwaloor Iigbia phọ ọpo Ẹnaan ẹlhogh bọ loor ayira ọ́wa rọwa mọ ẹnon ịyaar rꞌọno oopikian.”

Jems 4:5 Iomraidhean Croise

Emiighom 26:14

Ọdi mạmoogh iyool-ịga, rụtu-ịga, sịnam rꞌaḍita ạnmuny-otu, kụ awe ạbuo aFilistia phọ ọlogh nyọdi ḍien.

Emiighom 30:1

Mem dị aRechel ạmiin bọ mọ ọno ọ́maranaan Jẹkob rꞌoniin ọony, kụ ạrolom ịghughian umarani phọ ọdi; kụ ạḅeni Jẹkob mọ, “Ụngo ịmi nmụny mị ụmar aani. Ịduon ílho, pọ mị kamugh.”

Emiighom 37:11

Abumor phọ ọdi ọlogh nyọdi ḍien, kụ ọde phọ ọdi ạphamanam mạlha phọ.

Emiighom 38:9

Onan alegheri ni mọ ạnmuny phọ ạbuphe kọmaraghi bọ kạ́buo ọno; kụ tọrobo amem lọ bịdi ọrolan esi, Onan azuughi ghan osiim aloor phọ ọdi ude, ọbo ọdi kạmaraghinaan bọ umor phọ ọdi nmụny.

Emiighom 6:5

Mem dị Ọmoogh-we phọ ạmiin bọ ịdi ạsipioghom awe melheeny sịen ade phọ, ḅịle mọ ịitughian ạbidi eḍighi ịkaraph ịkaraph oomo amem,

Emiighom 8:21

Eḍu ẹkia phọ ịḅeeraan ni Ọmoogh-we phọ kụ ọdi ạḅenian loor ọdi mọ, “Mị kạ́tuan mun ịkaraph oye atonyon de phọ, ịdi eḍighi bọ kꞌẹghoroghor phọ oye ịkaraph ịitughian kụ edi ghan sịphe ologhi phọ ọdi. Mị kạ́ḅile mun apiemi oomo ạraraar phọ ịpe mị ạlhem bọ ẹmoogh bọ ghuḍum ịduon mị aḍighi bọ mem mọ ạmuen.

Ạsuor 106:16

Sịphe ẹdala ịisaar phọ bịdi ọghagham ologhi Mozis, rꞌEeron oyil ạrikia phọ Ọmoogh-we phọ ạsaḅar bọ.

Ạsuor 37:1

Kạ́aḅaghamian ologhi loor ẹmhu ạbuo ạsipioghom. Kágbeghe bụo igborion phọ,

Asidogh 21:10

Ạbukaraph awe rọmoogh ghan ẹephua oḍighi ịkaraph; bịdi rọ́nma ghan ighirigiir oye.

Ọtughemia Phọ 4:4

Mị mạḅile kẹn alegheri ịpe eḍighi bọ kụ awe rokumuan ghan bọ iboom lọ kẹnighenom bịdi. Eḍighi ịdi bịdi ropogh ghan matuman ạbidi kọḅeni mọ eeḅio. Kụ ọlo oopho ni bịn. Ẹkigh ophorogh ookuugh.

Azaya 11:13

Ọmar phọ Ịzirel kápin mun ologhi aJuda, kụ aJuda káḍighi mun mụlogh-ḍien Ịzirel.

Igbiighi 11:29

Kụ aMozis apuru nyọdi mọ, “Nạ ụtuan ịmi kụ rạkagh bọ ologhi? Kịḅeeraan ghụn ni ịmi dị Ọmoogh-we phọ ạsighe uwaloor phọ ọdi adoghoḍi loor oomo awe kụ bịdi ọlooghi ịlo ariil!”

Igbiighi 23:19

Ẹnaan ị́kigh ịdipho awe dị rọgba ọkpe; Ọdi kọ́ony oye dị kanme ologhi ọdi. Tọrobo ịlo ọdi aguanaan, ọdi kaḍighi ni.

Elegh ạJon 10:35

Yoor olegheri ni mọ kótue ọka ịpe edi bọ sịphe ạḍinya iigbia phọ, kụ mọ Ẹnaan ighol li bụphe ọghaaph phọ ọdi aru bọ ạteeny mọ ạrumugh.

Elegh ạJon 19:37

Kụ ẹnon ẹkpigh sịphe ạḍinya iigbia phọ edi ni dị ẹḅem mọ, “Bịdi kopogh ni ọmiin nyọpo bịdi ogim bọ ọsoph phọ.”

Elegh ạJon 7:42

Ạḍinya iigbia phọ rẹḅem ghan mọ aMesaya phọ kaḍighi ọnyo ẹemara aDevid ọdaam mọ. Kọmar nyọdi Bẹtilihem, ẹmha phọ aDevid arugh ghan bọ.”

Iiḍighi 7:9

“Kụ ạburude phọ ayira ọlogh ḍien Jọsef, kụ aalha nyọdi bumuul ḍighi dị ọpham nyọdi osiom Ijipt. Kụ Ẹnaan ịrolonaan ni nyọdi,

Bụo aRom 1:29

Ịlo bịdi úlegheri ílho — ịkaraph, ekpooko, ephogh-aḍien. Ẹḍim, ọko enu, ọgbaragbara, iigbegheḍiom, ịghughian kụ imuza loor ạbidi. Bịdi odimom ghan ịkalaghian

Bụo aRom 9:17

Ḅịle kẹn, ạḍinya iigbia phọ ịḅeni ghan ọdaam eelhe phọ Ijipt, mọ, “Ọkaraghi ịphen phọ mị ạtuan bọ kụ aagho bọ nyịna ọda ẹmha phọ ịduon: mọ eḍighieen phọ mị aḍighi bọ nyịna keḍeenaan ịikpo phọ ạmi, aḍien phọ ạmi eeleghaan oomo aḅirini phọ.”

1 Bụo ạKorint 6:19

Nyina ílegheri mọ aloor phọ anyina kụ otu ịiḅereghi phọ Uwaloor Iigbia phọ Ẹnaan arugh bọ? Nyina ị́moogha loor anyina — nyina ạbuo kꞌẸnaan.

2 Bụo ạKorint 6:16

Otu ịiḅereghi phọ Ẹnaan rꞌạnmuny aghuḍuul ạbuo aruru phọ kọpomoghian bọ ika? Yira phọ kụ otu ịiḅereghi Ẹnaan phọ edi ghan bọ ni. Ịdipho Ẹnaan rꞌaloor ọdi kụ ẹḅem bọ mọ, “Mị kaḍighi bịdi marugh phọ ạmi, ạḅile atugh sịphe ogbo phọ ạbidi. Mị kaḍighi Ẹnaan ạbidi, bịdi oḍighi weye ạmi.”

Bụo aGaletia 3:8

Ọge ni sịphe ạḍinya iigbia phọ mọ Ẹnaan ilegheri ni kꞌaḍiodi mọ ọno kạtuan omeeraam kụ ạsighenom ruuruen phọ mọ awe aruukuan ni, kụ ịghaaph ni ooḅi ọghaaph phọ ẹḅeni Ebraham kꞌaḍiodi mọ, “Kọtuan nyịna kụ ọseph oomo areelhe aḅirini phọ.”

Tạitos 3:3

ịdi eḍighi bọ mem dị eten yira rꞌaloor ayira ụrol ghan ni dọl elegheri ịyaar rꞌẹnaghanan rꞌẹkaraph eḍighinom ịyaar. Yira uḍighi ni rẹbene ọngo ịkaraph ạruuphua rꞌẹedugha kịrokiro. Yira uphiemi ni ghuḍum mọ ayira ọrol ghan dọl ịghughian rꞌiloghi ẹḍim. Bụnon awe ụlogh ni iyira ḍien kụ yira ụlogh aani ni bịdi.