Jems 4:4 - Ạḍinya Iigbia

⁴ Nyina ẹkigh ạnir ilom dị rale ghan ẹmha. Nyina ílegheri mọ ọyooyo aḅirini phọ, pọ ạmulogh-ḍien Ẹnaan. Tọrobo ọlo rạwa oḍighi ọyaghiri aḅirini phọ, pọ maḍighi mụlogh-ḍien Ẹnaan.

Jems 4:4 Iomraidhean Croise

Emiighom 3:15

Mị kạlogh ẹpomoghian igbo ạnir phọ rꞌạna; ọony ọdi rꞌọony ạna kọtol dọl ẹpomoghian oomo amem. Ọdi kabun ghan ni ẹmhu ạna, kụ nạ alom ghan eeghim ọdi.”

Ạsuor 21:8

Ọdaam mọ kasiph ni oomo ạbumulogh-ḍien phọ ọdi. Ọdi kasiph ni tọrobo ọlo ạlogh nyọdi ḍien.

Ạsuor 50:18

Nạ aḍighi ọyaghiri ạtorobo ọḅa dị nạ ạmiin; abulhiom ẹmha rꞌạna kụ relian ghan.

Ạsuor 73:27

Bụphe oghel bọ nyịna kọkar ri kụ ope; nạ kapiemi ni bụphe nyịna úmeelom bọ.

Azaya 57:3

Itu sịen, nyina abuḍighinom ịkaraph. Kosoph ni ọoruen ịngo inyina. Nyina ị́nighe ipu we ạghama, bulhiom ẹmha rꞌạnmariir erelhe ipesi.

Jerimaya 2:2

mọ gbeelom dom mọ aḍien ạḅeni tọrotoro oye lọ odi Jeruselem. “Mị ạatughian ni omeeraam dị nyina ẹmoogh ghan mem ẹghoroghor phọ anyina, ịpe nyina ịphomoghian bọ ịmi mem mọ pụruku yira ạalan bọ. Nyina ịdaph ni ịmi ẹpe ẹdala phọ, ẹpe ade phọ oye kőḅeph ghan bọ.

Jerimaya 9:2

Mụghumo mị ụmoogh ni esi ọrol ẹpe ẹdala phọ, ekpisi dị mị kạkelan weye phọ ạmi. Oomo phọ ạbidi úmeeraam mun Ẹnaan, oḍighi egu areepheeny.

Izikiel 16:32

Nạ ạkigh ạnir phọ ọpo ạal bọ ilom kụ raliom ghan bọ ẹmha ruuruen kpạripe rꞌọphomoghian olhom mọ ọdi.

Hosia 3:1

Ọmoogh-we phọ ụḅeni ni ịmi mọ, “Ḅịle ni ạghi aḍeenaan ẹphomoghian phọ ạna oliom ẹmha ạnir phọ rꞌọyuga phọ ọdi. Pọmoghian nyọdi ịduon mị ạphomoghian bọ ni we phọ Ịzirel, ghạlamo ịduon bịdi okiton bọ iloghi ạbidi ropogh ịnon ạrumugh kụ ẹḅeeraan bọ bịdi ọngo ịgbaghaḍineen ịsaraghi rụmugh dị ọkaaghi.”

Matiu 12:39

Kụ ọdi mọ, “Uḍighi ika kụ awe ạnyiidipho eeph bọ ịduon rꞌelegheri Ẹnaan? Bịdi rọwa ghan ịiḍaany kụ ịiḍaany dị kọngo bịdi ílho, emuton ịiḍaany phọ ẹpe aJona oyil phọ Ẹnaan.

Matiu 16:4

Ọkaraph oghiil phọ ọphon Ẹnaan úlegheri bọ ropuru aani ghan ịiḍaany, kụ ịiḍaany dị kọngo bịdi ílho, emuton ịiḍaany phọ ẹpe aJona oyil phọ Ẹnaan.” Kụ ọdi ạwile bịdi ạḍua.

Matiu 6:24

“Oye ólho dị katue ạdaph ịyal ạburude-otu. Ọdi kạlogh ni nyoniin ḍien, ạpomoghian nyọori phọ. Ọdi kạpamanam ni nyoniin akel nyọori phọ. Nyina kétue ẹḅar Ẹnaan rꞌikpoki kụ ẹdaph.

Elegh aLuk 19:27

Kụ ịsighe oomo phọ ạbuphe ụlogh bọ ịmi ḍien phọ kụ úmeera bọ mọ ạmi uḍighi ọdaam ẹmha ạbuno phọ eru ẹze sịen ghisigh ạmi.’”

Elegh ạJon 15:19

Mọ nyina ạbuo aḅirini phọ, ọbo aḅirini phọ mịphomoghian ni inyina mụdi awe ọdi. Kụ mị mịsaḅar inyina bịn nyina kạ́buo aḅirini phọ mun. Ịduon kụ iḍighi kụ aḅirini phọ ịlogh bọ inyina ḍien phọ.

Elegh ạJon 17:14

Mị ụghaaph ni ọghaaph phọ ạna ạḅeni bịdi, kụ aḅirini phọ ụlogh ni bịdi ḍien, ịdi eḍighi bọ bịdi kạ́buo aḅirini phọ, ịdipho mị útu bọ ọlo aḅirini phọ.

Elegh ạJon 7:7

Aḅirini phọ kátue ịlogh inyina ḍien, kụ mị ghụn kụ ẹdi ạlogh ḍien, ịdi eḍighi bọ mị rạḅeni ghan ni mọ iiḍighi phọ ọdi ị́nighe.

Bụo aRom 5:10

Yira ụlogh ni ḍien Ẹnaan, kụ aḍuugh Ọony phọ ọdi mịgba iyira ẹpomoghi. Ịkiom nụun ologhi pẹleeny dị aghuḍum mọ aKraist kụphel iyira.

Bụo aRom 8:7

Bụphe ịkaraph ạruuphua bịn kụ edi ghan bọ iloghi phọ ạbidi, ạbumulogh-ḍien Ẹnaan ni. Bịdi iilogh phọ Ẹnaan rọ́naghanan ghan, kụ kótue ni ọnaghanan.

1 Bụo ạKorint 1:20

Ika kụ ẹmhu ịphen phọ esi ạbuo olegheri ịyaar phọ rꞌạbutughemia iilogh phọ rꞌạbuphe rọoḅeghion bọ kọnunuan olegheri ẹmhu ịlo aḅirini phọ? Ẹnaan meḍeenaan ni mọ olegheri ịyaar aḅirini phọ ọphon pọ elologhi.

1 Bụo ạKorint 1:21

Ẹnaan esi olegheri ịyaar phọ ọdi eḍighi ni dị awe kọ́sighe olegheri ịyaar ọlo ạbidi kụ olegheriom nyọdi. Ịḅeeraan ghụn Ẹnaan ọtuan adom elologhi phọ yoor rotelhe bọ ọphel ạbuphe omeeraam bọ.

Bụo aGaletia 1:10

Ịphen phọ ẹkigh mụdi mị rạwa ghan mọ awe ụseph ịmi ḍụghum? Eeye. Mị rạwa ghan ḍịseph Ẹnaan. Ẹkigh mụdi mị rạwa ghan mọ awe ulegheri ịmi ḍụghum? Mọ ạḍiseph awe kụ ịḅeeraan ịmi, ọbo mị múḍighi ẹbene aKraist.

Jems 1:27

Oye lọ aakonom ghan bụnyigo ạnmuny, aphogh ghan rukpukele ạnmariir esi ịminimiin phọ ạbidi, kụ úmeera mọ ịitughian aḅirini phọ ẹphue nyịno, kụ ọdi Ẹnaan Ọde phọ ạsighe mọ omeeraam mọ ọdi ọ́phuph, ḅịle kẹn ịyaar ị́biph.