Jems 4:3 - Ạḍinya Iigbia

³ Ghạlamo kẹn nyina ịlom ni bịn nyina rẹ́moogh ghan ni, ịdi eḍighi bọ nyina ẹsighe ghan ịkaraph ịitughian kụ rẹlomom. Nyina rẹwa ghan ịlo ọpheremiom ạruuphua phọ anyina bịn.

Jems 4:3 Iomraidhean Croise

1 Ạbudaam 3:11

Kụ Ẹnaan ẹḅeni nyọdi mọ, “Loor esi ịlom mọ ịphen nạ ạlhom bọ, kụ nạ ụ́lhom bọ kụudoony aghuḍum, kẹn nạ ụ́lhom bọ ẹelha rꞌaghuḍum ạbuphe ọlogh bọ nyịna ḍien, kụ nạ ạlom olhegheri ịyaar olegheri ghan ịlo ẹnighe rꞌịlo ị́nighe.

Job 35:12

Bịdi romoghi ghan ọloghonaan ạḍighaagh, kụ ọlo Ẹnaan rẹ́naghan ghan, loor esi dị bịdi ịkaraph awe dị ophoophe loor.

Ạsuor 18:41

Bịdi omoghi yogh ọwa ọlhoghonaan ạḍighaagh, kụ oye bịdi ọ́phel; omoghi osomoriom Ọmoogh-we phọ kụ ọdi ạḅitonaan bịdi.

Asidogh 1:28

Pọ kụ amem dị nyina kẹmagh olegheri-ịyaar mọ aru, kụ mị inyina kị́phagharanaan. Nyina kịwa ni ịmi oomo ariisi, kụ nyina ịmi kị́miin.

Asidogh 15:8

Ọmoogh-we phọ rạsighe ghan ịiḅereghi abugey awe, kụ akel rịkia lọ ạbukaraph awe ọphinyon ọngo.

Asidogh 21:13

Eḍighi ịyaar dị nạ úmeera ọnaghanan emoghi arukulom, nạ amoghi ọloghonaan ạḍighaagh oye kạ́naghan.

Asidogh 21:27

Ọmoogh-we phọ akel mem dị ạbukaraph awe ọngo nyọdi rạraar aghuḍum mꞌẹlo nụun ọngoom rꞌịkaraph ịitughian.

Jerimaya 11:11

Kụ iḍighi kụ nyịidipho mị Ọmoogh-we phọ rạpur bịdi rụru mọ mị kaagulemi bịdi, ḅịle kẹn bịdi kókpetenaan. Ḅịle kẹn, mem lọ bịdi omoghi uphoghom ịmi ọlom ọloghonaan ạḍighaagh, mị kạ́naghanan bịdi.

Jerimaya 11:14

Jerimaya, kákol mun rụmhu awe phọ ạbuen ụuḅereghian ịmi. Mem lọ bịdi odi esi ịiḅaghami kụ ọlo ụmagh ịmi ọlom ọloghonaan ạḍighaagh mị kạ́naghanan bịdi.”

Jerimaya 14:12

Ghạlamo bịdi ụkaagh ni ẹḍogh mị kạ́naghanan emoghi ọloghonaan ạḍighaagh phọ ạbidi; ḅịle kẹn ghạlamo bịdi ụphinyon ni rịkia oguom ạnian ḅịle rꞌạrikia ariiḍien, bịdi kọ́ḅaalami ologhi ạmi. Kpạripe ghụn mị kạziom bịdi ẹgham, ḅịle rꞌịgbakuro, ḅịle rꞌạreezegh.”

Maika 3:4

Amem retu ni dị nyina kemoghi emitiom epoghom Ọmoogh-we phọ, kụ ọdi inyina kị́naghanan. Ọdi kạ́naghanan ịiḅereghi anyina loor esi dị nyina mẹpioman.

Zẹkaraya 7:13

Loor esi dị bịdi úmeera bọ úler rụru mem mọ mị ạghaaph bọ, mị ụ́pagharanaan mun mem mọ bịdi ọoḅereghi bọ.

Matiu 20:22

Kụ ạJizos mọ, “Nyina ílegheri ịyaar phọ nyina rẹlom bọ. Nyina ketue ni ẹpugholom ẹgo ịminimiin phọ ẹphen mị kạpugholom bọ ḍụghum?” Kụ bịdi mọ, “Yoor kotue ni.”

Elegh ạMak 10:38

Kụ ạJizos mọ, “Nyina ílegheri ịyaar phọ nyina rẹlom bọ. Nyina ketue ni ẹpugholom ẹgo ịminimiin phọ ẹphen mị rạpugholom bọ ḍụghum? Ọḅile kẹn iwur aani inyina mụum ịminimiin phọ ạmuen ruwur bọ ịmi ḍụghum?”

Elegh aLuk 11:10

Tọrobo oye lọ ạlom, kọngo ni nyọdi. Oye lọ ạwa kạmiin ni. Oye lọ akar, kokughuronaan ni nyọdi.

Elegh aLuk 15:13

Íbia bịn esoony phọ aalhaghi oomo ạraraar phọ ọdi, kụ ạghi eelhe dị ẹkel, kụ aliom ikpoki phọ ọdi uruur.

Elegh aLuk 15:30

Kụ ọony phọ ạna ọphon phọ aphiemi bọ oomo ạraraar phọ ạna loor abulhiom ẹmha ạnmariir, kụ ọdi rorigheel kụ nạ maghiighaan oophoony ọony ạnam mọ.’

Jems 4:1

Eeghe kụ rẹkom ghan bọ ịruonu rꞌelephiri kẹlogh ogbo phọ anyina? Nyina ílegheri mọ ịtuan rụuphua phọ ịpe rebianan bọ pạ iloghi phọ anyina.

1 Jọn 3:22

Tọrobo ịyaar lọ yira ọlom, ọdi rạngo ghan ni, loor esi dị yira rooko ghan ni iilogh phọ ọdi koḍighinom ghan ịpe ẹḅeeraan bọ nyọdi.

1 Jọn 5:14

Kụ ọphon kụ oḍuom ologhi phọ yira ọmoogh bọ ghisigh Ẹnaan: mọ tọrobo ịyaar lọ yira oghol ịpe ọdi rạwa bọ kụ ọlom, ọdi rụnaghanan ghan ni iyira.