Jems 4:16 - Ạḍinya Iigbia

¹⁶ Kpạripe rꞌịdipho phọ ghụn nyina ẹḅile reḅo ghan iḅo-igbogh rꞌiituma. Ịphen phọ ị́nighe.

Jems 4:16 Iomraidhean Croise

Ạsuor 52:1

Eeghe kụ nạ raabagaam ghan bọ ịkaraph phọ ạna, oye aḍigbogh ạdol. Ẹphomoghian phọ Ẹnaan edi ghan ni kꞌagee-pọ.

Ạsuor 52:7

“Mịin, phọn oye dị ụ́kpasi oomo eekpereghian aloor esi Ẹnaan, kụ ạkpasi ghụn esi eboom ẹelha ọdi ạḅile ạkparamian loor ọdi sịpioghom.”

Asidogh 25:14

Awe dị oguan rạraar dị bịdi útue ụ́ngo, ọkigh ọotu rꞌoghim dị ọlophia ụ́daphan.

Asidogh 27:1

Káabagaam iḍue phọ kẹḅaal bọ. Nạ ólhegheri ịlo kemite igbo ạnyiidipho rꞌịlo iḍue phọ.

Azaya 47:10

“Nạ uloghoma loor ạna esi ịkaraph phọ ạna; nạ ugbi mọ oye nyịna kạ́miin. Olegheri-ịyaar rꞌẹmaar phọ ạna ebi ni nyịna, kụ nạ ạḅenian loor ạna mọ, ‘Mị kụ Ẹnaan — ọnon oye ólho dị ụghigh ịmi.’

1 Bụo ạKorint 5:6

Ị́kpe dị nyina kebaga. Nyina elegheri ni ọḅem mọ ọphon ḍụghum mọ, “Ọony ẹnum ayist kụ raḍighi ghan bọ ịdi ạbred phọ katu.”

Jems 3:14

Kụ eḍighi mạar dị nạ ạmoogh ologhi ẹḍim rꞌịkaagh, pọ káḅom ẹmhu ạkaaph ịlo ọphuenom igey phọ.

1 Jọn 2:16

Ạraraar aḅirini phọ, pọ ạruuphua kịrokiro, rꞌephogh-aḍien, rꞌobaga. Rꞌeniin ịphen phọ rẹ́ḍua ghan esi Ọde phọ kụ keru. Ịphen phọ ịlo ịsien aḅirini phọ bịn.

Ogonanami Phọ 18:7

Ịngo nyọdi ịminimiin rꞌamukum ologhi dị aalenyan eegu rꞌẹediom mọ ọdi abagaam ghan bọ, loor esi dị ọdi ạḅenian ghan loor phọ ọdi mọ, ‘Mị kụ ukueni phọ ạrolom bọ ạgada ọdaam mọ. Mị kékpukele ạnir. Mukum ologhi mị kálegheri.’