Jems 4:12 - Ạḍinya Iigbia

¹² Ẹnaan bịn kụ rẹloghoḍi ghan iilogh kẹḅile ẹeḅeghion we ephogh. Ọdi bịn kụ ạmoogh ịikpo ophiemi ghan rꞌoḍume ghan. Nạ ragbiom ghan ologhi mọ nạ ạnhian kụ raagbo ghan bọ ịkaraph ịiruen kạḅam rụmhu ạbunon awe phọ?

Jems 4:12 Iomraidhean Croise

Job 38:2

Nạ ạnhian opuru ịlo olegheri ịyaar phọ ạmi rꞌikpo ọnhu elologhi phọ ạna?

Azaya 33:22

Oomo iḍigh phọ ẹphamagh bọ sịvala ạnyu ạrunwunyaru phọ oopho ni bịn; ạsivala phọ kẹ́etaranu. Yira kobum ẹgham oomo ẹelha ạbuo ẹpomoghian phọ, kụ kẹbugh ni iboom sịphe dị ghạlamo rꞌạrukugha kọmoogh ni bin. Ọmoogh-we phọ rꞌaloor kaḍighi ọdaam mọ ayira; ọdi kụ kụda iyira kụ uuko iyira.

Matiu 10:28

Kékiilaan bụphe kokiigh bọ ḍizu ạnyu phọ bịn kụ kótue bọ okiighom uwaloor phọ. Ikiilaan ghụn ni Ẹnaan phọ ketue bọ ekiigh ḍizu phọ rꞌuwaloor phọ sịphe ooni ạnian phọ.

Elegh aLuk 12:5

Mị kiḍeenaan ni inyina nyọpo ạkpe bọ oghiilaan phọ. Ikiilaan ghan ghụn ni nyọpo ạmoogh bọ ịikpo osumeeny ạbidi ooni ạnian phọ. Mị rịḅeni ni inyina, ọdi ạkpe ni oghiilaan ghan.

Bụo aRom 14:13

Loor ịduon phọ, ọwile ịkpalaghan! Kpạripe ghụn, igbiighi iloghi phọ anyina, bịn ẹwile oḍighi ịyaar lọ ọnyo asiya phọ anyina kakpeteghaan, ḅịle keḍighi ịdi ọdi kameel aḍighanaan ịkaraph.

Bụo aRom 14:4

Nạ phọ eeghe ọdo oye dị kasophonaan erugh ọony-otu ọnon oye? Ọde-otu phọ ọdi kụ kasoph ọoruen mọ ọdi ạpioman mọ ọ́pioman. Kósophonaan nyọdi erugh apum, ịdi eḍighi bọ Ọde-otu phọ ọdi kaḍighan ni nyọdi.

Bụo aRom 2:1

Ọyaghiri, nạ rạḍagha ghan ni bụnon awe ḍụghum? Tọrobo oye lọ nạ aru, ịyaar oghol kụ ọsar ọwilenaan ạna ílho. Kemeel li ephum nyịna lọ nạ ụ́bile oḍighi aani ghan ekpo phọ ẹpe nạ aghol bọ kụ rạḍagha bọ bụnon awe.

Bụo aRom 9:20

Kụ nạ oopho oye phọ uḍighi eeghe ạanyian Ẹnaan? Oko rápuru ghan oye phọ ạlhem bọ nyọdi mọ, “Nạ ughol eeghe kụ ụlhem bọ ịmi ịduon phọ?”

Bụo aHibru 7:25

Ịduon phọ kụ iḍighi kụ ọdi atue ghan bọ ni rạpel kasiemi eekuna bụlo ọḍua esi ọdi kụ rọki ọteeny Ẹnaan. Ọdi odi ghan ni ọgba ghan ọphelom ạbidi.

Jems 5:9

Bụo asiya, oniin nyoniin kúgumom ghan, ọbo Ẹnaan kisophonaan ghan bọ inyina ọoruen. Oogboom ịiruen phọ mạkpulan rạnya ghan ọrolom ạgada phọ ọdi.

1 Sạmuel 25:10

Ebia ni kụ aNebal ạphagharanaan mọ, “ADevid phọ pọ ạnhian? Ọony ạJesi phọ pọ ạnhian? Mị kọ̋naghan ghan ịlo ọdi! Ạrebene dị mosumughu ḍịghaagh ạburude-otu phọ ạbidi ọbugh ni sịen ẹmha phọ nyịidipho!