Jems 4:10 - Ạḍinya Iigbia

¹⁰ Isooromi loor anyina ghisigh Ọmoogh-we phọ. Ọdi kiphophe ni inyina.

Jems 4:10 Iomraidhean Croise

2 Krọnikuls 7:14

eḍighi ịyaar dị bịdi ụuḅereghi ịmi, okiton esi ịkaraph lọ bịdi roḍighi ghan, mị kạnaghanan ni bịdi ẹpe kꞌạke, ạsar ịkaraph ạbidi ạbilenaan, kụ ạḅile ạngo ẹeḍiom de ạbidi.

Job 22:29

Ẹnaan resooromi ghan ni oye lọ aphoophe loor, ạḅile rapoophe ghan oye lọ asooromi loor.

Job 5:11

Ii, Ẹnaan kụ repoophe ghan bụphe osooromi bọ loor, ẹḅile rẹngo ghan iboh oomo ạbuphe odi bọ ọto.

Ạsuor 113:7

Ọdi apoophe rukulom sịphe ophugh phọ; ọdi apoophe oye dị ị́nighenom ạsighe esi ịminimiin ọdi

Ạsuor 147:6

Ọdi rapoophe ghan bụlo osooromi loor, kụ kaler buḍighinom ịkaraph phọ kꞌude.

Ạsuor 27:6

Mị kạkpar apu oomo ạbumulogh-ḍien phọ ạmi ukoom bọ ịmi. Rꞌọḅaal ologhi kụ mị ạphighironom ẹkia sịphe Otu phọ ọdi, kụ mị ạmoor ghan aboom Ọmoogh-we phọ.

Ạsuor 28:9

Pẹl we phọ ạna, Ọmoogh-we, kụ ạseph bụphe oru bọ bụo kꞌạna. Ḍighi okoriom ạbidi ạḅile aphogh bịdi kꞌagee-pọ.

Ạsuor 30:1

Mị aboom ni nyịna Ọmoogh-we phọ ịdi eḍighi bọ nạ mụphel ịmi ạsighe. Nạ ómeera mọ ạbumulogh-ḍien phọ ạmi oboh.

Ẹḍua 10:3

AMozis rꞌEeron ọghi kꞌọdaam eelhe phọ kụ ọḅeni nyọdi mọ, “Ọmoogh-we phọ Ẹnaan aHibru apuru mọ, ‘Kꞌạpur amem kụ ẹdi ọḅaar ẹmhu phọ ạna kakunian kụ nạ asooromi loor ạna esi ạmi? Meera awe phọ ạmi ogheel ukumu ịmi.

Asidogh 29:23

Ophoophe aloor kạngo nyịna emeel, kụ nạ asooromi loor kọlogh ni nyịna eegu.

Izikiel 21:26

Mị Ọmoogh-we dị ạmoogh oomo ịikpo mạḅem. Zughuronaan eghoony ọdaam ẹmha phọ ạna rꞌọkaghaam mọ ạna. Ịyaar kẹ́tol mun iniin phọ ịpe ẹrol ghan bọ. Poophe uwekulom mọ ạrolomi esi ịtooghi! Soore ude bụphe rọtooghi bọ!

Matiu 23:12

Kụ oye lọ aphophe loor ọdi kosooromi ni, kụ oye lọ asooromi loor ọdi kopophe ni.

Elegh aLuk 1:52

Ọdi magborion bugbogh ạraalha phọ esi ạsidol phọ ạbidi kụ apophe bụphe mạar ụ́man bọ.

Elegh aLuk 14:11

ịdi eḍighi bọ tọrobo oye lọ aphophe loor ọdi kosooromi ni, kụ oye lọ asooromi loor ọdi kopophe ni.”

Elegh aLuk 18:14

Mị rịḅeni ghan inyina mọ Ẹnaan isoph ni egheelemi oye phọ ọphon kụ ọdi ạpham ọsar ọwilenaan agheelom, kọ́phori phọ, ịdi eḍighi bọ tọrobo oye lọ aphoophe loor ọdi Ẹnaan kesooromi ni, kụ tọrobo oye lọ asooromi loor ọdi Ẹnaan kepophe ni.”

1 Pita 5:6

Isooromi ni loor anyina sịphe ḍịghaagh iphelegbe phọ Ẹnaan, pịdi ạḍighaagh anyina kụ eḅetenu mem mọ Ẹnaan egu bọ.

1 Sạmuel 2:7

Ọdi kụ aḍighi kụ abuniin awe oḍighi rukulom, buniin ạbudaam; ọdi asooromi buniin kụ aphophe buniin.

1 Sạmuel 2:9

“Ọdi kụ raako ghan sighuḍum awe phọ omeeraam bọ nyọdi kụ ọlo ạbukaraph awe phọ kope ni esi ufiri; oye rạ́moogh ghan ọkpar opu rꞌịikpo ọdi bịn.