Jems 4:1 - Ạḍinya Iigbia

¹ Eeghe kụ rẹkom ghan bọ ịruonu rꞌelephiri kẹlogh ogbo phọ anyina? Nyina ílegheri mọ ịtuan rụuphua phọ ịpe rebianan bọ pạ iloghi phọ anyina.

Jems 4:1 Iomraidhean Croise

Jerimaya 17:9

“Ạnhian kụ katue ạnaghanan ologhi oye? Ịyaar areekeleghian dị eeleeny ílho; ẹzegh phọ ọdi epel ookonom.

Matiu 15:19

Ịsiphe ologhi oye phọ kụ ẹdi ịkaraph ịitughian ẹḍua ghan bọ remite. Ọko enu, olhe ẹmha, olhe ẹmha ạregelenya, imi, ịkaraph ạsiagba, ọopu —

Elegh ạJon 8:44

Nyina ạnmuny Eru ọde phọ anyina, kụ nyina rẹwa ghan ọdaph areten ọdi. Kꞌemiighom mọ, ọdi ọokom-enu. Ọdi kọ̋rolan ghan ẹku igey, ịdi eḍighi bọ igey loor ọdi ílho. Mem lọ ọdi ạgba ọkpe, pọ ịdipho kụ ọlem ọdi ni, ịdi eḍighi bọ ọdi ọgbaam ọkpe ḅịle rꞌọde oomo ọkpe.

Bụo aRom 7:23

Kụ mị ạḅile rạmiin ghan ọnon ologh dị ragir sịphe aloor phọ ạmi, ologh dị ạmooghom ịikpalaghian rꞌọpo ạḅeeraan bọ ologhi phọ ạmi. Ụphaḍi ni ịmi bịn aseenaan ologh ịkaraph phọ regir bọ loor phọ ạmi.

Bụo aRom 7:5

Mem mọ yira ọrolom bọ ruzu-ạnyu phọ bịn, ịkaraph ạruuphua iphulupul phọ Ologh phọ rạlogh ghan bọ ịiphaghamiom mọ, kụ iḍighi ghan oḍighi loor ayira, ọbo yira oḍighi bạay ọngo ḍuugh.

Bụo aRom 8:7

Bụphe ịkaraph ạruuphua bịn kụ edi ghan bọ iloghi phọ ạbidi, ạbumulogh-ḍien Ẹnaan ni. Bịdi iilogh phọ Ẹnaan rọ́naghanan ghan, kụ kótue ni ọnaghanan.

Bụo aGaletia 5:17

ịdi eḍighi bọ ịpe iphulupul phọ rẹwa bọ ẹgbatanaan ni rꞌịpe Uwaloor Iigbia phọ rạwa bọ, ḅịle kẹn ịpe Uwaloor Iigbia phọ rạwa bọ ẹgbatanaan ni rꞌịpe iphulupul phọ rẹwa bọ: ịyal phọ ạbidi ẹnam rꞌaghoogh, kụ esi ịduon phọ, nyina kétue eḍighi ịpe nyina rẹwa bọ.

Bụo ạKolosi 3:5

Esi ịphen phọ, ịpueghi, eroḅologhi ịkaraph ạruuphua aḅirini phọ, olhe ẹmha, iloghi ẹenir, ipesi, ẹsighenom mọ ịpe phọ memuughu. Ephogh-aḍien kẹ́moogh, ịdi eḍighi bọ nyina ẹseph ẹlo ọnon ẹsighenom, pọ nyina mẹsighe eghuan phọ Ẹnaan rẹngo ịkaaghineen ạraraar.

2 Timoti 2:23

Kpọrion rạghaagh ịnunuan elologhi rꞌelegheri ịyaar. Nạ alegheri ni mọ ịphen phọ kụ rẹkom ghan bọ sighiton kesereghi.

Tạitos 3:3

ịdi eḍighi bọ mem dị eten yira rꞌaloor ayira ụrol ghan ni dọl elegheri ịyaar rꞌẹnaghanan rꞌẹkaraph eḍighinom ịyaar. Yira uḍighi ni rẹbene ọngo ịkaraph ạruuphua rꞌẹedugha kịrokiro. Yira uphiemi ni ghuḍum mọ ayira ọrol ghan dọl ịghughian rꞌiloghi ẹḍim. Bụnon awe ụlogh ni iyira ḍien kụ yira ụlogh aani ni bịdi.

Tạitos 3:9

Kụ ọlo kạ́logh ḍịghaagh ạna esi ịnonuan elologhi, rꞌọodoony oḍigh ạburude ạburude, ịruonu, rꞌịigbaghanaan ịlo Ologh phọ aMozis. Ịphen phọ oopho ni bịn, sụo ị́moogh.

Jems 1:14

Ọdegh ophogh rạteeny ghan oye mem lọ ẹkaraph ẹephua ọdi meru ẹḍa ologhi phọ ọdi.

Jems 4:3

Ghạlamo kẹn nyina ịlom ni bịn nyina rẹ́moogh ghan ni, ịdi eḍighi bọ nyina ẹsighe ghan ịkaraph ịitughian kụ rẹlomom. Nyina rẹwa ghan ịlo ọpheremiom ạruuphua phọ anyina bịn.

1 Pita 1:14

Ịdipho nyina meḍighi bọ nmụny eeḅi ẹzo phọ, ịnaghanan ghan Ẹnaan. Kémeera mun mọ ịkaraph ạruuphua phọ nyina ẹmoogh bọ mem mọ ọpo nyina Ẹnaan ke̋lhegheri bọ kụ ẹḅile ekpophonom ghuḍum mọ anyina.

1 Pita 2:11

Iiḅi asiya, ịdipho nyina eḍighi bọ buteneneen dị eru iiruen sịen aḅirini phọ, mị rịiḅereghian ni inyina mọ ịkporion rạghaagh ịkaraph ạruuphua iphulupul phọ ịpe retuphiom ghan bọ ẹgham ruwaloor phọ anyina.

2 Pita 2:18

Bịdi ọsighe ọghaaph elologhi rꞌopu ghan ooka ḅịle rꞌịkaraph ạruuphua iphulupul phọ kụ rọḍaam ghan we, dị ọbo mokpetenaan ni bụphe odi bọ dọl ọpioman phọ rọman.

2 Pita 3:3

Esi omiighom, ịmaar elegheri mọ ruukuna phọ buniin awe dị ịkaraph ạruuphua kụ ẹmoogh komite ni. Bịdi kịgilaam ghan ni inyina