Jems 3:9 - Ạḍinya Iigbia

⁹ Eeni amem yira rọsighe ghan nem koboomiom Ọmoogh-we Ọde phọ ayira; eeni amem kootuunyiom bụnon awe dị Ẹnaan ẹlhem ni ẹghighima aani.

Jems 3:9 Iomraidhean Croise

Emiighom 5:1

Ḍịen kụ ạḍikool ẹemara ẹemara phọ Ạdam. (Mem mọ Ẹnaan ẹlhem bọ we, ọdi ạlhem bịdi ạghighima loor.

Emiighom 9:6

Tọrobo oye lọ azu ịḅaal oye, pọ ọnon oye kakiigh aani ni nyọdi, ịdi eḍighi bọ Ẹnaan ịlhem oye ẹghighima loor.

2 Sạmuel 16:5

Mem dị aDevid ọdaam ẹmha phọ ạghi bọ asi ẹpe Bahurim, oniin ọnyo asiya ạSol dị oghol mọ aSimei ọony aGera amite ni ọghi ọteeny ọdi. Rọteeny bịn amiigh oronyon ghan ọdi ọdapham.

2 Sạmuel 19:21

Abisai ọony phọ aZeruya ạghaaph amitiom, “ASimei ạkpe oghiigh loor esi dị ọdi aatuuny oye dị Ọmoogh-we phọ kụ ạsaḅar aḍighi ọdaam mọ.”

1 Krọnikuls 29:10

Sịphe ghisigh ookpomoghan phọ kụ ẹdi aDevid ọdaam mọ aboom Ọmoogh-we phọ. Ọdi ạḅem mọ, “Ọmoogh-we Ẹnaan ọde ọde ayoor Jẹkob, ạḍiseph ẹrolonaan nyịna kꞌagee-pọ kꞌagee-pọ!

1 Krọnikuls 29:20

Pọ kụ amem dị aDevid ạto ạngo we phọ mọ, “Iboom Ọmoogh-we Ẹnaan phọ anyina!” Ḅịle oomo ookpomoghan phọ oboom Ọmoogh-we Ẹnaan ạburude ạburude phọ ạbidi, ọḅile ozumeri rụmhu ạbidi ude kụ ọngo rughuenian Ọmoogh-we phọ ḅịle rꞌọdaam phọ.

Ạsuor 10:7

Pạ ọnhu phọ ọdi iitunyan, ọkpe rꞌịidegheghan bịn kụ edi ghan. Ịkaraph ikpo ọnhu rꞌọwa asighiton emuza ni pạ anem mọ ọdi.

Ạsuor 108:1

Esi ạna kụ ẹdi mị ạkpasi oomo oḍuom-ologhi ạmi, Ẹnaan. Mị kạmoor ạsephom nyịna. Ḅetenu, uwaloor ạmi.

Ạsuor 145:1

Mị kagbeelom ni igbogh phọ ạna, Ẹnaan rꞌọdaam ạmi; mị kạseph nyịna kꞌagee-pọ kꞌagee-pọ.

Ạsuor 145:21

Mị kaboom Ọmoogh-we phọ oomo amem. Oomo ọlem mọ ọdi oboom ni ḍien iigbia phọ ọdi kꞌagee-pọ!

Ạsuor 16:9

Ịduon kụ iḍighi kụ ologhi ạmi ạḅaal li. Uwaloor ạmi rabo ni. Ịyaar ịmi kíḍighi.

Ạsuor 30:12

Esi ịduon phọ mị káḅoorian, mị kạmoor ghan sụor aboom ghan nyịna. Ọmoogh-we, nạ kụ Ẹnaan ạmi. Mị kạmoor ghan sụor ạsephom nyịna kꞌagee-pọ.

Ạsuor 34:1

Mị rạseph ghan Ọmoogh-we phọ oomo amem. Mị kạ́bile ghan oboom ọdi.

Ạsuor 35:28

Anem mọ ạmi kẹkaaph ghan ịlo aruukuan Ọmoogh-we phọ, kụ mị kaboom ghan nyọdi oomo aḍio phọ.

Ạsuor 51:14

Meera mị ụtol, Ẹnaan, ạḅile ụphel ịmi atene, kụ mị agbeelom ruukuan phọ ạna rꞌọḅaal ologhi.

Ạsuor 57:8

Sụma, uwaloor ạmi! Sụma! Mị kạsighe ọne rꞌogumogum, kụ ạsumenom ḍịroor phọ.

Ạsuor 59:12

Ịkaraph edi ịidoronhu ạbidi; oomo ikpo ọnhu ạbidi eḍighi ịkaraph. Ḍighi ịdi kosiph bịdi esi ophoophe aloor phọ ạbidi. Loor iitunyian phọ rꞌọkpe phọ ạbidi,

Ạsuor 62:4

Ịdi nyina rẹwa, ogboton ọdi dọl eghuan phọ ọdi; ọgba ọkpe kụ ịḅeeraan inyina. Nyina rẹḅa ghan ikpo ọnhu ạḍiseph, kụ ạri sịphe ologhi phọ anyina nyina retonyon ni nyọdi.

Ạsuor 63:4

Ịduon kụ ịdi mị kạseph ghan nyịna sịen mị ọdi bọ eye; mị kapoophe rạghaagh ạmi ạkiom ạnyu.

Ạsuor 71:24

Mị kạkaaph ni ịlo ạdol aruukuan phọ ạna ạḅeni we oomo aḍio loor esi dị mọkpar opu bụphe ọwa bọ oḍighi ạmi ịyaar kụ umugholoor masiph bịdi.

Ọtughemia Phọ 7:22

Kụ nạ aloghoma ni mọ nạ rꞌaloor maronyon ghan ni bụnon awe ịbadi amem.

Azaya 29:13

Ọmoogh-we phọ ạḅem mọ, “Awe phọ ạbuen okophora mọ ạbuno ruuseeny ghan ịmi, kụ ikpo ọnhu ạbidi ẹmhu ílho kụ iloghi ạbidi edi ni kịro ekpisi. Esi ạbidi ịyaar dị eḍighi ephigh, ọotughian oomo ịtooghi awe kụ ooko ghan eḍighinom ạraraar phọ ịpe awe ooko ghan bọ kꞌamem dị ebia.

Matiu 26:74

Kụ aPita ạloghoḍi ịnhu, kụ aghunya kụ ạḅem mọ, “Mị úlegheri oye phọ.” Pọ kụ amem dị ạkenegh ạlaay.

Matiu 5:44

Kụ mị rịḅeni ghan inyina mọ ịpomoghian bụmulogh-ḍien anyina, kụ ẹeḅereghi ghan ẹngo bụphe rịgbiphoghom bọ inyina,

Iiḍighi 2:26

Ịduon kụ iḍighi kụ ologhi ạmi ạḅaal bọ, kụ mị abo bọ iboh phọ; ịdi etum pạ, aḍizu phọ ạmi kẹtolan oḍuom ologhi,

Bụo aRom 3:14

igurughian bịn kụ imuza ọnhu ạbidi.

1 Bụo ạKorint 11:7

Olephiri ọony ọ́moogh ịyaar oghol kụ ozua ghan eghoony, ịdi eḍighi bọ aḍimite phọ ọdi ẹkigh ḍimite phọ rꞌeegu phọ Ẹnaan. Kụ aḍimite ạnir-ephoph ẹkigh eegu olephiri ọony,

Bụo ạEfesos 1:3

Ẹkpe ni dị yira kọseph Ẹnaan rꞌỌde phọ ạJizos Kraist Ọmoogh-we phọ ayira. Ịduon yira mọḅophoghan bọ Kraist, ọdi mụngo iyira oomo aruunmo aruwaloor phọ ịpe edi bọ ẹpe kꞌạke ụsephom iyira.

Jems 1:27

Oye lọ aakonom ghan bụnyigo ạnmuny, aphogh ghan rukpukele ạnmariir esi ịminimiin phọ ạbidi, kụ úmeera mọ ịitughian aḅirini phọ ẹphue nyịno, kụ ọdi Ẹnaan Ọde phọ ạsighe mọ omeeraam mọ ọdi ọ́phuph, ḅịle kẹn ịyaar ị́biph.

Jems 3:10

Ikpo ọnhu ạḍiseph rꞌikpo ọnhu iitunyian ẹḍua ghan ni pạ oniin phọ ọnhu phọ kụ remite. Bụo asiya ạmi, ịphen kímite ghan!

1 Pita 1:3

Ạḍiseph ẹrolonaan Ẹnaan rꞌỌde phọ ạJizos Kraist Ọmoogh-we phọ ayira. Loor oboom ọnma ighirigiir phọ ọdi, ịdipho ọdi aḅeton bọ Jịzos Kraist sịphe aḍuugh phọ, mọḅile ụmar iyira ọlogh ghuḍum oḍuom ologhi,

Bụo Ịiruen 9:27

Bịdi ụghi ni iizo avain phọ ạbidi kụ ọkuughi iimuma phọ oru oḍighinom miim, kụ ọsighe ọghi olhiom ẹyaal. Bịdi ụghi ni sịphe obughotu ẹmugh phọ ạbidi kụ olhe ọphughol kụ ootuuny Ạbimelek.