Jems 3:6 - Ạḍinya Iigbia

⁶ Anem oye ẹkigh nịan. Ịkaraph bịn kụ imuza loor ọdi. Anem mọ kụ ọkaraghi esi aloor phọ rẹsighe ghan bọ ịkaraph keleenye oomo phọ oye phọ. Ạnian phọ ẹḍua ẹpe ooni ạnian phọ rẹdaph ghan nem kụ kẹsuughi oomo areten aghuḍum mọ ayira.

Jems 3:6 Iomraidhean Croise

2 Sạmuel 16:20

Ẹpe kụ esi dị Ạbsalom akiton asoman Ahitofel kụ ạḅem, “Nyịidipho yira odi bọ sịen, nạ ratoma ghan mọ yira oḍighi ika?”

2 Sạmuel 19:43

Kụ awe phọ Ịzirel ọphagharanaan, “Yoor ọmoogh Devid ọdaam mọ ḍioph amem ipu inyina, ghạlamo ịduon ọdi aḍighi bọ ni oniin ọnyo anyina. Eeghe kụ iḍighi kụ nyina iphogh bọ iyoor esooromi? Kébula mọ yoor kụ ụphur bọ ọghaaph ịlo ọghi ọsighe ọdaam mọ oḅulemi ẹphen!” Kụ ọghaaph ọlo awe aJuda kụ alom apu ọlo awe Ịzirel.

2 Krọnikuls 13:17

Abaija rꞌawe ẹgham mọ ọdi oogulemi we Ịzirel phọ kụ ọze 500,000 ịgbagara awe ạbidi.

Ạsuor 140:3

Asinem ạbidi ẹkigh rạkaraph ịyaar; ikpo ọnhu ạbidi ẹkigh ịghor ophugh.

Ạsuor 64:3

Bịdi okola sinem ạbidi ịdipho isiko kụ ogbonom ịkaraph ikpo ọnhu ịdipho ịkpina.

Asidogh 15:1

Oodugha ọphagharanaan raḍime ghan ophin-ologhi, kụ ọgbagara ọnhu phọ raatieni ghan kaphoophe.

Asidogh 16:27

Ạbukaraph awe rọwa ghan reten oḍighi ạbunon ịdi ị́nighe; ghạlamo ikpo ọnhu ạbidi bịn reemor ghan rꞌịkaraph.

Asidogh 7:5

Ịphen phọ kẹgbole nyịna loor ạnmariir ạbunon awe, loor ạnmariir dị ọmoogh ikpo ọnhu osiphom oye.

Azaya 30:27

Rọmiin ghan ni ịikpo rꞌeegu Ọmoogh-we phọ kꞌesi dị ẹkel. Ạnian rꞌạmughi kụ reḍeenaan ghan ọghagh ologhi ọdi. Ọdi ạḅa ikpo ọnhu reemor ghan ịdipho ạnian.

Azaya 50:11

Oomo anyina phọ emite bọ ẹkaraph ezue ophiemi ạbunon phọ, ezue phọ anyina kụ kiphiemi ni inyina. Ọmoogh-we phọ rꞌaloor kaḍighi ni ịphen phọ amitiom; nyina kẹmiinom ni ḍighiil ạdol.

Jerimaya 20:10

Mị ạnaghan ni dị awe roophola yogh, “Aruugu odi ni tọrotoro esi! Kụ iḍighi kụ ịgua ọghi ọghaaph ịkaraph ịlo ọdi ọḅeni bụo ịtooghi phọ!” Ghạlamo ọkaraghi ạrighiri ạmi bịn rokori ghan ọmiin emeel ạmi. Bịdi rọḅem ghan mọ, “Iini yira kotue ni ookeleghi nyọdi, osiph oḍighi oḅulemian.”

Jerimaya 28:16

Kụ iḍighi kụ Ọmoogh-we phọ rꞌaloor ọdi ạḅem mọ ọno kasiemi eekuna ghuḍum ạna. Tụtu ạlha phọ aḍien remuneen, nạ kamugh loor esi dị nạ mạḅeni we phọ mọ ọḅaar ẹmhu esi Ọmoogh-we phọ.”

Igbiighi 25:2

Ạnmariir phọ ạbuphe ụmagh ni we phọ Ịzirel ọḅophoghan rꞌạbidi olhe ạrayaal esi phọ ọphinyon ghan bọ rịkia ọngo ruru phọ ạbidi, kụ bịdi ule malhe phọ kụ okpuḍian ọoḅereghi ruru phọ ạMoabait.

Igbiighi 31:16

Ịmaar ẹetughian. Ọdo ạnmariir phọ ạbuen kụ ụkom bọ we phọ Ịzirel mọ ọsighe oroma phọ ạBelam kụ ọtuan bọ ọpioman bọ esi Ọmoogh-we phọ kụ ẹzegh imananaan emite bọ ẹpe Pior, tụtu ẹepoph phọ esoorom bọ bịdi.

Matiu 12:24

Kụ mem dị aFarisi phọ ọnaghan bọ, kụ ọphagharanaan mọ, “Ọdi ạsighe ịikpo aBielzebul, ọkpana aruru phọ, kụ raporoghom ghan bọ ruru phọ.”

Matiu 5:22

Kụ mị rịḅeni ghan inyina mọ tọrobo oye lọ ạghagham umor ọdi ologhi, dị mạar ụ́piom, kọmagh ni nyọdi esi ạsiagba, kụ mọ oye lọ aḅom ẹmhu kụ ạḅeni umor ọdi mọ ‘Nạ ọga’ kọsighe nyọdi ọkimom otu ạsiagba ghisigh ikpolom awe phọ, kụ mọ oye lọ aphogh umor ọdi kụ ạḅitonaan mọ ọphon maphe, pọ ọdi ranyeene ni osuma ooni ạnian.

Elegh ạMak 7:15

Ịyaar ílho ghan dị eḍigh sịphe aloor phọ oye kụ kẹpue oye phọ. Ịpe ẹḍua bọ sịphe ologhi oye phọ kụ emite kụ rẹpue ghan bọ oye phọ. [

Elegh aLuk 16:24

Kụ ọolha phọ ạlooghi ạmagh mọ, ‘Ebraham, nạ ọde. Ụnma ịmi ighirigiir arom Lạzaros, mọ ạsighe izon ạghunugh ọdi ạtophori mụum, aru ạḅoromiom nem ạmi, esi dị mị rạmiinom sịen ạnian phọ.’

Iiḍighi 20:30

Amem retu ni dị abuniin komite ni sịen ogbo phọ anyina, kụ ọgbaaghi ọkpe, ịlo ookeleghi ạbumatuan phọ ọsighe.

Iiḍighi 5:3

Kụ aPita ạḅeni mọ, “Ạnanayas, uḍighi ika kụ aSetan mạar bọ nyịna ologhi mọ seerian opol ikpoki phọ nạ aal bọ ephua phọ ạgbaam ọkpe Uwaloor Iigbia phọ?

Iiḍighi 6:13

kụ omitiom we mọ ọgbaaghi ọkpe ọḅam ẹmhu ọdi. Bịdi mọ, “Oye phọ ọphon rásoph ghan mem ọghaaph ọphuenom otu iigbia phọ ọphon, rꞌiilogh phọ aMozis.

Dutoronomi 13:6

“Eru mạar dị umor ạna mꞌọony onhiin ạna, mꞌọony ạna mꞌọnyani ạna, mꞌoophineen ạnir ạna mꞌọyaghiri ạna dị rꞌạna ẹḅoph ologhi, kụ aru raakeleghi mọ tue ọghi ọoḅereghi ịnon ạrumugh ịpe nạ rꞌạburude phọ anyina úlegheri bọ,

Tạitos 1:11

Ẹkpe ni omirighan lọ bịdi kosoph oḍigh ọghaaph phọ ạbidi okpere, ịdi eḍighi bọ tọrobo ọto kꞌawe dị ịtughemi ọkpe phọ eḍigh, redughe yogh ghan ni omeeraam oomo ạbulo odi sịphe otu phọ. Umugholoor odi ni dị bịdi ọtuan ikpoki kụ rọtughemi ghan ịphen phọ.

Jems 2:7

Bịdi kụ káwe phọ rọ́gba ghan bọ mem ọghaaph ọopuom aḍiiḅi aḍien phọ ạḍiphe righol ghan bọ inyina kọgbagham?

Jems 3:7

Awe kotue ni ọtughemi ọpoomi kụ mọphoomi ni tọrobo ẹnam, rꞌẹnun, rꞌena, rꞌẹlo rekuura.

2 Pita 3:3

Esi omiighom, ịmaar elegheri mọ ruukuna phọ buniin awe dị ịkaraph ạruuphua kụ ẹmoogh komite ni. Bịdi kịgilaam ghan ni inyina

3 Jọn 1:10

Ḍio lọ mị aru, mị kạkaaph ni aagurion oomo phọ ịpe ọdi raḍighi yogh ghan bọ, rꞌịkaraph ikpo ọnhu phọ ọdi ruroḅologhiom ghan bọ ịmi. Ịphen phọ bịn nyọdi ị́gbaanyan ni. Rámeera ghan kẹn kạlogh otu bụo asiya phọ. Ạḅile kẹn ni ramirighan ghan bụlo rọwa ọlogh ạbidi otu, rámeera ghan mọ bịdi ọḅile ọrol sịphe ookpomoghan ạbuo ạsiosi phọ.

Ogonanami Phọ 12:9

Kụ oroph oboom mọ anonom oḍual ạrumhu phọ omitiom. Ọdi kụ egbaany ẹkaraph-ịyaar phọ oghol bọ mọ Eru ḅịle rꞌaSetan phọ eekeleghi bọ oomo aḅirini phọ. Kụ oroph nyọdi rꞌoomo ạruukpaany phọ ọdi osiemi ude.

Ogonanami Phọ 13:14

Kụ ọdi ạsighe ni ịiḍaany phọ omeeraam bọ mọ ọdi aḍighi yogh amitiom ghisigh ẹḅel elhom ẹnam mọ aakeleghiom oomo awe phọ orugh bọ sịen ade phọ. Ẹnam mọ ẹphen phọ ịḅeni ni oomo awe aḅirini phọ mọ ọka ịyaar ọotughianam ghan elhom ẹnam mọ ẹpe elhool ẹgham mọ esoroghuom bọ kụ úmugh bọ.

Ogonanami Phọ 18:23

Kọ́miin mun kꞌạna ḍịḅaal ọtozi dị ọsu. Kọ́naghan mun kꞌạna rọḍogh ạnmariir rꞌalephiri dị rọbalan ilom. Abumuul ḍighi phọ ạna kụ uḍiemiom sịen aḅirini phọ, kụ nạ ạgbe bọ ghạma phọ ạna aakeleghiom oomo areelhe aḅirini phọ.”

Ogonanami Phọ 19:20

Usiph ni elhom ẹnam mọ rꞌoyil ọkpe phọ aḍighi yogh ghan bọ ịiḍaany ghisigh phọ ọdi ọlogh ikoli. (Ọdi ạsighe ịiḍaany phọ ịpe phọ kụ aakeleghiom bọ bụphe ọlogha yogh bọ elegh elhom ẹnam mọ rꞌạbuphe ooseeny bọ ịyaar ọotughianam ghan ọdi phọ.) Uroph ni elhom ẹnam mọ rꞌoyil ọkpe phọ imoom osumeeny ọodu ạnian phọ reemorom bọ sọlfa phọ.