Jems 3:5 - Ạḍinya Iigbia

⁵ Ịduon phọ kẹn kụ ịdi anem oye ẹrol. Ekom ni igey, kụ ọghaaph ogbogh ogbogh. Ịitughian elegheri mọ aḍighiil anem ạnian ketue ni ele ọnuza eboom ẹekpua.

Jems 3:5 Iomraidhean Croise

Job 22:17

Bụen phọ kụ awe phọ oghel bọ Ẹnaan Oomo Ịikpo phọ kụ omeeraam bọ mọ ọdi ịyaar kátue aḍighi bụno.

Ạsuor 10:3

Oye ạsipioghom mọ raatumaam ghan ịkaraph ạruuphua phọ ọdi. Ọdi ạseph ghan bụo ekpooko kụ apogh Ọmoogh-we phọ asooromi.

Ạsuor 17:10

Igbiririph ílho pạ ologhi phọ ạbidi kụ rootuma ghan iituma bịninin.

Ạsuor 39:1

Ịdi mị rạḅem ghan ịduon: “Mị kạmaar ạpama loor phọ ạmi rꞌanem mọ ạmi, esi lọ mị rꞌạbuo ạsipioghom mọ kụ odi, ọbo mị kaḍighi ghan bọ ịkaraph.”

Ẹḍua 15:9

Ạmulogh-ḍien phọ ạḅem mọ, ‘Mị kaporogh ni bịdi, ạboor eten; azirion ruphua phọ ịlo ịgbaanyan ịmi; mị amooph elhool ẹgham mọ ạmi, apiemiom bịdi.’

Ẹḍua 5:2

Ọdaam eelhe phọ Ijipt ạphagharanaan mọ, “Ạnhian kụ Ọmoogh-we phọ dị mị kạnaghanan bọ ẹḍogh ọdi kụ ameera mọ awe Ịzirel ogheel? Mị úlegheri Ọmoogh-we phọ. Mị kámeera mọ bịdi ogheel.”

Asidogh 12:18

Ẹḍogh dị úgbiighi kụ ọḅa kegim oye ịdipho isiko; kụ ikpo ọnhu dị ogbiighi kụ ọḅa eḍighi eekonom.

Asidogh 15:2

Ọghaaph awe ologhi ratoor ghan we, kụ ikpo ọnhu awe elologhi ẹmhu ílho ghan.

Asidogh 18:21

Ịlo nạ ạḅem kẹpam ni ghuḍum mꞌepiemi. Nạ ạmoogh ọsighe ịlo ẹdaphan ịpe nạ ạghaaph bọ.

Asidogh 26:20

Ịpe kụ ílho ạnian eḍim; ịkalaghian kụ ílho, ọruonu kạ́tol.

Jerimaya 18:18

Kụ awe phọ ọḅem mọ, “Ịgua ophogh ịlo koḍighi Jerimaya. Ạbupinyon rịkia kọtol ghan ni ọtughemi ayira, aweye olegheri-ịyaar dị kuromoghiom ghan iyira, ḅịle kẹn rꞌariil Ẹnaan dị kogbeelom ghan dom Ẹnaan. Ịgua ọgbaaghi ịkaraph ọḅam ẹmhu ọdi, bịn kụ́naghanan mun ịlo ọdi ạghaaph.”

Izikiel 28:2

Ọdi ụḅeni ịmi mọ, “Oye dị kamugh ni, ḅẹni ọdaam mọ ạda bọ Taya ịphen mị Ọmoogh-we dị ạmoogh oomo ịikpo phọ rạḅeni bọ nyọdi: ophoophe aloor phọ ạna ạphughan bọ, nạ ạḅem mọ nạ ẹmugh, nạ ạtomaam loor ẹmugh kụ ạḅem mọ nạ ạtolom ạgada igbogh dị ạriphiiny ekoom. Nạ rakue ni. Nạ iphulupul rꞌịḅaal, kẸ́naan.

Izikiel 29:3

Ḅẹni mọ ịphen kụ ịdi Ọmoogh-we dị ạmoogh oomo ịikpo rạḅeni ọdaam mọ Ijipt: Mị kụ ạmulogh-ḍien ạna, nạ egbogh eghol, dị ẹmina ọphiiny. Nạ ụḅem mọ aNail phọ ọlo ạna kụ mọ nạ kụ ụlhem.

Dạniel 3:15

Nyịidipho, mem lọ nyina rẹnaghan dị aruuḍue phọ ẹḅa rꞌiitia aruukuo phọ rꞌọdo kịrokiro ẹḍogh ạraraar ephegh phọ, izumeri ẹmhu ude ẹngo rughuenian igbudu phọ. Eḍighi ịyaar lọ nyina ímeera, pọ kisiph inyina mem mem mọ kụ osumeeny ooni ạnian dị reemor. Nyina regbi mọ ẹmugh edi ni dị ketue ịphel inyina ḍụghum?”

Dạniel 4:30

ọdi ạḅem, “Ịmiin ịdi ạBabilon aleeny! Mị kụ ụlogh mọ eḍighi ẹkpana ẹmha ạmi eḍeenaan ịikpo phọ ạmi ḅịle rꞌịnyaam, eghuan phọ ạmi ḅịle rꞌịtooghi ogbogh ọdaam.”

Jems 3:4

Ọsighe aani ọdeghedeghe oghuugh dị oghim rạpiphoghom kụ ọmaam. Ọtolom eti phọ ạsighe ọpeḅere ọlhom bịn kapiph ni oghuugh phọ ạkiom ekpisi lọ ẹḅeeraan nyọdi.

2 Pita 2:18

Bịdi ọsighe ọghaaph elologhi rꞌopu ghan ooka ḅịle rꞌịkaraph ạruuphua iphulupul phọ kụ rọḍaam ghan we, dị ọbo mokpetenaan ni bụphe odi bọ dọl ọpioman phọ rọman.

Ạḍinya dị aJud ạge 1:16

Awe phọ ạbuen phọ roohuum ghan oomo amem kọnughe ẹka bụnon awe. Ịkaraph ạruuphua kụ ịmoogh ghuḍum mọ ạbidi. Bịdi rootuma ghan, ḅịle kẹn roophughemi ghan bụnon ọmooghom ạsuo.