Jems 3:2 - Ạḍinya Iigbia

² Oomo phọ ayira rọ́gba ghan mem ọpioman, kụ oye lọ raako ghan nem ọdi aseleman ni kụ katue kẹn ni ạpamaghan oomo aloor phọ ọdi.

Jems 3:2 Iomraidhean Croise

1 Ạbudaam 8:46

“Kụ eru mạar dị bịdi oḍighi ịkaraph oru esi ạna (ịdi eḍighi bọ oye ólho dị ịkaraph ráḍighi ghan) kụ nạ ạghagham bịdi ologhi kụ ạḅogh bịdi ạngo bụmulogh-ḍien phọ ạbidi kụ osiphi bịdi ọpham ọḍuanam ọpham bịdi ogheelom ẹpe ade ạbumulogh-ḍien phọ ạbidi mꞌẹkel mꞌeesulom,

2 Krọnikuls 6:36

“Mem lọ awe phọ ạna ọpioman nyịna kụ oye ólho dị rạ́pioman ghan kụ nạ ạghagham bịdi ologhi kụ ạḅogh bịdi ạngo bụmulogh-ḍien phọ ạbidi osiphi bịdi ọpham ọghimom ḍịnon ade, ghạlamo ade dị ẹkel iboom,

Job 15:13

Nạ rạkagham ologhi Ẹnaan, ạḅile rạḅaam ghan nyọdi.

Ạsuor 34:13

Pọ mạar ạphama nem ạna, kạ́ḅemogh sịkaraph; ạmaar ạphama ịidoronhu ạna, kạ́kaaph ghan ọghaaph iigbegheḍiom.

Ạsuor 39:1

Ịdi mị rạḅem ghan ịduon: “Mị kạmaar ạpama loor phọ ạmi rꞌanem mọ ạmi, esi lọ mị rꞌạbuo ạsipioghom mọ kụ odi, ọbo mị kaḍighi ghan bọ ịkaraph.”

Asidogh 10:19

Oboom ọghaaph, pọ ọpioman ọ́kpar. Nạ aḍighi oye ologhi, nạ kaḅoorian.

Asidogh 13:3

Miighe loor ịlo nạ rạḅem ọbo ạpham ghuḍum ạna. Oye lọ rạkaaph ghan ịyaar ịlo ạteeny rapiemian ghan loor.

Asidogh 20:9

Oye katue ni ạḅem mọ ịkaraph ílho ologhi ọno, mọ ọno mạwileghi ịkaraph ọno ḍụghum?

Asidogh 21:23

Eḍighi dị nạ rạwa okpetenaan ịiḅaghami, pọ miigha loor kụ ạghaaph ịyaar.

Ọtughemia Phọ 7:20

Oye ólho sịen aḅirini phọ dị raḍighi ghan ịdi ẹnighe oomo amem dị kạ́pioman.

Azaya 64:6

Oomo ayoor moḍighi ni ịkaraph, ghạlamo rꞌegey eḍighinom ịyaar ayoor bịn eḍighi eeku ẹenir agey. Loor ịkaraph phọ, yoor ọkigh ịdipho ạrinya ireeny dị enyororo kụ ookuugh aghughom ạsighe.

Lịvitikos 13:39

oyil ạrikia phọ ạaḅeghion nyọdi aphogh kụ eru mạar dị areephegha phọ edi bọ loor phọ ọdi ebaghagha yogh, pọ ạronyo kụ imiteghu loor ọdi, ọ́phuph, ọdi ạḅaal li.

Matiu 12:34

Sey, nyina ọmar ạsiḅom, ika nụun kụ ẹdi nyina ạbukaraph awe phọ kẹkaaph igey ạraraar? Ịpe edi bọ ologhi phọ oye kụ ẹdi ọdi rạkaaph ghan kamitiom.

Matiu 12:37

Kọsighe ni ikpo ọnhu phọ ạna kụ osophom ịiruen asiph rꞌakeel ọngo nyịna.”

Bụo aRom 3:10

Ịdipho ọge bọ sịphe Ạḍinya Iigbia phọ mọ, “Ọnyo aruukuan ólho,

Bụo aRom 7:21

Mị mạwa ạmiin ịlo ologh phọ ọphon phọ mọ mem lọ mị rạwa oḍighi igey, ịkaraph ghụn kụ retu ghan kegbororian.

1 Bụo ạKorint 9:27

Mị rạkparagha ọphamaghan aloor ạmi, ọbo kughel ghan bọ ịmi phọ ạmagh bọ bụnon awe mọ oru aani eghiil phọ.

Bụo aGaletia 3:22

Kụ ạḍinya iigbia phọ mẹḅem mọ oomo aḅirini phọ odi edoghola ạsipioghom, pịdi bụlo omeeraam ọmoogh ḍịseph phọ Ẹnaan eguanaan bọ bụphe omeeraam bọ Jịzos Kraist.

Bụo aGaletia 5:17

ịdi eḍighi bọ ịpe iphulupul phọ rẹwa bọ ẹgbatanaan ni rꞌịpe Uwaloor Iigbia phọ rạwa bọ, ḅịle kẹn ịpe Uwaloor Iigbia phọ rạwa bọ ẹgbatanaan ni rꞌịpe iphulupul phọ rẹwa bọ: ịyal phọ ạbidi ẹnam rꞌaghoogh, kụ esi ịduon phọ, nyina kétue eḍighi ịpe nyina rẹwa bọ.

Bụo ạKolosi 1:28

Esi ịduon phọ yoor rọkaaph ghan ịlo aKraist, kọphurom rụru oomo awe. Yoor rọtughemi ghan we oomo areten olegheri ịyaar ọbo yoor ọsighe we dị omeeraam mọ ạbuno mophoph ọmadan kụ mọḅophoghian rꞌaKraist ọghiom Ẹnaan.

Bụo ạKolosi 4:12

Ẹpafras, ọnon ọnyo anyina dị raḍighi ghan oḍighi kạngo Jịzos Kraist, mipuru kẹn inyina. Ọdi righol ghan ni inyina kạkpaariom esi ịiḅereghi mọ imiigh giph ephoph ẹmanam, emeeraam ẹmadan mọ adom mọ agey ni, emunughan eḍighi oomo ịpe ẹḅeeraan bọ Ẹnaan.

Bụo aHibru 13:21

Ẹnaan ẹepho phọ ịngo ni inyina tọrobo egey ịyaar lọ ikuom inyina ọsighe oḍighinom ịpe Ẹnaan rẹwa bọ, kụ ọdi ạtuan ni Jịzos Kraist ạtuugh aḍighi sịphe ạroozo phọ ayira ịpe ẹḅeeraan bọ nyọdi! Igbogh phọ kụ ẹrolonaan Kraist kꞌagee-pọ kꞌagee-pọ! Ẹrol li ịdipho!

Jems 1:26

Oye lọ ạḅem mọ ọno ameeraam Ẹnaan kụ nem ọdi óoko, pọ ọdi rabia ni loor ọdi, omeeraam mọ ọdi kẹn ọ́man ịyaar.

Jems 1:4

Kụ ọkparam mọ anyina kúdugh rꞌamem ọdaanaan oomo phọ ịne, ọbo ạroozo phọ anyina ẹkua ẹḅile emunughan, dị rꞌịyaar inyina kị́biph.

Jems 2:10

Oye lọ ạka ghạlamo rꞌoniin ologh phọ pọ masoroghu ni oomo phọ ịdi.

1 Pita 3:10

Ịdipho ạḍinya iigbia phọ rẹḅem ghan bọ mọ, “Oye lọ rạwa ọghelom aghuḍum mọ ọdi rꞌọrol ọteeny aani igey, asoph ọkaraph ọghaaph rꞌọgbaaghi ghan ọkpe akureri!

1 Pita 5:10

Kụ nyina ẹmiinom mọony amem bịn Ẹnaan ọnma ighirigiir phọ ịmagh bọ inyina ọḅophoghan rꞌaKraist ophin aani abin igbogh kꞌagee-pọ phọ ọdi, kimuneni ni inyina, imiighe inyina, ịngo inyina ịnyaam, iphighi inyina ẹkparami.