Jems 3:17 - Ạḍinya Iigbia

¹⁷ Esi omiighom, ịyaar rẹ́biph ghan olegheri ịyaar phọ ọpo ạḍua bọ kꞌạke kụ aru, ḅịle kẹn sighiton rạ́wa ghan. Rạnma ghan ghụn ighirigiir kạmoogh eeḅi ẹzo rꞌigbiririph, kụ kamuum iimuma igey iiḍighi. Ọ́moogh ịiseeny rꞌọkulakula ologhi.

Jems 3:17 Iomraidhean Croise

1 Ạbudaam 3:12

Mịin. Nyịidipho mị mạtuugh ịpe nạ ạlhom bọ aḍighi. Mịin. Mị mạngo nyịna ologhi olhegheri ịyaar rꞌọnaghan ạḍughum, olegheri ghan ịlo ẹnighe rꞌịlo ị́nighe. Kụ ọnon ọlo kạghigh nyịna ólho, ḅịle kẹn ọnon oye dị kạsighe esi phọ ạna kụ kạtol ịduon nạ ạrol bọ ólho.

1 Ạbudaam 3:28

Kụ oomo awe Ịzirel ọnaghan ọoruen aḍighiton phọ ọdaam mọ asoph bọ, kụ bịdi oghiilaan ọdaam mọ, ịdi eḍighi bọ bịdi ọmiin mọ olegheri-ịyaar Ẹnaan phọ kụ odi loor ọdi, ọsighe ghan oogboom ịiruen.

1 Ạbudaam 3:9

Ngọ otelhedom mọ ạna olhegheri ịyaar dị ọdi kạsighe apoghom ghan we phọ ạna aagbo ịiruen dị eeleeny. Mị úlegheri ọgbaranaan dị odi esi igey rꞌịkaraph. Ạnhian kụ katue bọ aagboonaan ḍita awe phọ ạna ạbuen ịiruen?”

1 Krọnikuls 22:12

Kụ Ọmoogh-we Ẹnaan phọ ạna ạngo nyịna olegheri-ịyaar rꞌologhi ẹrol dị nạ ạda Ịzirel ịdi emeeraam ologh phọ ọdi.

1 Krọnikuls 22:9

Ịlo eḍighi eḍighi, ọdi uguanaan ni ịmi oguan. Ọdi ạḅem mọ, ‘Nạ kạmoogh ni mọony dị kạda rꞌẹepho, loor esi dị mị kạngo nyọdi ẹepho dị rꞌoniin ọnyo ạbumulogh-ḍien ọdi kạ́aḅaghami. Ḍien ọdi kokol mọ ạSolomon, loor esi dị mem mọ ọdi kạda bọ mị kạngo Ịzirel ẹepho rꞌạdol dị ịyaar kẹ́eḅaghami.

Job 28:12

Kụ ọlo ẹghen kụ ẹdi kọmiin bọ olegheri-ịyaar? Ẹghen kụ ẹdi yira kọtuugha ọnaghanan ạḍughum?

Job 28:23

Ẹnaan phọ bịn kụ elegheri eten phọ, ẹḅile elegheri esi dị kọmiin olegheri-ịyaar,

Job 28:28

Ẹnaan ịḅeni ni weye mọ, “Nyina rẹwa ọsu ologhi, pọ nyina kẹlogh ghan eegu Ọmoogh-we phọ. Nyina rẹwa ọmoogh ọnaghanan ạḍughum, pọ nyina kekel ghan ịkaraph.”

Ẹḍua 36:2

AMozis ạmagh Bẹzalel, Oholiab rꞌoomo ạbueri phọ awe ẹmaar phọ Ọmoogh-we phọ mạngo bọ ịnyaam kụ omeeraam ọlogh ạḍighaagh kụ ạḅeni bịdi mọ omiigh iiḍighi phọ.

Asidogh 2:6

Ọmoogh-we phọ kụ rạngo ghan ologhi; esi ọdi kụ ẹdi olegheri-ịyaar rꞌọnaghanan ạḍua aru.

Azaya 2:4

Ọdi kakunughi ịgbaragbara igbo igbogh areelhe. Bịdi kọgurogh rolhool ẹgham ạbidi otene rụsua, rọosoph ạbidi otene rolhool ọsam. Areelhe rꞌamem kóbe mun ẹgham, kóokolobian mun eeghi ẹgham.

Azaya 32:6

Uwelologhi rạkaaph ghan ọghaaph elologhi rꞌọotughian ịkaraph ạraraar oḍighi. Ọghaaph phọ rꞌeḍighinom ịyaar ọdi eḍighi itonyonaan esi Ọmoogh-we phọ, ḅịle rꞌamem rạ́ngo ghan eḍien rꞌạmuum bụphe rọwa bọ.

Azaya 40:11

Ọdi kạmaar ạpam ḍita phọ ọdi ịdipho okoriom iyool-ịga; ọdi kaakpomoghi nmụny iyool-ịga phọ eniin esi kụ aḅeton bịdi rạghaagh ọdi; ọdi kamiighe loor atelhiom burunhiin phọ ạbidi.

Dạniel 1:17

Ẹnaan ịngo ni inya phọ ugheel ạnmuny phọ olegheri-ịyaar rꞌẹmaar esi ạrinya rꞌigbogh ịitughian. Ọdi ạngoom kẹn ni Dạniel ẹmaar ọgba ghan ẹmhu ạramalha rꞌịmiin.

Malakai 2:9

Kụ iḍighi kụ mị kaḍighi aani ni ịdi awe phọ Ịzirel kịḅitonaan inyina loor esi dị nyina ị́naghanan mun ogbi phọ ạmi, ḅịle kẹn mem lọ nyina rẹtughemi weye phọ ạmi, nyina répogh ghan weye phọ eniin ephoghom.”

Malakai 3:3

Ọdi katu oogbo ịiruen ịdipho oye lọ ragbuur ghan kaselemi silva. Ịdipho ọlemom ọlem ragbuur ghan bọ silva rꞌagol kụ ịdi ọokpaany Ọmoogh-we phọ kagbuur bụpinyon rịkia phọ, pịdi bịdi ọsighe ghan inmo dị ẹkpe kụ otuomonaan Ọmoogh-we phọ.

Matiu 23:28

Ịdipho kẹn kụ ẹdi nyina ẹrol ẹphen ạnyu phọ, esi ariḍien ạbunon awe mụdi nyina abugey ni, kụ ạri, ẹpe ologhi phọ anyina ọkpe rꞌịkaraph kụ imuza.

Matiu 5:8

Iboh kꞌẸnaan edianaan ni we dị iloghi phọ ẹserere; bịdi kọmiin ni Ẹnaan.

Matiu 5:9

Iboh kꞌẸnaan edianaan ni bụphe rọḅem ghan bọ mọ kísoor phọ; Ẹnaan kekol li bịdi mọ ạnmuny ọno.

Elegh aLuk 21:15

ịdi eḍighi bọ mị kịngo ghan ni inyina ikpo ọnhu rꞌolegheri ịyaar dị rꞌoniin ẹpomoghian anyina kátue ạmerenyan mụghumo ọpharanaan.

Elegh aLuk 6:36

Ịnma ghan ighirigiir ịdipho Ọde phọ anyina rạnma ghan bọ ighirigiir phọ.

Elegh ạJon 1:14

Ekpo Ọnhu phọ imite ni eye kụ erughan rꞌayira, kụ yoor ụmiin ni eghuan phọ ọdi, dị ẹḅaram ẹeḍiom, ọghor phọ rꞌigey. Ẹphen phọ kụ eghuan Ogina Ọony phọ Ẹnaan.

Elegh ạJon 1:47

Kụ ạJizos ạmiin Nạtaniel dị ratu ọteeny ọdi, kụ ạḅem ịlo ọdi mọ, “Ịmiin aani. Ọphon phọ ọkaraghi ọnyo Ịzirel. Iigbegheḍiom loor ọdi ílho.”

Iiḍighi 11:24

ẠBanabas phọ ogey oye ni, dị Uwaloor Iigbia phọ rꞌomeeraam emuza loor, kụ upumom ni ịbadi aweye ḍita ạbuphe momeeraam bọ Ọmoogh-we phọ.

Iiḍighi 9:36

Kụ ẹpe Jọpa oniin ạmatuan ạrol li dị oghol mọ ạTabita (dị rokol ghan ọnhu aGris mọ ạDokas, ẹmhu ịduon phọ pọ ọnyaghimir). Ọdi ạmoogh eeḅi eḍighinom ịyaar, anmo ghan inmo.

Bụo aRom 12:18

Bin mụo anyina, iḍighi ghan oomo ịlo nyina ketue, ẹrolom ẹepho rꞌoomo awe.

Bụo aRom 12:9

Ẹphomoghian kị́ḅaram ghan rꞌẹnum ịikpukian. Ikel ịkaraph, ẹphamanam ịlo ẹnighe.

Bụo aRom 15:14

Bụo asiya ạmi, mị rꞌaloor ạmi aḍuom ni ologhi akuphom owol mọ igey rꞌolegheri ịyaar emuza ni loor anyina, ḅịle mọ oniin ratue ni kạtughemi ghan nyoniin.

1 Bụo ạKorint 12:8

Uwaloor Iigbia phọ ạngo ooni oye olegheri ịyaar, ạngo ooni oye ọmaar ghan ọtughemi, kụ ịyal phọ ạbidi rọkaaph ni ḍiniin adom mọ.

2 Bụo ạKorint 10:1

Mị ạPol phọ buniin rọḅem ghan bọ mọ ómophoghuan ghan mem mọ ạrol bọ ogbo phọ anyina rọḍua pụruku ạḍiaḅa phọ ị́nighe rọnighe phọ, ạsighe ni ọnma ighirigiir rꞌophooph ologhi phọ aKraist kụ rịiḅereghiom inyina.

2 Bụo ạKorint 6:6

Yoor mọsighe kẹn eeḅi ẹzo, rꞌolegheri ịyaar, rꞌọkparam, rꞌọnma ighirigiir, rꞌUwaloor Iigbia phọ, rꞌẹphomoghian dị ị́ḅaram ịikpukian,

2 Bụo ạKorint 7:11

Ịmiin rạraar dị Ẹnaan ẹsighe okururu phọ anyina eḍighinom: ḍịdugh dị oḍighi phọ rạdugh, ephiighaam dị nyina repiigha oḍeenaan mọ nyina ị́piom, ọghagh ologhi dị nyina rẹkagham ịkaraph, eegu dị nyina rekiil mọ ḍien ịlo kemite, emoghi dị nyina rimoghiom ịmi, ẹghologhol dị aloor anyina rẹkologhol, rꞌẹliomom dị nyina ẹmeera ọliom ọlo ạpioman. Nyina meḍeenaan mọ rꞌoniin ọkal ọghaaph phọ ọphon dị nyina ẹpioman ólho.

2 Bụo ạKorint 9:10

Kụ Ẹnaan phọ rẹngo ghan bọ oḅephom ozo phọ ịizupha rꞌeḍien olhe phọ kịngaani ni inyina ịizupha ọzuph phọ, ẹḅile eḍighi dị kepoph, kụ ẹbughe sụo iiḅi phọ nyina reḍighi ghan bọ.

Bụo ạEfesos 5:9

ịdi eḍighi bọ ẹphalaḅaal phọ kụ remuum ghan iimuma iiḅi rꞌaruukuan rꞌigey kịrokiro.

Bụo aFilipai 1:11

Mọ aghuḍum anyina amuum onugu iimuma aruukuan phọ, ịpe ạḍighaagh phọ ạJizos Kraist, pịdi awe ọtuan oboom ghan igbogh phọ Ẹnaan.

Bụo aFilipai 4:8

Ịlo okureriom mọ, bụo asiya ạmi, tọrobo egey, tọrobo ịlo eghuan, tọrobo ịlo eelenyan, tọrobo ịlo eseleman, tọrobo ịlo ẹnighe, tọrobo eeḅi, tọrobo ịlo eḍighi ịma, tọrobo ịlo ẹkpianaan oboom, iseere ni ologhi ịlo ịphen phọ.

Bụo ạKolosi 1:10

ọbo nyina erue ẹrol dọl phọ ạḍiphe ẹkpianaan bọ Ọmoogh-we phọ, eḍighinom ghan ịpe ẹḅeeraan bọ nyọdi ẹmadan. Ịduon kụ ịdi tọrobo ogey oḍighi lọ nyina eḍighi, nyina kemuum iiḅi iimuma, ḅịle elegheriom mọ nyina ẹkar bọ elegheri Ẹnaan epoph rẹkiom ghisigh.

1 Bụo ạTesalonika 2:7

ọbo ọtuan ịdipho yoor oru bọ butelhedom mọ aKraist ẹkpe ni dị yoor mụwa. Kụ yoor usooromi ni loor ogbo phọ anyina, ịdipho onhiin dị ạpham nmụny.

1 Timoti 5:21

Mị ạsighe ḍien Ẹnaan rꞌạJizos Kraist rꞌạruukpaany phọ Ẹnaan ẹsaḅar bọ kụ raghiremi nyịna ịyo mọ nạghanan ikpo ọnhu oroma phọ ịphen phọ, kụ tọrobo ịlo nạ raḍighi, kạ́seeghi ghan we.

2 Timoti 2:24

Oye arukumu Ọmoogh-we phọ sighiton kụ́wa ghan! Aḍighi ghụn ọopho oye esi oomo awe, ạmaar ịtughemi, ạmoogh ọkparam,

Tạitos 1:15

Oomo ạraraar ẹserere ni ghisigh ạbuphe ọserere bọ. Ịyaar lọ rẹserere ghan esi ạbuphe mọopuan bọ rꞌạbuo emeeraam mọ ílho, ịdi eḍighi bọ iloghi phọ rꞌịitughian phọ ạbidi mẹepuan yogh.

Tạitos 3:2

Ḅẹni bịdi mọ kụ́kaaphaan ghan oye ịkaraph, ịtolom ghan ẹepho rꞌẹphomoghian, kụ ọḅile oḍeenaan ghan ọbolobolo ologhi esi oomo awe,

Bụo aHibru 12:11

Repin ghan ni, rẹ́ḅaal ghan iloghi awe, mem lọ rọliom bịdi, kụ onyebel roten, bụphe mọlhiom bọ kụ mosereghian bọ romuum ghan iimuma ẹepho kọrol dọl aruukuan.

Bụo aHibru 12:14

Ịkparami ghan ḍịghaagh ẹrolom ẹepho rꞌoomo awe, ẹrol dọl aruukuan, ịdi eḍighi bọ ọlo ụ́tol dọl phọ ạḍien phọ kạ́miin Ọmoogh-we phọ.

Jems 1:17

Oomo phọ igey inmo phọ yira ọmoogh bọ ịḍua ni esi Ẹnaan kụ eru bọ. Ọdi kụ ạlhemogh oomo phọ ịpe rẹmu bọ ẹpe kꞌạke phọ. Ạraraar phọ ịpe phọ reenmeeghian ghan ni, kụ Ẹnaan rénme ghan eḍighinom ịyaar phọ dị ruḍighi ghan bọ iyira.

Jems 1:5

Ọnyo anyina lọ ụ́moogh olegheri ịyaar ạlom Ẹnaan esi ịiḅereghi, kụ Ẹnaan phọ rẹ́ekpukian ghan bọ ọngo inmo oomo aweye kẹngo ni nyọdi!

Jems 2:13

Ilegheri mọ oye lọ rạ́nma ghan bụnon ighirigiir, mem ịiruen phọ Ẹnaan nyọdi ighirigiir kẹ́nma. Ọnma ghan ighirigiir kụ rezuoghom ghan ịiruen.

Jems 2:4

pọ nyina medi weye ạsiosi phọ ịbam rꞌigbogh ạruuku. Nyina megbi ịkaraph arigbiom.

Jems 3:15

Ọdo olegheri ịyaar phọ ọphon, ọlo ịsien aḅirini phọ, ọ́ḍua ẹpe kꞌạke kụ aru; ọlo Eru, kọ́lo Uwaloor Iigbia phọ.

Jems 4:8

Iḍuraan etuman Ẹnaan. Ọdi kaḍuraan aani ni ituman inyina. Iwopha yogh ịkaraph phọ anyina. Nyina awe ạsipioghom dị iloghi rẹbal ịyal, iitola yogh rạghaagh phọ anyina, egbuurogh iloghi phọ anyina ẹḅaalami.

1 Pita 1:22

Nyịidipho phọ nyina mẹnaghanan bọ igey phọ eselemian loor phọ anyina, dị tụtu ẹkuami ẹphomoghian bụo asiya phọ anyina, oniin ạphomoghian nyoniin rꞌoomo ologhi ọdi ạmadan!

1 Pita 2:1

Loor ịphen phọ, ịbile yogh ịghughian, rꞌiigbegheḍiom, rꞌiituma, rꞌologhi ẹḍim, rꞌọphue aḍien.

1 Pita 2:18

Nmụny-otu, ịsighe eghuan kụ esooromiom loor anyina ẹmadan ẹngo bụrude-otu phọ anyina. Kẹ́tolom ịduon phọ bụphe ọmoogh bọ igbiririph rꞌọnma ighirigiir phọ bịn, ịḅaram aani ni bụphe ẹzo phọ ẹkpar bọ.

1 Jọn 3:18

Ịbam ạnmuny, kụ́pomoghian ghan ẹphomoghian ọnhu rꞌọnhu; eḍighi ghụn egey ẹphomoghian dị kọmiin ghan sịphe eḍighinom ịyaar phọ ayira!

1 Jọn 3:3

Kụ tọrobo oye lọ ạmoogh oḍuom ologhi phọ ọphon esi aKraist, pọ raselemian loor oseleman ịdipho aKraist.