Jems 3:15 - Ạḍinya Iigbia

¹⁵ Ọdo olegheri ịyaar phọ ọphon, ọlo ịsien aḅirini phọ, ọ́ḍua ẹpe kꞌạke kụ aru; ọlo Eru, kọ́lo Uwaloor Iigbia phọ.

Jems 3:15 Iomraidhean Croise

2 Sạmuel 13:3

Kụ ọlo ọony phọ ạmoogh ni ọyaghiri dị ạsu ologhi iboom, dị oghol mọ ạJonadab, ọony umor aDevid dị oghol mọ Sama.

2 Sạmuel 15:31

Mem dị ọḅeni bọ Devid mọ Ahitofel mạghi aḍighan Ạbsalom ophorogh ọno, ọdi ạaḅereghi ni mọ, “Seseeny, Ọmoogh-we, kiton oroma phọ Ahitofel kụ́moogh mun ịyaar oḍighinom!”

2 Sạmuel 16:23

Tọrotoro oroma lọ Ahitofel ạngo riiḍio eten bọ ịpe ụsighe ghan ịdipho ọkaraghi ikpo ọnhu phọ Ẹnaan; aDevid rꞌẠbsalom ụdaph ghan ni bịn.

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Elegh aLuk 16:8

“Ọde-otu phọ aboom ni opoghom ephua phọ ọdi esi ikem iigbegheḍiom mọ dị ạmaar bọ, loor esi dị aweye aḅirini phọ ọphon ọsu iloghi ọphamam aloor ạbidi opu weye phọ ạbuphe oḍighi bọ bụo ẹphalaḅaal.”

Elegh ạJon 3:17

Ẹnaan ítom Mọony phọ ọdi mọ aru sịen aḅirini phọ aagbo ịiruen, ịtuan mọ esi ọdi kụ aḅirini phọ ọmoogh pẹleeny.

Elegh ạJon 8:44

Nyina ạnmuny Eru ọde phọ anyina, kụ nyina rẹwa ghan ọdaph areten ọdi. Kꞌemiighom mọ, ọdi ọokom-enu. Ọdi kọ̋rolan ghan ẹku igey, ịdi eḍighi bọ igey loor ọdi ílho. Mem lọ ọdi ạgba ọkpe, pọ ịdipho kụ ọlem ọdi ni, ịdi eḍighi bọ ọdi ọgbaam ọkpe ḅịle rꞌọde oomo ọkpe.

Iiḍighi 13:10

kụ apuru mọ, “Nạ eekuna iigbegheḍiom rꞌiipheeny, nạ ọony Eru, nạ ạmulogh-ḍien oomo aruukuan, ke̋siom dị nạ kạbile omirighan awe ọdaph igey areten Ọmoogh-we phọ?

Bụo aRom 1:22

Bịdi role ghan oghoph mọ ạbuno ọsu ni ologhi, kụ ạri moḍigh ruwelologhi.

1 Bụo ạKorint 1:27

Ẹnaan ịtuan osiphe umugholoor weye olegheri ịyaar phọ kụ ẹsaḅar bọ bụphe awe aḅirini phọ ụ́maghami bọ ịyaar. Ịtuan kẹn ni osiphe umugholoor weye ịikpo phọ kụ ẹsaḅar bọ bụphe awe aḅirini phọ ogbiighiom bọ mọ odugh ni phọ.

1 Bụo ạKorint 2:14

Kụ oye lọ úlegheri rạraar uwaloor phọ kạ́moogh aani ruunmo kꞌUwaloor Iigbia phọ. Ịphen phọ kétue ẹbol eḍigh rụru ọdi. Ọdi kạ́maghami ịyaar ịdi eḍighi bọ ropoghom uwaloor bịn kụ olegheriom mọ ẹman ni ịyaar.

1 Bụo ạKorint 3:19

Ịpe awe aḅirini phọ ogbiighiom bọ mọ olegheri ịyaar phọ, pọ elologhi esi Ẹnaan. Ịdipho ạḍinya iigbia phọ ẹḅem bọ, “Ẹnaan rẹsighe ghan olegheri ịyaar ạbuo igbogh iloghi phọ kụ kẹḍaaghiom bịdi.”

1 Bụo ạKorint 3:3

ịdi eḍighi bọ nyina ẹpamanam ni rụuphua iphulupul phọ. Ịdipho ẹḍim mọ rꞌịgbaragbara phọ edi bọ ni sịphe ogbo phọ anyina, pọ nyina edi ni dọl oopho awe phọ, ẹḅile ni ẹpamanam rụuphua iphulupul phọ.

2 Bụo ạKorint 1:12

Ẹphen kụ ịyaar phọ yoor robomaam bọ: ịitughian phọ ayoor ịḅeni ni iyoor ekuphom owol mọ ophooph ologhi dị iguegue ụ́ḅaram rꞌọnma ighirigiir phọ Ẹnaan, kólegheri ịyaar awe, kụ rẹtooghiom bọ eḍighinom ịyaar phọ ayoor sịen aḅirini phọ ḅịle rꞌọkaraghi asiya phọ yira osian bọ.

2 Bụo ạKorint 11:3

Oḅio ạmi rakaph ni mụdi Eru keḍighi ni dị iloghi phọ anyina kẹpuphogh bịn nyina ẹbile ọkuom aloor phọ anyina Kraist ọmadan, ịdipho ẹkaraph-ịyaar phọ ẹsighe bọ iguegue phọ eekeleghiom Iiv.

Bụo aFilipai 3:19

Eekuna phọ ạbidi kẹtol ooni ạnian ịdi eḍighi bọ ịkaraph ạruuphua kụ ẹmugh ạbidi. Bịdi robagaam ghan rạraar umugholoor. Ịitughian phọ ạbidi ịlo ạraraar ịsien aḅirini phọ bịn.

2 Bụo ạTesalonika 2:9

Oye Eekuna Ạsipioghom mọ katumom ịikpo aSetan kụ aḍighi yogh ịiḍaany kịrokiro rꞌareḍeenaan rꞌimananaany ọkpe ịlo ookeleghiom ạbuphe kope bọ. Bịdi kọ́moogh pẹleeny ịdi eḍighi bọ bịdi moghel igey phọ.

1 Timoti 4:1

Uwaloor Iigbia phọ ạkaaph ghan ni ramitiom mọ mem dị retu buniin awe kokel li ịpe omeeraam mọ ạḅem bọ. Bịdi kọnaghanan ruwaloor ọkpe, ọḅile ọdaph ịtughemi aruru.

Jems 1:17

Oomo phọ igey inmo phọ yira ọmoogh bọ ịḍua ni esi Ẹnaan kụ eru bọ. Ọdi kụ ạlhemogh oomo phọ ịpe rẹmu bọ ẹpe kꞌạke phọ. Ạraraar phọ ịpe phọ reenmeeghian ghan ni, kụ Ẹnaan rénme ghan eḍighinom ịyaar phọ dị ruḍighi ghan bọ iyira.

Jems 1:5

Ọnyo anyina lọ ụ́moogh olegheri ịyaar ạlom Ẹnaan esi ịiḅereghi, kụ Ẹnaan phọ rẹ́ekpukian ghan bọ ọngo inmo oomo aweye kẹngo ni nyọdi!

Jems 3:17

Esi omiighom, ịyaar rẹ́biph ghan olegheri ịyaar phọ ọpo ạḍua bọ kꞌạke kụ aru, ḅịle kẹn sighiton rạ́wa ghan. Rạnma ghan ghụn ighirigiir kạmoogh eeḅi ẹzo rꞌigbiririph, kụ kamuum iimuma igey iiḍighi. Ọ́moogh ịiseeny rꞌọkulakula ologhi.

Ạḍinya dị aJud ạge 1:19

Bụen phọ kụ rọgbarion ghan bọ we ạsiosi phọ kosereghi rụuku kịrokiro phọ. Ịkaraph ạruuphua kụ ịmoogh, Uwaloor Iigbia phọ kụ ọ́moogh ghuḍum mọ ạbidi.

Ogonanami Phọ 12:9

Kụ oroph oboom mọ anonom oḍual ạrumhu phọ omitiom. Ọdi kụ egbaany ẹkaraph-ịyaar phọ oghol bọ mọ Eru ḅịle rꞌaSetan phọ eekeleghi bọ oomo aḅirini phọ. Kụ oroph nyọdi rꞌoomo ạruukpaany phọ ọdi osiemi ude.

Ogonanami Phọ 2:24

“‘Kụ bụeri phọ anyina ẹpe Tiatira kọ̋daph aani ịkaraph ịtughemi phọ ịphen. Nyina kẹ̋maar aani ịpe bụeri phọ rokol ghan bọ mọ eekuna ạraraar ịbooghian phọ aSetan. Mị rịḅeni ghan inyina mọ mị inyina ḍịnon adool rị́leti mun.

Ogonanami Phọ 9:11

Ọokpaany phọ oseere bọ ophogh ghan ooni phọ kụ ọolha phọ ạda bọ bịdi. Ḍien ọdi ọnhu aHibru ughol mọ Ạbadon, ọnhu aGris mọ Apolion. Ẹmhu phọ pọ “Opiemiom”.