Jems 3:13 - Ạḍinya Iigbia

¹³ Mọ uwo ologhi odi ni ogbo phọ anyina, pọ aḍeenaan esi egey ẹrolom rꞌosooromi aloor sịphe iiḍighi olegheri ịyaar phọ ọdi!

Jems 3:13 Iomraidhean Croise

Job 28:28

Ẹnaan ịḅeni ni weye mọ, “Nyina rẹwa ọsu ologhi, pọ nyina kẹlogh ghan eegu Ọmoogh-we phọ. Nyina rẹwa ọmoogh ọnaghanan ạḍughum, pọ nyina kekel ghan ịkaraph.”

Ạsuor 107:43

Eḍighi ni ịdi bụlo ọsu ologhi kọotughian rạraar phọ ịphen! Bịdi ọotughian ni ịlo ẹphomoghian Ọmoogh-we phọ rémuneen ghan bọ!

Ạsuor 122:8

Loor ẹmhu asiya phọ ạmi rꞌạrighiri phọ ạmi mị ạḅeni Jeruselem mọ, “Ẹepho ẹrolonaan nyịna.”

Ạsuor 149:4

Ọmoogh-we phọ ạmoogh ḍịḅeeraan awe phọ ọdi; ọdi rakueni ghan ni bụphe osooromi bọ loor rꞌọkpar opu.

Ạsuor 25:9

Ọdi raḍiemiom ghan bụphe osooromi bọ loor igeny areten, ạḅile rạtughemi ghan bịdi reten phọ ọdi.

Ạsuor 45:4

Ḍighom ạsu rughuenian phọ ạna kụ aghiilom rꞌedughom loor ọgba ghan igey, rꞌoogbo iiḅi ịiruen, Ạḍighaagh iphelegbe phọ ạna keḍighi ịdi nạ kạkpar apu ẹpomoghian phọ.

Ọtughemia Phọ 8:1

Oye olegheri ịyaar, bịn kụ ạkar alegheri ẹmhu ạraraar. Olegheri ịyaar raḍighi ghan ịdi ọdi kạyigh, bin eghire mẹeḅua risigh ọdi.

Ọtughemia Phọ 8:5

Nạ ạdaph ghan ịto phọ ọdi, pọ ịyaar nyịna réḍighi, kụ oye olegheri ịyaar alegheri ni ịlo oḍighi rꞌamem lọ ẹkpe oḍighi.

Azaya 29:19

Arukulom rꞌawe dị osooromi loor kọḅile ni ọmoogh ọḅaal ologhi phọ ọpo Ọmoogh-we Oye Aghuḍuul phọ Ịzirel rạngo ghan bọ.

Azaya 60:6

Ọologh awe rꞌạsikamel kọḍua ni ẹpe Mịdian rꞌEfa etu ẹteeny nyịna. Bịdi kọḍua ẹpe Siba kụ ọpam gol rꞌịnsens otumom. Awe kọkaaph ooḅi ọghaaph ịlo ịpe Ọmoogh-we phọ maḍighi bọ.

Azaya 61:1

Ọkar Ogbogh Ọmoogh-we phọ mamuzeḍi loor ạmi uwaloor phọ ọdi. Ọdi mụsaḅar ịmi kụ urom ịmi Oruomaan ooḅi ọghaaph rukulom mọ, Ọngo oḍuom ologhi bụphe iloghi phọ eḅonyonu bọ, Ọghaaph omitiom mọ bụlo ọrol ikoli ẹgham ọmoogh ni ẹereegh Kụ ọtagharan bụlo odi ruutu ikoli.

Jerimaya 9:12

Kụ mị apuru mọ, “Ọmoogh-we, eeghe kụ iḍighi kụ ade phọ mẹgharaghar bọ eten ẹdala phọ, dị tụtu oye ráten ghan mun bọ? Ạnhian kụ ạsu ologhi dị katue alegheri ịphen phọ? Ạnhian kụ ẹdi nạ mạḅeni ghan ịphen phọ, pịdi ọdi ạḅeni bụnon awe?”

Jerimaya 9:23

Ọmoogh-we phọ ạḅem mọ, “Awe olegheri-ịyaar kúubagaam olegheri-ịyaar phọ ạbidi, awe ịikpo kẹn kúḅoom ịikpo phọ ạbidi, ạraalha kẹn kúḅoom ẹelha phọ ạbidi.

Dạniel 2:21

Ọdi kụ rạpam ghan mem mọ rꞌạrunwanyu phọ; ọdi kụ azu ạḅile azughuron eghoony rạalha; ọdi kụ rạngo olegheri-ịyaar rꞌọnaghan ạḍughum.

Zẹfanaya 2:3

Ikiton ephogh Ọmoogh-we phọ, oomo phọ anyina ạbuphe mosooromi bọ loor sịen ade phọ, kụ rọnaghanan bọ ịto phọ ọdi. Iḍighi ịlo ẹnighe, kụ esooromi siloor anyina ghisigh Ọmoogh-we phọ. Iini nyina kekpetenaan ni mạlhiom ḍio phọ Ọmoogh-we phọ kaḍeenaan bọ ophin ologhi phọ ọdi.

Igbiighi 12:3

(AMozis oye ophooph ologhi. Ophooph ologhi ọlo ọdi apu ọlo oomo awe ịsien aḅirini phọ.)

Matiu 11:29

Ịsighe ọfeguma phọ ạmi ẹgban rụpha anyina, eru mị ịtughemi inyina, emeera mị ụpamaghan ghuḍum mọ anyina. Mị oye ọopho ologhi rꞌosooromi aloor kụ nyina kẹmoogh ni ophooghian.

Matiu 21:5

“Ịḅeni we phọ ạZayon mọ, ‘Ọdaam ẹmha phọ anyina maḍigh ẹnam adool, onyugheel ẹnam adool, asooromi ni loor kụ ratu kꞌanyina.’”

Matiu 5:5

Iboh kꞌẸnaan edianaan ni bụo osooromi aloor phọ; bịdi kọmoogh ni ịpe Ẹnaan eguanaan bọ,

Matiu 7:24

“Loor ịphen phọ, tọrobo oye lọ ạnaghan ikpo ọnhu phọ ạmi ịphen kụ ạtuugh aḍighi, mị kạmaaniom nyọdi oye olegheri-ịyaar dị aphighi otu ọdi ạnyu aḍighiigh.

1 Bụo ạKorint 6:5

Ịphen phọ mị rạkaaph bọ ịlo osiphiom anyina umugholoor. Ẹrol dị rꞌoniin uwo ologhi ólho sịphe ogbo phọ anyina dị ạman osoph ọoruen ọngo ekeeny rꞌelhiom.

2 Bụo ạKorint 10:1

Mị ạPol phọ buniin rọḅem ghan bọ mọ ómophoghuan ghan mem mọ ạrol bọ ogbo phọ anyina rọḍua pụruku ạḍiaḅa phọ ị́nighe rọnighe phọ, ạsighe ni ọnma ighirigiir rꞌophooph ologhi phọ aKraist kụ rịiḅereghiom inyina.

2 Bụo ạKorint 8:24

Iḍeenaan bịdi ẹphomoghian phọ anyina, ọbo ạsiosi ẹmha kịrokiro phọ ọmiin aani kụ olegheriom mọ nyina ẹman ni ootumaam mọ.

Bụo aGaletia 5:23

osooromi aloor, rꞌọphamaghan aloor. Ologh dị aghel ịphen phọ ólho.

Bụo aGaletia 6:1

Bụo asiya, eḍighi ịyaar dị nyina ẹmiinom ọnyo anyina dị rạpioman, bụphe odimom bọ Uwaloor Iigbia phọ ọphoomi ni loor ọmagh nyọdi oḅulemi! Imiigha loor ọbo nyina kemeel aani ghan bọ eḍighanaan ọdegh ophogh.

Bụo aGaletia 6:4

Tọrobo oye ạmaar ạaḅeghion ẹzo phọ ọdi aphogh! Kụ kpạripe rꞌọsighe aloor phọ ọdi ọmaaniom ọnon oye, ọdi ạsighe ghan ghụn ologhi ọdi kụ amitenom ezue!

Bụo ạEfesos 4:2

Isooromi ghan loor, ẹphoomi ghan loor, ẹmoogh ghan ọkparam oomo amem. Ịmoogh ẹphomoghian, oniin ạminoghom ghan ịkaraph oniin!

Bụo aFilipai 1:27

Ịdi epu pạ, ịtol dọl dị ẹkpianaan we dị momeeraam ooḅi ọghaaph aKraist, ọbo mị aru mị útu, mị ạnaghan ghan ịlo anyina mọ nyina ẹḅoph ni ọnhu ẹmeera ẹkananaam, ẹsighe oniin ologhi rebianaan igey phọ ịpe ooḅi ọghaaph phọ ạḅem bọ.

Bụo ạKolosi 3:12

Nyina kụ awe phọ Ẹnaan. Ọdi ạtuan ẹphomoghian kụ ịsaḅar bọ inyina aḍighi bụo ọdi. Kụ esi ịduon phọ, ịmoogh ẹzo igbiririph rꞌọkparam, rꞌọnma ghan ighirigiir rꞌosooromi ghan aloor rꞌọlogh ghan awe eegu.

1 Timoti 4:12

Kámeera oye ạtuan mọ nạ onyugheel bịn aphogh nyịna asooromi. Ḍighi ghụn ni oye ọmaaniom esi ạbuphe momeeraam bọ, sịphe ọghaaph phọ ạna, rꞌẹzo phọ ạna, rꞌẹphomoghian phọ rꞌomeeraam mọ, rꞌooko ghan aloor phọ ạna.

1 Timoti 6:11

Kụ nạ phọ aḍighi bọ oye Ẹnaan, kel ghan oomo ạraraar phọ ịphen, wạ ghan ghụn ruukuan, rꞌolegheri Ẹnaan, rꞌomeeraam, rꞌẹphomoghian, rꞌọkparam, rꞌomiighe aloor.

2 Timoti 2:25

asooromi loor kụ aromoghiom ghan bụphe rọgbagharan ghan bọ nyọdi, iini sịen Ẹnaan kẹngo ni bịdi eepoogh okiton osoman ọdi olegheri aani igey phọ.

Tạitos 3:2

Ḅẹni bịdi mọ kụ́kaaphaan ghan oye ịkaraph, ịtolom ghan ẹepho rꞌẹphomoghian, kụ ọḅile oḍeenaan ghan ọbolobolo ologhi esi oomo awe,

Bụo aHibru 13:5

Kẹ́sighe ghuḍum mọ anyina ẹḅam ạnyu ikpoki. Ịlo nyina ẹmoogh ịgbaanyan ghan ni inyina, ịdi eḍighi bọ Ẹnaan mẹḅem ni mọ, “Mị inyina kị́wile. Mị inyina kíghel.”

Jems 1:21

Ịkporion rạghaagh oomo isa rꞌịkaraph dị rekil ọoye, esooromi loor ghisigh Ẹnaan, ẹnaghanan ọghaaph phọ ọpo ọdi mạzuph bọ sịphe iloghi phọ anyina. Ikpo ọnhu phọ ịpe kụ ketue ịphel inyina etene.

Jems 2:18

Ịdipho oḍighom ịyaar kụ ooni oye ạḅem mọ, “Nạ ạmoogh omeeraam, kụ mị ạmoogh iiḍighi,” mị kạpagharanaan mọ, “Uḍeenaan ịmi omeeraam mọ ạna dị iiḍighi ụ́ḅaram. Iiḍighi phọ ạmi kụ keḍeenaan nyịna omeeraam mọ ạmi.”

Jems 3:1

Bụo asiya ạmi, ị́kpe dị ịbadi anyina kụ keḍighi bụtughemia, ịdi eḍighi bọ yira ạbutughemia phọ kụ ọpioman ịikpia phọ kẹbugh epu ịlo ạbunon.

Jems 3:17

Esi omiighom, ịyaar rẹ́biph ghan olegheri ịyaar phọ ọpo ạḍua bọ kꞌạke kụ aru, ḅịle kẹn sighiton rạ́wa ghan. Rạnma ghan ghụn ighirigiir kạmoogh eeḅi ẹzo rꞌigbiririph, kụ kamuum iimuma igey iiḍighi. Ọ́moogh ịiseeny rꞌọkulakula ologhi.

1 Pita 1:15

Ịtol ghụn dọl aruukuan esi ạtorobo ịyaar lọ nyina reḍighi, ịdipho Ẹnaan phọ ịmagh bọ inyina eḍighi bọ oye aruukuan phọ.

1 Pita 2:12

Ẹzo phọ anyina ogbo aruuruen phọ ẹmaar eeleeny, ọbo ghạlamo bịdi ụghaaph ni mọ nyina reḍighi ghan ịkaraph, bịdi ọmiin ghan iiḅi iiḍighi phọ anyina kụ oboom Ẹnaan, ḍio phọ dị katu bọ!

1 Pita 2:9

Kụ nyina awe dị Ẹnaan mẹsaḅar, ariil ạrikia kꞌọdaam, ạbuo eelhe aruukuan, awe dị Ẹnaan kụ ẹmoogh, mọ ịkaaph emitiom iiḍighi ịiḍaany ọpo ịmagh bọ inyina ẹku ufiri phọ, kụ ịsighe bọ inyina ạlogh ẹku ạḍiikia ạḍiḅaal phọ ọdi.

1 Pita 3:4

Ẹnighe phọ anyina ghụn eḍighi nyẹpe rọ́miin ghan bọ ekpeḍien phọ, ịdipho osooromi aloor rꞌọbolobolo ologhi! Ịphen phọ réḍighi ghan igbaany, kụ ẹman kẹn ịyaar iboom ghisigh Ẹnaan.