Jems 3:1 - Ạḍinya Iigbia

¹ Bụo asiya ạmi, ị́kpe dị ịbadi anyina kụ keḍighi bụtughemia, ịdi eḍighi bọ yira ạbutughemia phọ kụ ọpioman ịikpia phọ kẹbugh epu ịlo ạbunon.

Jems 3:1 Iomraidhean Croise

Lịvitikos 10:3

Kụ aMozis agbi ọḅeni Eeron mọ, “Ịphen kụ ịdi Ọmoogh-we phọ ạghaaph bọ, mọ ọno kaḍeenaan ni bụphe otuman bọ nyịno iigbia phọ ọno, kụ oomo awe phọ ogbi ọlogh ạmi eegu.” Kụ Eeron ạrol li bịn aḅoorian.

Malakai 2:12

Ọmoogh-we phọ aroph ogbeph oomo ạbuphe roḍighi bọ ịphen phọ sịen ọmar phọ Ịzirel, ḅịle kẹn kúmeera mun bịdi ooḍikuan ọngo inmo phọ eelhe phọ ayira rọngo ghan bọ Ọmoogh-we Oomo Ịikpo phọ.

Matiu 10:24

“Ạmatuan rápu ghan ọtughemia phọ ọdi. Ọony-otu rápu ghan ọde-otu phọ ọdi.

Matiu 23:13

“Pọ eeghe ịminimiin dị kịrolonaan inyina, ạbutughemia iilogh phọ rꞌaFarisi phọ, nyina abulegheri ịlo ạbunon, ịlo-anyina-ílegheri. Nyina mekikima weye ịlo koḍigh ọmar phọ kꞌẸnaan. Nyina ímeera mọ awe lọ rọwa oḍigh oḍigh, kụ ạri nyina rꞌaloor anyina réḍigh ni.

Matiu 23:14

“Pọ eeghe ịminimiin dị kịrolonaan ni inyina, ạbutughemia iilogh phọ rꞌaFarisi phọ, nyina abulegheri ịlo ạbunon, ịlo-anyina-ílegheri. Nyina mạarom ruutu ạnmariir dị aburulhom umuughu, kụ okue rọoḅereghi ghan ịidoony ịiḅereghi. Esi ịduon phọ, ịdi kịliom inyina kẹloghori ni iboom!

Matiu 9:11

Kụ mem dị aFarisi phọ ọmiin bọ ịphen phọ, bịdi upuru ni bụmatuan phọ ọdi mọ, “Uḍighi ika kụ ọtughemia phọ anyina rꞌọdo phọ awe phọ ạbuen rolian bọ eḍien phọ?”

Elegh aLuk 16:2

Kụ ọdi ạmagh oye phọ apuru mọ, ‘Ịphen mị ạnaghan bọ ịlo ạna, imite ika? Mạar agbiighi ẹphamam mọ nạ ạpham bọ ephua phọ ạmi ụngo ịmi, ịdi eḍighi bọ nạ kápogh mun rạraar phọ ạmi.’

Elegh aLuk 6:37

“Nyina íigboonaan ịiruen bụnon, Ẹnaan inyina ịiruen kíigboonaan. Nyina ị́ḍagha bụnon, Ẹnaan inyina kị́ḍagha. Ịsar ghan ẹwilenaan bụnon, Ẹnaan kẹsar ghan ni ịwilenaan inyina.

Elegh ạJon 3:10

Kụ ạJizos ạphagharanaan mọ, “Nạ kụ ọtughemia phọ Ịzirel, kụ ịphen phọ nạ ólhegheri?

Iiḍighi 13:1

Esi ạbuo ạsiosi phọ Ạntiok, buniin uḍighi riil rꞌạbutughemia: ạBanabas, rꞌạSimion, ọpo oghol bọ mọ oḍiil phọ, rꞌạLusios ọpo aSairini, rꞌạSol, rꞌaManaen, ọpo ookonom bọ rꞌạHerod phọ kaḍighi bọ ọdaam ẹmha phọ.

1 Bụo ạKorint 12:28

Kụ Ẹnaan melhegheri ni kụ ẹde bọ we phọ eseere uwo oḍighi rꞌoḍighi sịphe ạsiosi phọ: ạbuḅel phọ abutelhedom, bụdi otum pạ ạbuo ọghaaph ghan ịpe Ẹnaan egananami bọ, bụdi omuneniom ịraar ạbutughemia kụ ogbi ọteeny ạbuo oḍighi yogh ghan ịiḍaany, kụ ọteeny ạbudi ọngo ịikpo ookonom ghan awe rꞌạbuo ọloghonaan ghan ạḍighaagh bụnon, rꞌạbuo ịtooghi, rꞌạbudi kepum ghan kụ ọḅa ọnon ọnhu dị ụ́naghan.

2 Bụo ạKorint 5:10

ịdi eḍighi bọ oomo phọ ayira kụ kọmeera ni ghisigh aKraist kụ ọdi aagbo ịiruen ayira ọbo ọtuan oḍighi ọlo oye rꞌoye, igey mꞌịkaraph, sịen aḍizu phọ ạḍien kụ ọngo ịdi ẹkasian.

Bụo ạEfesos 4:11

Ọdi kụ aanmo bọ we ruunmo phọ, ạma buniin oḍighi abutelhedom, buniin ọghaaph ghan ịpe Ẹnaan egananami bọ, buniin ọghaaph ghan ooḅi ọghaaph phọ, buniin ophogh ghan ạbuo ạsiosi phọ, buniin ọtughemi ghan ịtughemi.

1 Timoti 1:7

Edi ghan iloghi ạbidi ọtughemi ghan iilogh phọ Ẹnaan, kụ ạri bịdi úlegheri ẹmhu ọghaaph phọ, ḅịle rꞌikpo ọnhu phọ bịdi ọsighe bọ oomo iloghi phọ ạbidi, kụ rọkaaphom bọ.

1 Timoti 2:7

Ụtuan ịduon kụ urom bọ ịmi oḍighi otelhedom rꞌọtughemia aruuruen phọ, mọ mị ugbeelom dom omeeraam rꞌigey phọ ụḅeni we. Mị ọkpe rạ́gba; mị rạkaaph ni igey.

2 Timoti 1:11

Ẹnaan mịma ịmi oḍighi otelhedom dị kagbeelom ghan ạḅile ạtughemi ghan ooḅi ọghaaph phọ ọphon.

Bụo aHibru 13:17

Ịnaghanan ghan bụo ạrumhu phọ anyina, ẹdaph ịtooghi phọ ạbidi. Bịdi kụ abukoriom aruwaloor phọ anyina, sịen dị bịdi kọgba bọ ni ịpe bịdi oḍighi bọ oḍighi phọ ọḅeni Ẹnaan. Nyina ẹnaghanan bịdi, pọ bịdi koḍighi ni oḍighi phọ ạbidi rꞌọphalaḅaal ologhi. Ịdipho ílho, pọ bịdi koḍighinom rꞌịḅiphighu, bịn kéḍighi sụo ịngo inyina.

Jems 1:16

Iiḅi asiya ạmi, kéekeleghian loor anyina.

Jems 1:19

Iiḅi asiya ạmi, ilegheri mọ tọrobo oye ạnuun ghan ni ạnaghanan, ạaḅeghion ghan ikpo ọghaaph kụ ạghaaph, ịyaar ologhi ọdi kị́nuun ghan ịkagh,

Jems 3:10

Ikpo ọnhu ạḍiseph rꞌikpo ọnhu iitunyian ẹḍua ghan ni pạ oniin phọ ọnhu phọ kụ remite. Bụo asiya ạmi, ịphen kímite ghan!

1 Pita 5:3

Kẹ́pamam ḍịikpara ạḍighaagh bụphe ọḅogh bọ ọlogh ḍịghaagh phọ anyina. Iḍighi we dị bịdi kọtuughaany ghan,