Jems 2:8 - Ạḍinya Iigbia

⁸ Nyina ẹkuami ghan ni eeko ọkpana ologh phọ ọpo odi bọ pạ ạḍinya iigbia phọ mọ, “Pọmoghian ọnon oye ịdipho aloor phọ ạna,” pọ nyina reḍighi ni igey.

Jems 2:8 Iomraidhean Croise

1 Ạbudaam 8:18

kụ Ọmoogh-we phọ ạḅeni ọde phọ ạmi mọ, ‘Ịpe edi bọ sịphe ologhi phọ ạna ịlo ọloghonaan aḍien phọ ạmi otu, ẹnighe ni agey ịitughian phọ ịphen edi bọ sịphe ologhi phọ ạna.

2 Ạbudaam 7:9

Kụ oniin ạḅeni nyoniin mọ, “Ịphen yira roḍighi bọ ị́nighe. Arodon phọ ạḍien phọ aḍio igey ịinaghan, kụ yira oḅoorian ni bịn. Eru mạar dị yira ọrol sịen phọ kụ ẹḅaal, pọ ịminimiin kisoroghuom ni iyira. Kụ iḍighi nyịidipho ọghi ọghaaph ọḅeni kꞌọdaam mọ.”

Lịvitikos 19:18

Ụ́wa ghan oḍighi oḅulemian, ụ́mooghom ghan ẹguuny ologhi nmụny awe phọ ạna. Pọmoghian ọnon oye ịdipho aloor phọ ạna. Mị kụ Ọmoogh-we phọ.

Lịvitikos 19:34

Ịloghoma ghan ooruen lọ arugh sịphe ẹmha phọ anyina, ẹloghomaam nyọdi ịdipho oniin ọnyo anyina, ịdi eḍighi bọ nyina ịrol li iiruen ẹpe Ijipt. Mị kụ Ọmoogh-we Ẹnaan phọ anyina.

Jona 4:4

Ọmoogh-we phọ ạphagharanaan mọ, “Eeghe ọdo ariliom kụ edianaan nyịna ọghagh ologhi?”

Jona 4:9

Kụ Ẹnaan ẹḅeni nyọdi mọ, “Eeghe ọdo ariliom kụ edianaan nyịna ọghagh ologhi ịlo ẹezupha phọ?” AJona ạphagharanaan mọ, “Mị ạmoogh ni riliom ophin ologhi — ophin ologhi dị ạkpe omughom!”

Matiu 22:39

Kụ ọpo amuneniom bọ ịyal phọ ịdipho ọḅel phọ ni mọ, ‘Pọmoghian ọnon oye ịdipho aloor phọ ạna.’

Matiu 25:21

Ọde-otu phọ ọdi ạḅeni nyọdi mọ, ‘Maḍighi. Nạ ogey ẹbene ni. Ịdipho nạ arue bọ ni ạphamaghan ikpoki dị ị́manam kụ iḍighi dị mị kạsighe nyịna ạdaami iboom ikpoki. Tue aḍighan, ạmoogh ọḅaal ologhi!’

Matiu 25:23

Ọde-otu phọ ọdi ạḅeni nyọdi mọ, ‘Maḍighi. Nạ ogey ẹbene ni. Ịdipho nạ arue bọ ni ạphamaghan ikpoki dị ị́manam kụ iḍighi dị mị kạsighe nyịna ạdaami iboom ikpoki. Tue aḍighan, ạmoogh ọḅaal ologhi!’

Matiu 7:12

“Ịlo nyina rẹwa mọ awe iḍighi inyina kụ kẹnighe, kụ ẹtuugh eḍighi bụnon awe. Ịduon kụ ẹmhu iilogh phọ aMozis rꞌịtughemi ariil phọ.”

Bụo aRom 13:10

Oye lọ ạphomoghian ọnon oye kámighirom mun aḍighi oye phọ ọpo phọ ịkaraph. Esi ịduon phọ ẹphomoghian kụ ooko oomo phọ Ologh phọ ọmadan.

Bụo aGaletia 5:14

Ịdi eḍighi bọ oomo ịkal Ologh phọ ọkoroghi sịen ọkol phọ ọphon mọ, “Pọmoghian ọnon oye ịdipho aloor phọ ạna.”

Bụo aGaletia 6:2

Oniin arool ghan ni ịiḅaghami oniin, pịdi nyina emuneni iilogh phọ aKraist!

Bụo aFilipai 4:14

Kụ ọlo meḍighi ọloghonaan ạḍighaagh phọ nyina ịloghonaan bọ ịmi sịen ịiḅaghami phọ ạmi.

1 Bụo ạTesalonika 4:9

Ịlo ẹphomoghian asiya, ị́kpianaan mun ọge oruom anyina, esi dị Ẹnaan mịtughemi ni inyina ịlo oniin kạphomoghian ghan nyoniin.

Jems 1:25

Kụ Ẹnaan kẹseph ni oḍighi oye lọ rạsighe ghan igey iilogh phọ rẹtanyan ghan bọ we kụ kaphogha ịdipho atamaḍiki, lọ ọdi ạmoogh ọkparam raḍighi ghan ịpe iilogh phọ ẹḅem bọ kụ rạ́naghanan ghan bịn kawula.

Jems 2:12

Imiigha loor, ọbo ẹghaaphom mọ rꞌeḍighinom ịyaar phọ anyina ẹghigh ịlo awe dị kọsighe ologh ọtanyanam mọ kụ osophom ọoruen ọngo.

Jems 2:19

Nạ ameeraam mọ edi bọ eniin Ẹnaan. Ii, ịduon phọ ni. Kụ aruru bịn elegheri aani ni ịphen phọ reekpeka ghan.

Jems 4:11

Bụo asiya, kẹ́gbaanaan ghan oye ịkaraph. Ọlo ạgbaanaan ọnon ọnyo asiya esi aKraist kụ asophonaan ọkaraph ọoruen, pọ mạghaaph ạpuenom Ologh phọ, akolaam mọ ọno oye ịiruen. Eḍighi dị nạ rạaḅeghion ghan Ologh phọ kaphogh, pọ nạ rạ́naghanan mun Ologh phọ, nạ maghola ḍien mọ ạna oye ịiruen.

1 Pita 2:9

Kụ nyina awe dị Ẹnaan mẹsaḅar, ariil ạrikia kꞌọdaam, ạbuo eelhe aruukuan, awe dị Ẹnaan kụ ẹmoogh, mọ ịkaaph emitiom iiḍighi ịiḍaany ọpo ịmagh bọ inyina ẹku ufiri phọ, kụ ịsighe bọ inyina ạlogh ẹku ạḍiikia ạḍiḅaal phọ ọdi.