Jems 2:6 - Ạḍinya Iigbia

⁶ Kụ nyina mẹḅitonaan rukulom mọ. Nyina ítue mun ilegheri mọ ạraalha phọ kụ rịmiine bọ inyina kigbooghi ghan inyina iigbo phọ?

Jems 2:6 Iomraidhean Croise

Job 20:19

loor esi dị ọdi ạgbiphoghom ni ạḅile ạḅitonaan rukulom mọ, ạḅile azirion ạsighiogh ruutu dị ạbunon awe kụ ọlogh.

Ạsuor 10:10

Uwo ẹkaraph ẹmugh phọ mameel aḍighanaan. Ịgbagara ịikpo meghiigh nyọdi

Ạsuor 10:14

Tọ nạ rạmiin ghan ni. Nạ akiririom ni apogh ịiḅaghami rꞌịminimiin, kụ aakolobian oomo amem ọlogh ạḍighaagh. Ọpo ị́nighenom bọ ạḅogh loor phọ ọdi ạngo nyịna! Nạ kụ ọpelia ạbunyigo ạnmuny.

Ạsuor 10:2

Abuḍighinom ịkaraph phọ opoophe loor ạbidi kụ rọgbiphoghom rukulom mọ. Ḍighi ịdi bịdi kụ komeleghu siphil phọ bịdi ọkpamaghi bọ.

Ạsuor 10:8

Ọdi ạbooghian aḅona pạ ạramha phọ rakori ghan we dị mạar ụ́piom ọze, kụ rạnmanaghian ghan ọmiin ạbulo ọdi kạmiine.

Ạsuor 12:5

Kụ Ọmoogh-we phọ ạḅem, “Mị katu loor esi ịgbiphoghom ạbuo arukulom mọ rꞌịḅiphighu ạbuphe ekuom bọ. Mị kạtagharan bịdi ịdipho bịdi rokori ghan bọ.”

Ạsuor 14:6

Bụo ạsipioghom mọ rọpueghi ghan ịitughian awe lọ osooromi loor ạbidi kụ ọlo Ọmoogh-we phọ kụ ọpelia ạbidi.

Asidogh 14:31

Nạ ạgbiphoghom rukulom awe, nạ maronyon Ẹnaan phọ ẹlhem bọ bịdi; kụ nạ aḍighi iiḅi rukulom, pọ nạ maaseeny Ẹnaan.

Asidogh 17:5

Nạ ạmilogh uwekulom pọ nạ ạgilaam Ẹnaan phọ ẹlhem bọ bịdi. Kọliom ni nyịna eḍighi mạar dị nạ ạmoogh iboh mem dị ịiḅaghami kụ emitenaan oye.

Asidogh 18:23

Mem lọ uwekulom rạkaaph, ọdi rasooromi ghan loor, kụ mem lọ ọolha phọ rạpagharanaan, ọdi oye eegu kạ́logh.

Asidogh 22:16

Nạ ạngo ruunmo we dị ọmoogh, mụghumo ạgbiphoghom rukulom kụ oḍighi ogbogh, nạ rꞌaloor kameel li ekulom.

Asidogh 22:7

Arukulom mọ kụ ạrebene ạraalha phọ. Le ọmugh oye bịn nạ maḍighi ẹbene ọdi.

Ọtughemia Phọ 5:8

Kíḍighi iikia esi ạna ọmiin dị bụo ịtooghi phọ rọgbiphoghom rukulom mọ, kụ ọḅile robiririom bịdi esi ịiruen rꞌelhiom ạbidi. Tọrobo oye oḍighi ạmoogh ni uwo ẹmhu dị rapogh nyọdi, kụ ịyal phọ ạbidi ạbunon abugbogh kụ ropogh.

Azaya 53:3

Yira ughel nyọdi kụ ọḅitonaan nyọdi; ọdi ạkparam ni ịminimiin rꞌaḍiphin. Oye ólho dị ạwa ọmiin ọdi — yira ụḅitonaan ni nyọdi mụdi kị́yaar.

Ẹmos 4:1

Ịnaghan ịphen, nyina ạnmariir aSameria, nyina phọ ạbuen ẹbugh bọ mụdi ạsinam ạBasan dị elhe ẹpher, dị kẹtiroghom bụphe ịnyaam ụ́moogh bọ, ẹkpiloghom rukulom mọ kụ ẹkpaariom burulhom anyina ọngo anyina miim!

Ẹmos 5:11

Nyina mẹkpiloghom rukulom mọ kụ emiighi ikpo ịizupha phọ ạbidi. Pọ kụ ịyaar phọ nyina kétugh ịma aruutu asighiigh phọ nyina ẹlhogh bọ, ḅịle kẹn, kẹ́pughol rimiim mọ nyina ẹmoogh bọ iizo ịma avain phọ anyina.

Hạbakuk 3:14

Ịkpina ạna ephunyi oḍiemiom awe ẹgham mọ ọdi mem dị eru mụdi oghim ọowalami ayoor, rꞌọnmoghoghoom ghan mụdi ạbuphe rọgbiphoghom ghan bọ rukulom reten ịbooghian.

Zẹkaraya 7:10

Kẹ́gbiphoghom ghan rukpukele ạnmariir mꞌạbunyigo ạnmuny mꞌaruuruen lọ orugh sịphe ogbo anyina, mꞌạtorobo oye lọ odi esi ịiḅaghami; ḅịle kẹn, oniin kúgbiighiom ghan ịkaraph nyoniin.’

Elegh ạJon 8:49

Kụ ạJizos mọ, “Mị eru ráḍigh ghan, mị rakueni ghan Ọde phọ ạmi, kụ nyina risooromi ghan ịmi.

Iiḍighi 13:50

Kụ ạbuo aJu phọ ọkpaariom ikpolom ạnmariir dị oghueni ghan Ẹnaan rꞌikumoor awe ẹmha phọ, owiiliom bịdi ọnhu kụ ọgbiphoghom ophorogh Pọl rꞌạBanabas omitiom eelhe phọ.

Iiḍighi 17:6

Kụ ọmiin bọ mọ bịdi sịphe úlho phọ, ụghogh ni Jẹsin rꞌabuniin ạbuo ạsiosi phọ ọghiom bụo ạrumhu ẹmha phọ ọlooghi mọ, “Bụen phọ mọkaraghi bọ ọphue aḅirini phọ moru osi ẹphen,

Iiḍighi 18:12

Mem dị ạbuo ịtooghi aRom ọma Galio mọ aḍighi uwo ẹmhu Ạkaya, ạbuo aJu phọ ụḅoph ni ọnhu osiph Pọl ọsighe ọghi otu ịiruen,

Iiḍighi 8:3

Kụ ạSol ạnya ophiemi ạbuphe omeeraam bọ Jịzos, kụ ạḍua ghan otu ạgba otu, ạghoghogh nmạriir rꞌalephiri ạsighe ạghi ạloghoḍi ikoli.

1 Bụo ạKorint 11:22

Nyina ị́moogh ḍịen iloghi aruutu ọrol ghan olhe rꞌọphughol? Ḅịle nyina rẹwa ghan omuton eephoogh bụo ookpomoghan ạsiosi phọ Ẹnaan, rꞌoofolomi ạbuphe ụ́moogh bọ ịyaar olhe phọ ḍụghum? Mịna ụkaaph eeghe ịlo ịphen phọ? Ịseph inyina ḍụghum? Ịlo ạmi ríḍigh ọseph anyina.

Jems 2:3

kụ nyina ẹlogh eghuan ọolha phọ ẹngo nyọdi egey esi ọrol kụ ẹḅeni uwekulom mọ mọ, “Mẹera sịphe. Ẹḅeeraan nyịna, tọl oopho ude utuman ịmi,”

Jems 5:4

Nyina kẹ̋kpeeghi ikpoki ạbuo iiḍighi iizo phọ anyina. Ịnun phọ ạbidi, nyina kẹ̋naghanan. Kụ emoghi ạbuo ibugha phọ meḍigh reḅeri Ẹnaan oomo ịikpo, Ọmoogh-we phọ.

Jems 5:6

Nyina meegbo ịiruen ẹziom we dị mạar ụ́piom. Bịdi inyina írue ịmerenyan.