Jems 2:5 - Ạḍinya Iigbia

⁵ Iiḅi asiya ạmi, ịnaghan. Ẹnaan ị́saḅar ḍịen rukulom aḅirini phọ ọphon mọ ọtuan omeeraam mọ ạbidi oḍighi rạalha, ọḅile oliom aani erua ọmar phọ dị aguanaan bọ oomo ạbuphe ọphomoghian bọ nyọdi?

Jems 2:5 Iomraidhean Croise

1 Ạbudaam 22:28

Kụ aMikaya ạḅem mọ, “Eru mạar dị nạ ạpham ẹboroph kụ arighelom, pọ Ọmoogh-we phọ kụ rạ́kaaph bọ ịphen ẹḍua bọ ọnhu ạmi emite.” Kụ ọdi ạḅile ạḅem mọ, “Ịnaghan ọghaaph phọ ạmi, oomo aḍita anyina.”

Job 34:10

Ịnaghanan ịmi, nyina awe ọnaghan ạḍughum! Ẹnaan Oomo Ịikpo phọ kaḍighi ni ịkaraph ḍụghum?

Job 34:19

Ọdi ráḍighan ghan rạalha phọ kạgbiphoghom rukulom, loor esi dị ọdi kụ ạlhem ni tọrotoro oye.

Job 38:14

Ootaany kụ ragananami ghan roogbolom rꞌariiḍiiny phọ ịdipho ẹekula ukpe lọ ọkpooghi, eganana ịdipho ẹda lọ ọzer esi ọposo.

Ẹḍua 20:6

Kụ ọnma ighirigiir kạtolonaan ni sịmuunir ạbulo ụphomoghian ịmi kụ ooko ghan iilogh phọ ạmi.

Asidogh 13:7

Buniin ọpu bịn roḍighi ghan mụdi ọmoogh ẹelha kụ rꞌịyaar ụ́moogh. Bụeri phọ oseere loor mụdi arukulom kụ ạri ọmoogh ni ẹelha.

Asidogh 7:24

Nyịidipho, nmụny ạmi, ịmaar ẹnaghan. Iler rụru ẹnaghan ịlo mị ạḅem.

Asidogh 8:32

“Nyịidipho, ugheel ạnmuny, iler rụru, ịnaghanan ịmi. Iḍighi ghan ịlo mị ạḅem bịn nyina kẹmoogh ni ọḅaal ologhi.

Azaya 14:32

Yira kọpagharanaan ika rụukpaany phọ aFilistia oru bọ? Yira kọḅeni bịdi mọ Ọmoogh-we phọ mạkan rezen ạkparamiom Zạyon kụ mọ awe phọ ọdi rọmiinom bọ kọmoogh aani ẹereegh.

Azaya 29:19

Arukulom rꞌawe dị osooromi loor kọḅile ni ọmoogh ọḅaal ologhi phọ ọpo Ọmoogh-we Oye Aghuḍuul phọ Ịzirel rạngo ghan bọ.

Zẹfanaya 3:12

Mị kaseere sịphe we lọ osooromi loor kụ ọmoogh ẹepho, bụdi kotu esi ạmi ọwa ạpeleeny.

Zẹkaraya 11:11

Kụ iḍighi kụ oogbonyon ịyo phọ ḍio phọ ạḍiphe phọ. Bụphe ogho bọ ọḅile aal iyool-ịga phọ uphogh ghan ni ịmi kụ bịdi ulegheri ni mọ Ọmoogh-we phọ kụ rạkaaph esi ịphen mị raḍighi bọ.

Zẹkaraya 11:7

Bụphe ogho bọ ọḅile aal iyool-ịga phọ uphir ịmi bịn kụ mị aḍighi okoriom iyool-ịga phọ ịpe rọki bọ ọkanyan phọ. Mị ụsighe ni ịyal ịkala ireeny: nyoniin mị ughol mọ “Ạghusan”, nyọori phọ oghol mọ “Ạmuḅoph”. Kụ mị ạmaar aphogh ghan ḍita iyool-ịga phọ.

Matiu 11:5

Awe ikpom ariḍien mọmiin aani eten, ạrukugha moḅerenu aani rotelhe yogh, awe ẹzegh ọku ufe moḍumogh aani, ạbuḅaaghaph ḅạaghaph rọnaghan aani ḍụghum, moḅerion bụphe momuughu bọ ọngo ghuḍum, mọghaaph ooḅi ọghaaph Ẹnaan ọḅeni aani rukulom.

Matiu 25:34

Kụ ọdi ạḅeni bụphe odi bọ ḍịghaagh elhiom mọ ọdi mọ, ‘Itu. Nyina awe dị Ọde ạmi ạseph. Ile erua ọmar dị iseleminaan inyina kꞌẹḅel egbiom aḅirini phọ.

Matiu 5:3

“Iboh kꞌẸnaan edianaan ni bụphe ologhoma bọ mọ ẹkparam ni ruwaloor phọ ạbuno; ọmar phọ kꞌẸnaan ọlo ạbidi ni.

Elegh ạMak 7:14

Kụ ạJizos ạḅile kẹn ạmagh we phọ, kụ ạḅeni bịdi mọ, “Oomo phọ anyina, iler rụru ịnaghanam ịmi.

Elegh aLuk 12:21

“Ịduon kụ ịdi rẹtolonaan ghan oye dị aseerian ẹelha loor ọdi, kụ aḍighi uwekulom ghisigh Ẹnaan.”

Elegh aLuk 12:32

“Ḍịbam aḍita, oḅio anyina kúkaph. Ẹḅeeraan ni Ọde phọ anyina ọngo anyina ọmar phọ ọdi.

Elegh aLuk 16:22

“Kụ ọlom-le phọ romugh, bịn ạruukpaany phọ Ẹnaan erorori nyọdi ẹghiom mọ alhe ẹyaal ḍịghaagh elhiom Ebraham. Ọdaam phọ romugh aani, bịn oḍi.

Elegh aLuk 16:25

“Ebraham ạḅeni ni ọolha phọ mọ, ‘Mọony phọ, tụutughian mọ ạdol ạna ịnighe ni mem mọ nạ kőmugh bọ, ạdol ạLazaros kụ eeph mem mọ ạrol bọ, kụ ẹphen ọdi odi dọl igey kụ nạ odi dọl ịminimiin.

Elegh aLuk 22:29

Igina phọ ịdipho Ọde phọ ạmi mụngo bọ ịmi ịikpo ọda phọ kụ ẹdi mị kạtuugh kẹn ni ịngo aani inyina.

Elegh aLuk 6:20

Kụ ạJizos aphogh bụmatuan phọ ọdi kụ ạḅeni mọ, “Iboh kꞌẸnaan ịrolonaan inyina arukulom mọ. Ọmar phọ kꞌẸnaan ọlo anyina ni.

Elegh ạJon 7:48

Nyina ẹmiin ni rꞌoniin ọnyo ịtooghi mụghumo ọnyo aFarisi dị ameeraam nyọdi ḍụghum?

Iiḍighi 7:2

Kụ aStivin mọ, “We phọ, bumor rꞌạburude ạmi, ịnaghan! Ẹnaan Eghuan phọ iḍeenaan ni loor ọdi Ebraham, ogbogh ọde phọ ayira, mem dị ọdi odi ẹpe Mesopotamia kụ agbi bọ ogheel ạHaran,

Bụo aRom 8:17

Ịduon yira moḍighi bọ nmụny phọ ọdi, yira kopin aani bin ạḍiseph phọ aseenaan bọ we phọ ọdi. Yira kọḅile kẹn ni ọḅarama Kraist opin aani bin ịpe Ẹnaan eseenaan bọ nyọdi. Eḍighi ịyaar dị yira ophin aani bin ịminimiin phọ aKraist, yira kopin kẹn ni bin eegu phọ ọdi.

1 Bụo ạKorint 2:9

Kụ Ẹnaan mẹsighe Uwaloor phọ ọdi egananamiom iḍeenaan iyira rạraar ịbooghian phọ ọdi. Ịdipho ạḍinya iigbia phọ ẹḅem bọ, “Rạraar dị oye kꞌekulha ụ́miin, kꞌekulha ụ́naghan; ịdi kꞌekulha ụ́utughian mọ kemite, ịphen kụ ạraraar phọ Ẹnaan eekolobian bọ eseenaan bụphe ọphomoghian bọ nyọdi.” Uwaloor Iigbia phọ alegheri ni oomo ạraraar ạman, ghạlamo rꞌeekuna ịitughian ịbooghian phọ Ẹnaan ni.

2 Bụo ạKorint 4:15

Oomo ịphen phọ ughol ẹmhu anyina kụ ọmiinom ghan bọ, ọbo, ịdipho aḍita awe phọ Ẹnaan rẹnma bọ ighirigiir phọ rẹbugh bọ, oghur ạsuor iboh phọ rẹki bọ ọteeny Ẹnaan ạbugh aani ạghiom ghisigh.

2 Bụo ạKorint 6:10

Iloghi ayoor ị́ḅaal li, kụ ạri yoor odi ghan ni oboh ghan iboh oomo amem. Rukulom yoor ri, kụ ạri yoor kụ roḍume bụnon. Rꞌịlo iḍighom iyoor ílho, kụ ạri ịlo yoor ụ́moogh ílho.

2 Bụo ạKorint 8:9

Nyina elegheri ni ọdo ighirigiir phọ ạJizos Kraist Ọmoogh-we phọ ayira ụnma bọ iyira. Ọdi aḍighi ni ọolha kụ ughol bọ iyira ameel ekulom mọ, ọbo ekulom mọ ọdi ịngo inyina ẹelha.

Bụo ạEfesos 1:18

Mị rạlom ghan mọ ọdi aghunyon iloghi phọ anyina ẹmiin ẹphalaḅaal phọ ọdi, ọbo nyina elegheri ọdo oḍuom ologhi phọ ọdi ạtu bọ kụ ịmagh bọ inyina, rꞌọdo eboom ẹelha ạḍiseph phọ ọdi aguanaan bọ we phọ ọdi,

Bụo ạEfesos 3:8

Ọbo mị kụ ọkaraghi ọbam esi oomo aweye phọ Ẹnaan, kụ ọdi ụngo bọ ịmi eghuan ọghaaph ghan ịlo ẹeḍiom mọ aKraist eekuna ílho bọ ọḅeni aruuruen phọ.

1 Bụo ạTesalonika 2:12

Yoor iromoghiom ghan ni inyina, ọkparami ghan iloghi anyina, ịkpaariom ghan inyina ọrol ạdol phọ ạḍiphe ẹḅeeraan bọ Ẹnaan, ịdipho mịmagh bọ inyina ẹlogh ọmar eghuan phọ ọdi.

2 Bụo ạTesalonika 1:5

Ịphen phọ kụ imitiom eḍeenaan mọ ịiruen phọ Ẹnaan eeleeny ni esi anyina. Ọdi ragbiighi ghan ọtuan ịminimiin phọ anyina kụ oḍighi ịdi nyina kẹman oḍigh aani ọmar phọ ọdi nyina ẹtuan bọ rẹmiinom.

1 Timoti 6:18

Ḅẹni ni mọ bịdi oḍighi ghan igey, iiḅi iiḍighi kụ eḍighi ẹelha phọ ạbidi, onmo ghan inmo, ọḅile ọrol ghan wịriwiri.

2 Timoti 4:18

Kụ Ọmoogh-we phọ kụphel kẹn ni ịmi esi oomo ịkaraph, kụ uuko ni ịmi asiemi ọmar phọ kꞌạda-otu. Eegu ẹrolonaan ni nyọdi kꞌagee-pọ kꞌagee-pọ! Ẹrol li ịdipho!

2 Timoti 4:8

Kụ nyịidipho abin ọkpar opu phọ rukori ni ịmi. Ọmoogh-we phọ aḍighi bọ oogboom ịiruen aruukuan phọ kuzu ni ịmi eghoony aruukuan phọ ḍio phọ ạḍiphe. Ọdi kázu ogina ạmi bịn, kazu aani ni oomo ạbuphe ọphomoghian bọ nyọdi kụ rokori ghan bọ mem mọ ọdi kamite bọ egaan phọ.

Bụo aHibru 11:26

Ọdi agbiighiom ni mọ oghol aMesaya phọ ọminoghom ịgilaam, kụ ịman ịyaar epu oomo phọ ẹelha phọ Ijipt, ịdi eḍighi bọ ọdi agbi ni riḍien ọdi ọmiin aruunmo dị edi ghisigh.

Jems 1:12

Iboh kꞌẸnaan edianaan ni oye lọ ạmerenyan ịiḅaghami; kozu ni nyọdi eghoony aghuḍum mọ ẹpe Ẹnaan eguanaan bọ bụphe ọphomoghian bọ nyọdi.

Jems 1:16

Iiḅi asiya ạmi, kéekeleghian loor anyina.

Jems 1:19

Iiḅi asiya ạmi, ilegheri mọ tọrobo oye ạnuun ghan ni ạnaghanan, ạaḅeghion ghan ikpo ọghaaph kụ ạghaaph, ịyaar ologhi ọdi kị́nuun ghan ịkagh,

Jems 1:9

Ẹkpe ni dị uwekulom ọnyo asiya kạmoogh ghan iboh, mem dị Ẹnaan mẹnighemi dọl phọ ọdi.

1 Pita 1:4

mọ yira kopin aani bin ạraraar phọ Ẹnaan eseenaan bọ ẹpe kꞌạke we phọ ọdi. Ạraraar phọ edi ni esi dị kópiemi, ḅịle kẹ́ḅor ẹpuughi.

2 Pita 1:11

Ẹnaan kẹtuan ịphen phọ kụ ịngo inyina eboom eghuan oḍighom rꞌẹwoor ọmar kꞌagee-pọ phọ ạJizos Kraist Ọmoogh-we rꞌỌpelia phọ ayira.

Ogonanami Phọ 2:9

Mị alegheri ni ịminimiin phọ anyina. Mị alegheri ni mọ ikuom ni inyina kụ, ọmaar ophogh, ịboghoghoom ni inyina. Mị alegheri ni ịkaraph ạsiagba dị bụphe oghophora bọ mọ ạbuno ạbuo aJu phọ rịgbaanaan inyina. Otul phọ ạbidi ọlo aSetan.

Ogonanami Phọ 21:7

Tọrobo oye lọ ạkpar apu, mị kạngo ni ruunmo phọ ịphen: mị kaḍighi ni Ẹnaan ọdi, ọdi aḍighi mọony ạmi.

Ogonanami Phọ 3:18

Mị riroma nụun inyina mọ itu ịteeny ịmi egho ọfiafia agol, ọbo eḍighi aani rạalha. Ikoom ni ịphalaḅaal iinmenan, dị nyina keenmenan eekpereghiom ẹdaḅa umugholoor phọ anyina. Ikoom ni rọogho dị nyina keḍighinaan riḍien phọ anyina, ọbo ẹmiin aani eten.

Bụo Ịiruen 9:7

Mem dị ọghaaph bọ ịphen phọ ọḅeni Jotam kụ ọdi ạghi ạmeera ạnyu Eegum aGerizim kụ ạlho rꞌeboom ẹḍogh mọ, “Ịnaghan, nyina awe ạSekem, ọbo Ẹnaan ekori ịnaghanan inyina.

1 Sạmuel 2:30

Mị Ọmoogh-we Ẹnaan phọ Ịzirel uguanaan ni mem dị meten mọ eghunotu phọ ạna rꞌẹkpigh otu phọ ạna kụ koḍighi ghan bụpinyon rịkia kꞌagee-pọ, kụ ọlo nyịidipho mị káḍighi mun ịdipho! Kpạripe ghụn, mị kakueni weye lọ ughueni ịmi kụ mị kạgilaam weye lọ ụgilaam ịmi.

1 Sạmuel 2:8

Ọdi kụ rapoophe ghan bọ uwekulom sịphe ophugh phọ kụ ạḅile apoophe nyọdi esi ạdol ịkunu phọ. Ọdi kaḍighi bịdi we dị kotelhian ghan rꞌạnmuny ạbudaam kụ ạḅile asereghi bịdi riisi arughuenian. Oomo phọ ade phọ Ọmoogh-we phọ kụ ạmoogh; ạnyu ade phọ kụ ẹdi ọdi aphighi bọ aḅirini phọ.