Jems 2:25 - Ạḍinya Iigbia

²⁵ Ịduon kẹn kụ ẹdi Ẹnaan ẹsighe bọ Rehab oliom-ẹmha phọ. Ọdi ạlogh ni otu we iḅiligha ạbuo aJu phọ kụ ạma ẹnon eten aḍeenaan bịdi, ọbo bịdi okpetenaan bụo ẹpomoghian phọ ạbidi. Ẹnaan ịtuan iiḅi phọ ịphen ọdi aḍighi bọ kụ ẹsighe bọ mọ ọdi ạnir aruukuan ni.

Jems 2:25 Iomraidhean Croise

Matiu 1:5

aSalmon kụ ọde ạBoaz (onhiin phọ ọdi aRehab); ạBoaz kụ ọde Obed (onhiin phọ ọdi aRut); Obed kụ ọde ạJesi;

Matiu 21:31

Sịphe ịyal phọ ạbidi ọghen kụ aḍighi ịpe ọde phọ ọdi rạwa bọ?” Bịdi ọḅeni nyọdi mọ, “Ọḅel phọ.” ẠJizos ạḅeni bịdi mọ, “Mị ạkar rịḅeni ghan inyina mọ ạbubonyiom iisogh phọ rꞌabulhiom ẹmha phọ kụ kịphur inyina oḍigh ọmar phọ kꞌẸnaan.

Iiḍighi 17:7

kụ ạJesin ạlogh bịdi otu. Bụen phọ rọkaaghi iilogh phọ aSiza kọḅem mọ ọnon ọdaam ẹmha odi ni, dị oghol mọ ạJizos.”

Bụo aHibru 11:31

Omeeraam kụ aḍighi bọ ịyaar phọ úkiigh aani bọ Rehab oliom ẹmha phọ, ịdipho ạbuphe ụ́naghanan bọ Ẹnaan, ịdi eḍighi bọ ọdi ạlogh ni otu we phọ oru bọ iḅiligha phọ.

Jems 2:18

Ịdipho oḍighom ịyaar kụ ooni oye ạḅem mọ, “Nạ ạmoogh omeeraam, kụ mị ạmoogh iiḍighi,” mị kạpagharanaan mọ, “Uḍeenaan ịmi omeeraam mọ ạna dị iiḍighi ụ́ḅaram. Iiḍighi phọ ạmi kụ keḍeenaan nyịna omeeraam mọ ạmi.”

Jems 2:22

Nạ kőlhoghoma mọ omeeraam mọ rꞌeḍighinom ịyaar phọ ọdi kụ ịḅophan? Iiḍighi phọ ọdi kụ imuneniom omeeraam mọ ọdi.

Jems 2:24

Tọ nyina mẹmiin mọ Ẹnaan rẹtuan ghan iiḍighi dị ẹḅaram omeeraam kụ kẹsighe mọ ọphon oye aruukuan ni, rẹ́tuan ghan omeeraam mọ bịn.

Josua 2:1

AJosua ọony phọ ạNon ạḅeni ịyal awe mọ ọḍua sịphe arugbogo ẹpe Akasia ọghi ịlo ịbooghian ọwaaghi ọmiin de phọ aKenan kụ ọkaraghi oḅiligha ẹmha phọ aJeriko. Rọghi rosi ẹmha phọ kụ bịdi ọghi kụ oḍigh kꞌoniin oliom-ẹmha ạnir dị oghol mọ aRehab, kụ ọrol sịphe kꞌọdi.

Josua 2:15

ARehab ạrol otu dị ọlogh ọkpaariom iikpe oghoony ẹmha phọ kụ ọdi ạkpo oḍigh aḅughe ekulha eghuugh kụ ạkpaaghiom ịyal awe phọ osoore ude.

Josua 2:16

Kụ ạḅeni bịdi mọ, “Ịki ẹpe aroogbolom mọ ọbo bụphe riphorogh bọ inyina kizuan ghan bọ inyina eten, kụ ạaghian ẹpe phọ ịraar aḍughul-otu tụtu bụphe riphorogh bọ inyina oḅula kụ egbi nụun ọghi ẹlo anyina.”

Josua 2:4

Kụ ạnir phọ ạḅem mọ, “Agey ni, awe uru ni kꞌạmi, kụ mị úlegheri ekpisi phọ bịdi ọḍua bọ kụ oru. Bịdi ụḍua emeel ighool erumuḍio kụ ogbi oghughi ọnhu-aḍibuo oghoony ẹmha phọ. Ekpisi phọ bịdi rọki bọ mị úlegheri, kụ elhom elhom iporogh bịdi nyina kẹteeny bịdi.” (Kụ ạri aRehab mạsiinye ịyal phọ awe phọ ạnyu ạgba otu phọ, kụ aakpereghiom bịdi egu ạfalafa ạaghi.)

Josua 6:17

Ẹmha phọ rꞌoomo ạraraar ịsiphe ẹmha phọ meḍighi ẹdi mọnyagharanaan ọngo Ọmoogh-we phọ ophiemi. Omuton Rehab oliom-ẹmha ạnir phọ rꞌoomo ạbulo odi sịphe otu phọ ọdi rꞌọdi bịn, bụnon kụ kósugha óḍum, ịdi eḍighi bọ ọdi ạaghi we phọ bụphe orom bọ ọghi oḅiligha ẹmha phọ.