Jems 2:23 - Ạḍinya Iigbia

²³ Ịphen phọ imuneniom ịpe ạḍinya iigbia phọ ẹḅem bọ mọ, “Ebraham ameeraam ni Ẹnaan, kụ Ẹnaan ẹtuan omeeraam mọ ọdi kụ ẹsighe nyọdi mọ oye aruukuan ni,” kụ eghol mọ ọyaghiri ọno.

Jems 2:23 Iomraidhean Croise

Emiighom 15:6

Ebram ameeraam ni Ọmoogh-we phọ, kụ loor esi omeeraam mọ ọdi kụ Ọmoogh-we phọ ạsighenom nyọdi mọ ọdi oye aruukuan ni.

1 Ạbudaam 4:5

Opoghom ạbuo iiḍighi: Azaria ọony phọ aNetan Ọyaghiri dị aroma ghan ọdaam mọ: aZabud ọony phọ aNetan

2 Krọnikuls 20:7

Nạ Ẹnaan phọ ayoor. Mem mọ awe phọ ạna Ịzirel oru bọ sịen ade phọ ạḍien, nạ uphorogh we phọ ọrol ghan bọ kụ ạngo de phọ ẹemara ẹemara Ebraham ọyaghiri ạna mọ eḍighi ẹlo ạbidi kꞌagee-pọ.

Job 16:21

Mị rạwa ni oye dị kạaḅereghian Ẹnaan loor ẹmhu ạmi, ịdipho oye rakol ghan bọ ọyaghiri ọdi kạaḅereghian.

Ẹḍua 33:11

Ọmoogh-we phọ rꞌaMozis oosomanan kụ rọkaaphan, ịdipho ạrighiri rọkaaphan. Mem lọ aMozis aḅula, aJosua ọnyo ugheel ọony phọ ạNon otelhedom mọ ọdi, kụ ạrol ghan sịphe Ogbogo phọ.

Azaya 41:8

“Nyina kụ otelhedom mọ ạmi, nyina kụ awe phọ Ịzirel mị mạsaḅar bọ, ạnmuny ạnmuny phọ Ebraham, ọyaghiri phọ ạmi.

Elegh ạMak 12:10

Nyina kạ̋al aani ghan ịphen phọ ọge bọ pạ ạḍinya iigbia phọ mọ, “‘Ẹko phọ ạbuloghom ruutu phọ oghel bọ kụ mẹḅile eḍighi ẹko ogbo.

Elegh ạMak 15:27

Kụ ụkan aani ni ịyal ạruḅa loor ịnon ireeny ọḅaram Jịzos, oniin ḍịghaagh elhiom, ọphori phọ ekeeny.

Elegh aLuk 4:21

Kụ ọdi amiigh ọḅeni ạbidi mọ, “Arodon phọ kụ ẹdi ịphen ọge bọ sịphe ạḍinya iigbia phọ meru ịne rụru anyina.”

Iiḍighi 1:16

kụ ạghaaph mọ, “Bụo asiya, Uwaloor Iigbia phọ ạḅeni ni Devid mọ ạghaaph ịlo aJudas, ọpo aḍiemiom bọ bụphe osiph bọ Jịzos. Ịkpianaan ni dị ịmiin ạḍinya iigbia phọ ịpe kẹtuugh emite.

Bụo aRom 11:2

Ẹnaan ke̋ghel we phọ ọdi ạsaḅar bọ kꞌagediidi phọ. Nyina ílegheri ḍịen esi ạḍinya iigbia phọ ọge bọ ịpe Ilaija ạghaaph bọ ịlo aweye phọ Ịzirel ạḅeni Ẹnaan mọ,

Bụo aRom 9:17

Ḅịle kẹn, ạḍinya iigbia phọ ịḅeni ghan ọdaam eelhe phọ Ijipt, mọ, “Ọkaraghi ịphen phọ mị ạtuan bọ kụ aagho bọ nyịna ọda ẹmha phọ ịduon: mọ eḍighieen phọ mị aḍighi bọ nyịna keḍeenaan ịikpo phọ ạmi, aḍien phọ ạmi eeleghaan oomo aḅirini phọ.”

Bụo aGaletia 3:22

Kụ ạḍinya iigbia phọ mẹḅem mọ oomo aḅirini phọ odi edoghola ạsipioghom, pịdi bụlo omeeraam ọmoogh ḍịseph phọ Ẹnaan eguanaan bọ bụphe omeeraam bọ Jịzos Kraist.

Bụo aGaletia 3:6

Ẹkigh ịdipho ạḍinya iigbia phọ ẹghaaph bọ ịlo Ebraham mọ, “Ọdi ameeraam ni Ẹnaan kụ loor esi omeeraam mọ ọdi, kụ Ẹnaan ẹsighe nyọdi mọ oye aruukuan ni.”

2 Timoti 3:16

Ẹnaan kụ iphum ghan we mọ ọge oomo phọ ịpe edi bọ sịphe Ạḍinya Iigbia phọ. Ịphen phọ ẹnighe ọtughemiom ghan igey phọ, rꞌọḅaam ghan ạbulo oḍighi ịkaraph, rꞌoolemiom ghan ịlo ẹpioman, rꞌoromoghiom ghan ịlo ạdol dị ẹkpe ọrol,

Jems 2:24

Tọ nyina mẹmiin mọ Ẹnaan rẹtuan ghan iiḍighi dị ẹḅaram omeeraam kụ kẹsighe mọ ọphon oye aruukuan ni, rẹ́tuan ghan omeeraam mọ bịn.

1 Pita 2:6

ịdi eḍighi bọ ạḍinya iigbia phọ ẹḅem ni mọ, “Ịnaghan, mị ạsaḅar ri ẹko ogbo dị ẹman ịyaar ragim ẹpe Zạyon, kụ oye lọ ameeraam nyọdi kạ́moogh mabi.”