Jems 2:21 - Ạḍinya Iigbia

²¹ Ẹnaan ịtuan ika kụ ẹsighe bọ Ebraham ọde phọ ayira mọ oye aruukuan phọ? Ịtuan dị ọdi ạsighe bọ Ạizik ọony phọ ọdi ạphighironom ẹkia phọ.

Jems 2:21 Iomraidhean Croise

Ạsuor 143:2

Kúseere ịmi otelhedom ạna esi oḅiligha ophogh; oye ólho dị mạar ụ́piom ghisigh ạna.

Azaya 51:2

Ịitughian Ebraham ọde ạburude phọ anyina rꞌaSera, ọophi phọ nyina ẹḍua bọ emite. Mem dị mị ạmagh Ebraham, ọdi mọony ọ́moogh, kụ mị ạngo nyọdi ḍịseph ạngo nyọdi nmụny. Mị aḍighi ịdi ạnmuny ọdi oḍiza.

Matiu 12:37

Kọsighe ni ikpo ọnhu phọ ạna kụ osophom ịiruen asiph rꞌakeel ọngo nyịna.”

Matiu 3:9

Kéḍuom ologhi Ebraham ọde phọ ayira. Boonaan Ebraham kạ́tol, mem dị nyina eḍighi ịkaraph. Mị rịḅeni ni inyina mọ Ẹnaan ketue ni ẹsighe sighiigh phọ ịphen eḍighi nmụny ẹngo Ebraham.

Elegh aLuk 1:73

Esi ịyo phọ ọdi aghiran bọ ọde phọ ayira Ebraham, ọphel ayira ọsighe ḍịghaagh ẹpomoghian phọ ayira, ạḅile bọ ameeraam mọ ooseeny ni nyịno dị rꞌeepuph kị́tol, mọ ọrolom ruukuan rꞌigey ghisigh ọdi esi oomo aghuḍum mọ ayira,

Elegh aLuk 16:24

Kụ ọolha phọ ạlooghi ạmagh mọ, ‘Ebraham, nạ ọde. Ụnma ịmi ighirigiir arom Lạzaros, mọ ạsighe izon ạghunugh ọdi ạtophori mụum, aru ạḅoromiom nem ạmi, esi dị mị rạmiinom sịen ạnian phọ.’

Elegh aLuk 16:30

Ọdaam phọ ạḅem mọ, ‘Eeye, Ebraham nạ ọde. Oye ạḍua ọmar iḍim kụ ạghi aroma bịdi pọ konme ni eḍighinom ịyaar phọ ạbidi.’

Elegh ạJon 8:39

Kụ bịdi mọ, “Ebraham kụ ọde ayoor.” Kụ ạJizos ạḅeni bịdi mọ, “Eḍighi ịyaar dị nyina eḍighi bụo ẹemara Ebraham, nyina mịtuugh ni iiḍighi phọ Ebraham kụ eḍighi aani.

Elegh ạJon 8:53

Nạ ragbi mọ nạ kụ upu Ebraham ọde phọ ayoor amugh bọ ni ḍụghum? Nạ ragbi mọ nạ kụ upu riil phọ omuughu bọ ni ḍụghum? Nạ phọ ạnhian nụun?”

Iiḍighi 7:2

Kụ aStivin mọ, “We phọ, bumor rꞌạburude ạmi, ịnaghan! Ẹnaan Eghuan phọ iḍeenaan ni loor ọdi Ebraham, ogbogh ọde phọ ayira, mem dị ọdi odi ẹpe Mesopotamia kụ agbi bọ ogheel ạHaran,

Bụo aRom 3:20

Ẹnaan rẹ́tuan ghan ooko ghan Ologh phọ kụ kẹsighenom mọ ọphon oye aruukuan ni. Ologh phọ ghụn rạkiom ghan oye ologhi mọ ọdi maḍighi ịkaraph.

Bụo aRom 4:1

Yira kọkaaph eeghe ịlo Ebraham, ogbogh ọde phọ ayira sịen ade awe phọ?

Bụo aRom 4:12

Ọdi phọ kẹn kụ ọde ạbuphe moḍuna yogh bọ, ọ́tuan mọ bịdi oḍuna yogh phọ bịn, ạtuan ghụn dị bịdi ọtuugh odi aani dọl omeeraam mọ Ebraham ogbogh ọde phọ ayira ạrol bọ kụ agbi bọ osopha oodu phọ.

Bụo aRom 4:16

Ẹnaan ịsighe omeeraam kụ eḍighi zin oguan phọ, ọbo ọdi ạkparami oguan phọ ạngo oopho bụo ẹemara phọ Ebraham, kạ́buphe rooko ghan bọ Ologh phọ bịn, ọḅaram ni bụphe odi aani bọ dọl omeeraam mọ ịdipho Ebraham. Kụ esi egbodo Ẹnaan phọ ọdi ameeraam bọ, ẹpe rẹngo ghan bọ ghuḍum bụlo momuughu, ẹḅile bọ rẹkaaph ghan ịlo ạraraar dị edi ghisigh mụdi meru ni eten, ịdi eḍighi bọ Ebraham kụ ọde aruwaloor oomo phọ ayira.

Bụo aHibru 11:17

Omeeraam kụ aḍighi bọ ịyaar phọ Ebraham ạsighe bọ Ạizik ọony phọ ọdi ọphighironom ẹkia, mem mọ Ẹnaan ẹwa bọ olegheri ologhi phọ ọdi. Ebraham kụ ọdi Ẹnaan eguanaan bọ ni oguan phọ, kụ ạnyaaghian ni ọsighe ogina ọony phọ ọdi ọphighironom ẹkia.

Jems 2:18

Ịdipho oḍighom ịyaar kụ ooni oye ạḅem mọ, “Nạ ạmoogh omeeraam, kụ mị ạmoogh iiḍighi,” mị kạpagharanaan mọ, “Uḍeenaan ịmi omeeraam mọ ạna dị iiḍighi ụ́ḅaram. Iiḍighi phọ ạmi kụ keḍeenaan nyịna omeeraam mọ ạmi.”

Jems 2:24

Tọ nyina mẹmiin mọ Ẹnaan rẹtuan ghan iiḍighi dị ẹḅaram omeeraam kụ kẹsighe mọ ọphon oye aruukuan ni, rẹ́tuan ghan omeeraam mọ bịn.

Josua 24:3

Kụ mị ạsighe Ebraham ẹpe ḍịeri phọ ạḍighaagh Ọphiiny aYufratis kụ ạsighe nyọdi arelhiom oomo ade phọ aKenan. Kụ mị ạbughe ọophi ọdi, kụ mị ạngo nyọdi Ạizik,