Jems 2:19 - Ạḍinya Iigbia

¹⁹ Nạ ameeraam mọ edi bọ eniin Ẹnaan. Ii, ịduon phọ ni. Kụ aruru bịn elegheri aani ni ịphen phọ reekpeka ghan.

Jems 2:19 Iomraidhean Croise

Azaya 43:10

“Weye Ịzirel, nyina kụ ạbugbaanaan ạmi; mị ịsaḅar ri inyina oḍighi abutelhedom ạmi, ẹrol dị nyina ilegheri ịmi ẹḅile imeeraam ịmi kụ elegheri mọ mị bịn kụ Ẹnaan phọ. Emuton ịmi ẹnon ẹnaan ílho, kẹ̋rol ghan kụ kẹ́tol li.

Azaya 44:6

Ọmoogh-we phọ ọpo ạda bọ kụ raako bọ Ịzirel, Ọmoogh-we oomo ịikpo phọ kụ rạḅem ghan ịduon: “Mị kụ ọḅel, okureriom mọ kụ egina Ẹnaan; ẹnon ẹmugh ílho ipel ịmi.

Azaya 44:8

Kẹ́moogh oghiilaan, we ạmi! Nyina elegheri mọ kꞌageedi kụ ẹteeny nyịidipho mị mạmiin ni uḍien oomo ịpe kemite bọ kụ nyina ạbugbaanaan ạmi. Ẹnon ẹmugh edi ni ḍụghum? Ẹnon ẹmugh dị ẹmoogh ịnyaam dị mị kọ̋naghan edi ni ḍụghum?”

Azaya 45:6

Mị raḍighi ịphen phọ ẹrol dị tọrobo oye, emiigh eniin eekuna aḅirini phọ kụ esi nyẹeri phọ, alegheri mọ mị kụ Ọmoogh-we phọ kụ mọ ẹnon ẹmugh ílho.

Azaya 46:9

Ịitughian ịpe emite bọ mem dị mebia; imeeraam mọ mị bịn kụ Ẹnaan kụ mọ ọnon ólho dị ụghigh ịmi.

Jona 4:4

Ọmoogh-we phọ ạphagharanaan mọ, “Eeghe ọdo ariliom kụ edianaan nyịna ọghagh ologhi?”

Jona 4:9

Kụ Ẹnaan ẹḅeni nyọdi mọ, “Eeghe ọdo ariliom kụ edianaan nyịna ọghagh ologhi ịlo ẹezupha phọ?” AJona ạphagharanaan mọ, “Mị ạmoogh ni riliom ophin ologhi — ophin ologhi dị ạkpe omughom!”

Zẹkaraya 14:9

Kụ Ọmoogh-we phọ agbi ọda oomo phọ ade phọ; tọrotoro oye kạaḅereghi ni nyọdi ịdipho Ẹnaan ạḅile alegheri ḍien phọ ọdi eniin phọ elegheriom mọ.

Matiu 8:29

Kụ bịdi ọlooghi mọ, “Nạ Ọony phọ Ẹnaan. Nạ rụwa ghan iyoor eeghe ịyaar? Nạ uru ọmiine ayoor kụ egbi ọteeny amem mọ ḍụghum?”

Elegh ạMak 1:24

“Jịzos, ọnyo ạNazeret, nạ rụwa ghan iyoor eeghe ịyaar? Nạ uru ophiemi ayoor ḍụghum? Mị alegheri ni oye dị nạ aru. Nạ kụ oye aghuḍuul phọ kꞌẸnaan.”

Elegh ạMak 12:29

Kụ ạJizos ạḅem mọ, “Ọkaraghi ogbogh phọ, ọphon mọ, ‘Weye Ịzirel, mịmagh! Ọmoogh-we Ẹnaan phọ ayira bịn kụ Ẹnaan.

Elegh ạMak 5:7

kụ ạlooghi kpoghoogh kpoghoogh kụ ạḅem mọ, “Jịzos, nạ Ọony Egbogh Ẹnaan phọ, nạ rụwa ghan ịmi eeghe ịyaar? Mị asipha nyịna ḅạphanya esi aḍien phọ Ẹnaan, ịmi kụ́miine,”

Elegh ạMak 7:9

Kụ ạJizos ạḅile ạḅeni bịdi mọ, “Ị́kpianaan bọ ika esi anyina ọgumom ọman iilogh phọ Ẹnaan, kụ ooko ghan eḍighinom ịyaar phọ anyina.

Elegh aLuk 4:34

“Jịzos ọnyo ạNazeret, nạ rụwa ghan iyoor eeghe ịyaar? Nạ uru ophiemi ayoor ḍụghum? Mị alegheri ni oye dị nạ aru. Nạ kụ oye aghuḍuul phọ kꞌẸnaan.”

Elegh ạJon 17:3

Kụen kụ aghuḍum kꞌagee-pọ phọ mọ bịdi olegheri nyịna egina ọkaraghi Ẹnaan phọ, ḅịle rꞌạJizos Kraist phọ nạ kụ arom bọ.

Iiḍighi 16:17

Kụ ọphon phọ ạdaph ghan Pọl rꞌayoor ạlooghi ghan mọ, “Awe phọ ạbuen phọ, ạrebene Egbogh Ẹnaan phọ, dị riḍeenaan inyina reten ọmoogh ạpeleeny.”

Iiḍighi 19:15

Kụ ọkaraph uwaloor phọ ạḅeni bịdi mọ, “Mị alegheri ni Jịzos, ạnaghan ịlo ạPol, kụ nyina phọ — ạbuanhian?”

Iiḍighi 24:25

Mem dị ọdi ạghaaph bọ ịlo oḍighi aruukuan, rꞌọphamaghan aloor, rꞌaḍio ịiruen ịlo oye rꞌoye, kụ aruugu asiph Fẹliks kụ ạḅem mọ, “Ḅịle aḅula ẹpe otu ikoli phọ, tụtu ẹteeny mem lọ mị ạmoogh eepoogh kụ mị ạḅile ạmagh nyịna.”

Bụo aRom 3:30

Ẹnaan phọ eniin kụ ọdi kạtuan omeeraam ạbuo aJu phọ kụ ạsighenom mọ bịdi awe aruukuan ni, ḅịle kẹn kạtuan omeeraam aruuruen phọ kụ ạsighenom mọ bịdi awe aruukuan ni.

1 Bụo ạKorint 8:4

Ọḅile nụun ophogh malhe ịsaraghi phọ! Yira olegheri ni mọ ạnmuny aghuḍuul phọ ị́moogh ḍiphooghu. Yira olegheri ni mọ edi bọ eniin phọ Ẹnaan bịn.

1 Bụo ạKorint 8:6

yira ọmoogh bọ eniin Ẹnaan bịn, Ọde phọ ạlhemogh bọ oomo ạraraar phọ, ọpo roḍighi bọ oḍighi phọ kọngo; ḅịle kẹn yira ọmoogh bọ oniin Ọmoogh-we ạJizos Kraist, ọpo ọtuan bọ kụ ọlem oomo ạraraar phọ, ọpo aḍighi bọ ịyaar phọ yira odi bọ.

Bụo aGaletia 3:20

Kụ Ẹnaan isomoghi ni Ebraham kụ ẹngo bọ oguan phọ. Oye ómeera enye.

Dutoronomi 6:4

“Ịnaghan, nyina awe Ịzirel, Ọmoogh-we Ẹnaan phọ anyina, oniin Ọmoogh-we.

1 Timoti 2:5

Edi bọ eniin Ẹnaan; edi bọ kẹn oniin oye dị ạmeera enye ogbo Ẹnaan rꞌawe. Oye phọ ọpo phọ ạJizos Kraist

Jems 2:8

Nyina ẹkuami ghan ni eeko ọkpana ologh phọ ọpo odi bọ pạ ạḍinya iigbia phọ mọ, “Pọmoghian ọnon oye ịdipho aloor phọ ạna,” pọ nyina reḍighi ni igey.

Ạḍinya dị aJud ạge 1:4

Buniin awe dị Ẹnaan úlegheri momian oḍigh ogbo phọ ayira. Bịdi mọsighe dom mọ Ẹnaan ẹḅem bọ mọ yira mokpetenaan iilogh phọ otene dọl ipesi rokel ghan Jịzos Kraist ogina Ọmoogh-we phọ rꞌỌde-otu phọ ayira. Mebia ni Ạḍinya Iigbia phọ ẹghaaph bọ emitiom ịlo ạghelhe phọ ạkuen mạteeny bọ bịdi.

Ạḍinya dị aJud ạge 1:6

Ịitughian buniin ạruukpaany phọ Ẹnaan, bụphe ụ́tuugh bọ ịikpo phọ ọngo bọ bịdi kụ ọrolom, kụ ọḅile bọ oghelogh marugh phọ ạbidi. Ẹnaan mẹsighe izime dị kẹtol li kꞌagee-pọ ẹkasaghiom bịdi, ẹlogh ọkikiph ufiri okoriom ghan aḍigbogh aḍio ịiruen phọ.

Ogonanami Phọ 20:10

Kụ oroph Eru phọ eekeleghi bọ bịdi osumeeny ọodu ạnian rꞌạsolfa phọ mọ ạtuan elhom ẹnam mọ rꞌoyil ọkpe phọ ọphur bọ osumeeny. Kụ kọmiine ni bịdi ḍughul rꞌootaany kꞌagee-pọ kꞌagee-pọ.