Jems 2:18 - Ạḍinya Iigbia

¹⁸ Ịdipho oḍighom ịyaar kụ ooni oye ạḅem mọ, “Nạ ạmoogh omeeraam, kụ mị ạmoogh iiḍighi,” mị kạpagharanaan mọ, “Uḍeenaan ịmi omeeraam mọ ạna dị iiḍighi ụ́ḅaram. Iiḍighi phọ ạmi kụ keḍeenaan nyịna omeeraam mọ ạmi.”

Jems 2:18 Iomraidhean Croise

Bụo aRom 14:23

Eḍighi mạar dị ọdi ạmoogh okaphian oomiigh ịlo ịyaar phọ ẹpe ọdi alhe bọ, pọ Ẹnaan mephume nyọdi erugh, ịdi eḍighi bọ ọdi ọ́sighe omeeraam mọ ọdi kụ aḍighinom. Tọrobo ịyaar lọ ụ́sighe omeeraam kụ oḍighinom, pọ ịkaraph.

Bụo aRom 3:28

Yoor ọwa ọmiin mọ Ẹnaan rẹtuan ghan omeeraam kụ kẹsighenom mọ ọphon oye aruukuan ni, rẹ́tuan ghan oḍighi ghan ịtooghi Ologh phọ aMozis.

Bụo aRom 4:6

Ẹphen kụ ẹmhu ọghaaph phọ aDevid ạghaaph bọ ịlo iboh oye phọ ọpo Ẹnaan ị́tuan bọ iiḍighi kụ ạalam bọ mọ oye aruukuan ni:

Bụo aRom 8:1

Loor ịphen phọ, apum nyịidipho ólhoonaan mun bụphe mọḅophoghan bọ Jịzos Kraist,

Bụo aRom 9:19

Iini oniin ọnyo anyina kụḅeni ni ịmi mọ, “Ịphen phọ eru ni ịne, Ẹnaan kekol bọ eeghe kụ ẹḍagha ghan oye? Ạnhian nụun kụ katue bọ ạmerenyan ịitughian phọ ọdi?”

1 Bụo ạKorint 13:2

Mọ mị ạmoogh ruunmo dị kịsiiny ghan ịmi ọghaaph ghan ịpe Ẹnaan egananami bọ, ḅịle rꞌịlo ọnaghanan oomo ạraraar ịbooghian, rꞌolegheri ghan oomo ạraraar ḅịle rꞌịlo ọmoogh omeeraam dị ạkasian oruphom aruugum kụ mị ẹphomoghian ụ́moogh, pọ mị oopho ịyaar ri bịn.

2 Bụo ạKorint 5:17

Oye phọ raḍighi ghan omoom, mem lọ ọdi mạḅophan aKraist. Igbaany phọ meten, imoom meru.

2 Bụo ạKorint 7:1

Iiḅi asiya, ịduon muguanaan bọ iyira ruguan phọ ịphen, owopha loor ayira ọsighe oomo ịkaraph lọ aruzu phọ rꞌaruwaloor phọ ayira mẹbiphigha, ọrol ghan dọl ọlogh ghan eegu Ẹnaan phọ, kụ ọwaam ghan ịdi yira kookuan oseleman ọmadan!

Bụo aGaletia 5:6

ịdi eḍighi bọ, ịdipho yira mọḅophoghan bọ Jịzos Kraist, ọgbaranaan ólho mun esi ạbulo oḍuna yogh rꞌạbulo odimom oodu. Omeeraam dị rọmiin ghan esi ẹphomoghian kụ aḍighi ghụn ephigh.

1 Timoti 1:5

Ẹmhu phọ mị ạtu bọ kụ rạkaaph ịphen phọ, ịlo ọghologholomi ẹphomoghian phọ ẹpe rẹḍua ghan bọ ophooph ologhi rꞌigey ịitughian, rꞌomeeraam dị ụ́ḅaram iguegue, kụ kemite.

Tạitos 2:7

Nạ rꞌaloor ạna, esi oomo areten ḍighi ni oye dị ạbunon awe kọtuughaany iiḅi iiḍighi phọ ạna. Kạ́amo ghan ọghaaph. Gbononomi ghan ạḅile ạmanami ịyaar esi ịtughemi phọ.

Bụo aHibru 11:31

Omeeraam kụ aḍighi bọ ịyaar phọ úkiigh aani bọ Rehab oliom ẹmha phọ, ịdipho ạbuphe ụ́naghanan bọ Ẹnaan, ịdi eḍighi bọ ọdi ạlogh ni otu we phọ oru bọ iḅiligha phọ.

Bụo aHibru 11:33

Bụphe ọsighe bọ omeeraam eenan rụmhu ạrama, bịn ọkpar opuughi. Bịdi ụpham ni we phọ ịlo aghuḍuul, kụ ọmoogh bọ ịpe Ẹnaan eguanaan bọ. Bịdi ụkasaghi ni rụnhu ạnam-dịka,

Bụo aHibru 11:6

Oye dị ụ́moogh omeeraam kátue ạḅaalami ologhi Ẹnaan. Oye lọ ratu otuman Ẹnaan kameeraam mọ Ẹnaan edi ghan ni, ẹḅile ghan reenmo ruunmo bụphe ọsighe bọ oomo ologhi phọ ạbidi kụ rọwaam bọ nyọdi.

Jems 2:14

Bụo asiya ạmi, eeghe ạsuo kụ odianaan oye dị ạḅem mọ ọno ạmoogh ni omeeraam, kụ eḍighinom ịyaar phọ ọdi ị́ḅophan? Ọdo phọ omeeraam mọ ọpo kạpel li nyọdi ḍụghum?

Jems 3:13

Mọ uwo ologhi odi ni ogbo phọ anyina, pọ aḍeenaan esi egey ẹrolom rꞌosooromi aloor sịphe iiḍighi olegheri ịyaar phọ ọdi!