Jems 2:17 - Ạḍinya Iigbia

¹⁷ Ịduon nẹneen kụ ịdi omeeraam mọ ạrol: omeeraam dị ogey oḍighi ụ́ḅaram, pọ oomugha omeeraam dị ụ́moogh mạar oḍighinom.

Jems 2:17 Iomraidhean Croise

1 Bụo ạKorint 13:13

Nyịidipho ịraar ạraraar phọ ịphen kụ ịmeera: omeeraam rꞌoḍuom ologhi rꞌẹphomoghian, kụ ẹphomoghian kụ ipu oomo phọ ịne.

1 Bụo ạKorint 13:3

Mị atue ni ạsighe oomo ạraraar lọ mị ạmoogh aḍighinom iiḅi ạman, ạḅile kẹn ạngo loor ạmi mọ oguom nịan, kụ mị ẹphomoghian ụ́moogh, pọ ạsuo ịmi úlhoonaan.

Bụo aGaletia 5:6

ịdi eḍighi bọ, ịdipho yira mọḅophoghan bọ Jịzos Kraist, ọgbaranaan ólho mun esi ạbulo oḍuna yogh rꞌạbulo odimom oodu. Omeeraam dị rọmiin ghan esi ẹphomoghian kụ aḍighi ghụn ephigh.

1 Bụo ạTesalonika 1:3

Ḅịle yoor inyina íwula ghisigh Ẹnaan Ọde phọ ayira ịpe nyina ẹsighe bọ omeeraam kụ reḍighinom, rꞌịpe nyina ẹtuan bọ ẹphomoghian rekumuan, rꞌịpe nyina ẹtuan bọ oḍuom ologhi esi ạJizos Kraist Ọmoogh-we phọ ayira kụ rẹkparam.

1 Timoti 1:5

Ẹmhu phọ mị ạtu bọ kụ rạkaaph ịphen phọ, ịlo ọghologholomi ẹphomoghian phọ ẹpe rẹḍua ghan bọ ophooph ologhi rꞌigey ịitughian, rꞌomeeraam dị ụ́ḅaram iguegue, kụ kemite.

Jems 2:14

Bụo asiya ạmi, eeghe ạsuo kụ odianaan oye dị ạḅem mọ ọno ạmoogh ni omeeraam, kụ eḍighinom ịyaar phọ ọdi ị́ḅophan? Ọdo phọ omeeraam mọ ọpo kạpel li nyọdi ḍụghum?

Jems 2:26

Ịdipho aḍizu lọ uwaloor ị́moogh emugh bọ kụ ịdi omeeraam lọ igey iiḍighi ụ́ḅaram amugh aani ni.