Jems 2:14 - Ạḍinya Iigbia

¹⁴ Bụo asiya ạmi, eeghe ạsuo kụ odianaan oye dị ạḅem mọ ọno ạmoogh ni omeeraam, kụ eḍighinom ịyaar phọ ọdi ị́ḅophan? Ọdo phọ omeeraam mọ ọpo kạpel li nyọdi ḍụghum?

Jems 2:14 Iomraidhean Croise

Jerimaya 7:8

“Ịmiin, nyina ẹsighe emooph anyina ẹkpasi esi ikpo ọnhu areekeleghian.

Matiu 5:20

Mị rịḅeni inyina mọ nyina kéḍigh ọmar phọ kꞌẸnaan, omuton dị eḍighinom ịyaar phọ anyina ẹnighe epu ẹlo ạbutughemia iilogh phọ rꞌaFarisi phọ.”

Elegh aLuk 3:11

Kụ ọdi mọ, “Oye lọ ạmoogh ịyal ạrusuoma ạsighe nyoniin ạngo nyọpo ụ́moogh aani bọ! Uwo ạmoogh eḍien adi aani ghan ạngo.”

Elegh aLuk 6:49

Kụ tọrobo oye lọ ạnaghan ikpo ọnhu phọ ạmi kụ ụ́tuugh uḍighi, mị kạmaaniom nyọdi oye dị ạlogh otu ọdi ạnyu ịisaar dị úguphogh de phọ ụkele kụ aphighi. Kụ aḍigho eḍigh ẹtophoron, kụ otu phọ ameel. Pọ eeghe ọdo emeleghuom dị otu phọ ọpo ameleghu.”

Iiḍighi 15:9

Kụ ọdi ọ́lhogh ọku ogbo ayira rꞌạbidi, ạtuan omeeraam mọ ạbidi kụ awoph iloghi phọ ạbidi.

Iiḍighi 8:13

Kụ ọdi aSaimon rꞌaloor ọdi ameeraam aani ni, kụ rowur nyọdi mụum, kụ ạtuan ghan Filip. Kụ ọdi ạmiin bọ ịiḍaany rꞌareḍeenaan phọ roḍighi yogh bọ, ịpher ri nyọdi.

Iiḍighi 8:21

Nạ rꞌayoor ụ́ḅoph oghuugh, ịdi eḍighi bọ ologhi ạna ọ́nighe esi Ẹnaan.

Bụo aRom 2:25

Nạ raako ghan Ologh phọ aMozis, pụruku oḍuna phọ ạna aḍeenaan mọ nạ maghiran ịyo rꞌẸnaan. Ịdipho ílho, pọ nạ odimom ni oodu.

1 Bụo ạKorint 15:2

Ooḅi ọghaaph phọ ọphon kụ rịphel ghan bọ inyina dị omeeraam mọ anyina ạmeera bọ zim, emuton lọ nyina epu ni bịn emeeraam.

1 Bụo ạKorint 16:22

Moruule oye lọ Ọmoogh-we phọ ụ́pomoghian. Mạrana tạ — ịduon phọ pọ Ọmoogh-we phọ ayira, tue.

Bụo aGaletia 5:13

Kụ anyina anyina, bụo asiya, mịmagh inyina mọ ịtol dọl okpetenaan, kụ kẹ́sighe okpetenaan phọ anyina eḍighi ẹkaraph ẹphuom dị kịmoogh inyina. Ẹphomoghian ghụn kụ eḍighi ghan ịdi oniin kaḍighi ghan ẹbene ạngo nyoniin!

Bụo aGaletia 5:6

ịdi eḍighi bọ, ịdipho yira mọḅophoghan bọ Jịzos Kraist, ọgbaranaan ólho mun esi ạbulo oḍuna yogh rꞌạbulo odimom oodu. Omeeraam dị rọmiin ghan esi ẹphomoghian kụ aḍighi ghụn ephigh.

1 Bụo ạTesalonika 1:3

Ḅịle yoor inyina íwula ghisigh Ẹnaan Ọde phọ ayira ịpe nyina ẹsighe bọ omeeraam kụ reḍighinom, rꞌịpe nyina ẹtuan bọ ẹphomoghian rekumuan, rꞌịpe nyina ẹtuan bọ oḍuom ologhi esi ạJizos Kraist Ọmoogh-we phọ ayira kụ rẹkparam.

1 Timoti 1:5

Ẹmhu phọ mị ạtu bọ kụ rạkaaph ịphen phọ, ịlo ọghologholomi ẹphomoghian phọ ẹpe rẹḍua ghan bọ ophooph ologhi rꞌigey ịitughian, rꞌomeeraam dị ụ́ḅaram iguegue, kụ kemite.

1 Timoti 4:8

Areephegh ọzaamian aloor ẹmoogh ni ịyaar oḍighinom mọony ekulha amem kụ oḍighi ọzaamiom uwaloor phọ kụ ạmoogh sụo esi oomo areten, ịdi eḍighi bọ ọphon phọ kụ raḍighinaan oḍighi ghuḍum mọ ạkuen ạnyiidipho rꞌạkuphe ratu bọ.

Tạitos 1:16

Bịdi rọḅem ghan mọ bụno olegheri ni Ẹnaan, kụ eḍighinom ịyaar phọ ạbidi íḍeenaan. Bịdi awe dị moghel, ọḅile ọḅaar ẹmhu, dị rꞌeniin egey ịyaar lọ kotue oḍighi ílho mun.

Tạitos 3:8

Ọphon phọ ogey ọghaaph ni. Mị rạwa ni mọ kạaph ni rạraar phọ ịphen ạkpaariom, pịdi bụphe omeeraam bọ Ẹnaan ozuumaam iiḅi iiḍighi phọ oḍighi ghan. Ịphen phọ ẹnighe ni, ẹḅile kẹn ni ẹmoogh ịyaar oḍighinom esi awe.

Bụo aHibru 11:17

Omeeraam kụ aḍighi bọ ịyaar phọ Ebraham ạsighe bọ Ạizik ọony phọ ọdi ọphighironom ẹkia, mem mọ Ẹnaan ẹwa bọ olegheri ologhi phọ ọdi. Ebraham kụ ọdi Ẹnaan eguanaan bọ ni oguan phọ, kụ ạnyaaghian ni ọsighe ogina ọony phọ ọdi ọphighironom ẹkia.

Bụo aHibru 13:9

Kémeera ọdo kịrokiro ịtughemi irorori inyina ẹgbole egey eten phọ. Ẹkpe ni dị ọnma ighirigiir phọ Ẹnaan kụ kạkparami ruwaloor phọ ayira, kóoko ghan iilogh ịlo amalhe. Bụphe ooko ghan bọ iilogh phọ ịphen ụ́moogh sụo.

Jems 1:16

Iiḅi asiya ạmi, kéekeleghian loor anyina.

Jems 2:16

ị́kpianaan bọ ika ọḅeni ạbidi mọ, “Ẹepho rꞌedughom ịrolonaan inyina! Imuuna rukpe aloor anyina ẹghologhol! Ile ịpherogh!” dị nyina bịdi eḍien rꞌoonmenemineen ị́ngo?

Jems 2:18

Ịdipho oḍighom ịyaar kụ ooni oye ạḅem mọ, “Nạ ạmoogh omeeraam, kụ mị ạmoogh iiḍighi,” mị kạpagharanaan mọ, “Uḍeenaan ịmi omeeraam mọ ạna dị iiḍighi ụ́ḅaram. Iiḍighi phọ ạmi kụ keḍeenaan nyịna omeeraam mọ ạmi.”

Jems 2:26

Ịdipho aḍizu lọ uwaloor ị́moogh emugh bọ kụ ịdi omeeraam lọ igey iiḍighi ụ́ḅaram amugh aani ni.

2 Pita 1:5

Loor ẹmhu ekpo phọ ẹphen phọ, ịkparami ḍịghaagh ẹmoogh iiḅi ạroozo ẹḅaram omeeraam mọ anyina, ẹmoogh olegheri ịyaar ẹḅaram iiḅi ạroozo phọ,