Jems 2:13 - Ạḍinya Iigbia

¹³ Ilegheri mọ oye lọ rạ́nma ghan bụnon ighirigiir, mem ịiruen phọ Ẹnaan nyọdi ighirigiir kẹ́nma. Ọnma ghan ighirigiir kụ rezuoghom ghan ịiruen.

Jems 2:13 Iomraidhean Croise

Emiighom 42:21

Oniin ạḅeni nyoniin mọ, “Erugh iphum ni iyira ageny, ịlo ekpisi umor phọ ayira. Yira ụmiin ni ịdipho rẹeḅaghami bọ ologhi phọ ọdi, mem mọ dị ạsighe bọ ologhi ạghusan kụ ụuḅereghiom bọ iyira kụ yira ụ́naghan bọ. Ịphen kụ ịkom bọ ịiḅaghami phọ ịphen risoroghuom bọ iyira.”

2 Krọnikuls 28:11

Iler rụru ẹnaghan! Awe phọ ạbuen phọ osiphi bọ abumor alephiri rꞌạnmariir anyina. Ịbile bịdi ogheel, ọbo Ọmoogh-we phọ kịliom inyina rꞌophin ologhi.”

Ạsuor 18:25

Ọmoogh-we, nạ rábi ghan weye lọ omeeraam nyịna agey, nạ ạkar ạnighe esi ạbuphe oseleman bọ.

Ạsuor 85:10

Ẹphomoghian rꞌomeeraam kụ ẹḅophan; aruukuan rꞌẹepho keezuanaan ni.

Asidogh 21:13

Eḍighi ịyaar dị nạ úmeera ọnaghanan emoghi arukulom, nạ amoghi ọloghonaan ạḍighaagh oye kạ́naghan.

Asidogh 22:16

Nạ ạngo ruunmo we dị ọmoogh, mụghumo ạgbiphoghom rukulom kụ oḍighi ogbogh, nạ rꞌaloor kameel li ekulom.

Azaya 27:11

Ịla ireeny phọ mẹgharaghar kụ eḅonyonu, kụ ạnmariir ọso eḍighi ịpe ạnian. Loor esi dị awe phọ ịyaar kőlhegheri bọ, Ẹnaan Ọlemia phọ ạbidi kạ́nma bịdi ighirigiir ḅịle kạ́seenyaan bịdi.

Jerimaya 9:24

Eḍighi ịyaar dị oye rạwa obaga, pọ abaga mọ ọdi ulegheri ni ịmi ạḅile ụnaghanan ịmi, loor esi dị ẹphomoghian phọ ạmi rénmia ghan, ḅịle kẹn mị raḍighi ghan ịpe eḍighi bọ elhiom ẹḅile esel. Ịphen kụ ạraraar dị ịḅeeraan ịmi. Mị Ọmoogh-we phọ kụ mạḅem.”

Izikiel 33:11

Ḅẹni bịdi mọ agey ni ịduon mị Ọmoogh-we dị ạmoogh oomo ịikpo aru bọ Ẹnaan dị edi ghan, ịmi ị́ḅeeraan ọmiin mọ oḍighinom ịkaraph amugh. Kịḅeeraan ghụn ịmi ọmiin mọ ọdi ạbile oḍighi ghan ịkaraph phọ kụ ạtol. Weye Ịzirel, ịbile ịkaraph phọ nyina reḍighi ghan bọ. Eeghe kụ nyina rẹwa bọ omugh phọ?

Maika 7:18

Ẹkaaneen ẹmugh ílho dị ẹghigh nyịna, Ọmoogh-we. Nạ ụsar ịkaraph awe ạna ạwilenaan bụphe okpetenaan bọ. Nạ rạ́tolom ghan rꞌophin ologhi kꞌagee-pọ, kụ nạ ạmoogh ḍịḅeeraan oḍeenaan ghan ẹphomoghian oomo amem.

Matiu 5:7

Iboh kꞌẸnaan edianaan ni bụphe rọnma ghan bọ ighirigiir phọ; Ẹnaan kẹnma ni bịdi ighirigiir.

Matiu 6:15

Kụ nyina ị́bilenaan ghan bụnon awe lọ iḍighi inyina ịkaraph, pọ Ọde phọ anyina kạ́sar ịkaraph ịwilenaan inyina.”

Elegh aLuk 16:25

“Ebraham ạḅeni ni ọolha phọ mọ, ‘Mọony phọ, tụutughian mọ ạdol ạna ịnighe ni mem mọ nạ kőmugh bọ, ạdol ạLazaros kụ eeph mem mọ ạrol bọ, kụ ẹphen ọdi odi dọl igey kụ nạ odi dọl ịminimiin.

Elegh aLuk 6:37

“Nyina íigboonaan ịiruen bụnon, Ẹnaan inyina ịiruen kíigboonaan. Nyina ị́ḍagha bụnon, Ẹnaan inyina kị́ḍagha. Ịsar ghan ẹwilenaan bụnon, Ẹnaan kẹsar ghan ni ịwilenaan inyina.

Jems 3:17

Esi omiighom, ịyaar rẹ́biph ghan olegheri ịyaar phọ ọpo ạḍua bọ kꞌạke kụ aru, ḅịle kẹn sighiton rạ́wa ghan. Rạnma ghan ghụn ighirigiir kạmoogh eeḅi ẹzo rꞌigbiririph, kụ kamuum iimuma igey iiḍighi. Ọ́moogh ịiseeny rꞌọkulakula ologhi.

Jems 5:4

Nyina kẹ̋kpeeghi ikpoki ạbuo iiḍighi iizo phọ anyina. Ịnun phọ ạbidi, nyina kẹ̋naghanan. Kụ emoghi ạbuo ibugha phọ meḍigh reḅeri Ẹnaan oomo ịikpo, Ọmoogh-we phọ.

Bụo Ịiruen 1:7

Kụ Adoni Bezek ạḅem mọ, “Oḍualdi ạbudaam dị oogbo sụnugh ạraghaagh ạbidi rꞌigbogh ạsunugh aruwol ạbidi ụson ghan ni ịpherepe eeḍian ịdaabili ạmi. Ịpe mị aḍighi bọ kụ ịdi Ẹnaan mẹsighe ẹtuugh rịkpiom ịmi.” Kụ bịdi ọpham nyọdi ọghi osiom Jeruselem, kụ ọdi amugh ẹpe.

Bụo Ịiruen 5:27

Kụ oye phọ ạghororo bịn akpuḍughian ạwophian sịphe aruwol ạnir phọ, sịphe aruwol phọ ọdi oye phọ aḅololo bịn amugh.