Jems 2:10 - Ạḍinya Iigbia

¹⁰ Oye lọ ạka ghạlamo rꞌoniin ologh phọ pọ masoroghu ni oomo phọ ịdi.

Jems 2:10 Iomraidhean Croise

Jerimaya 32:23

Kụ mem dị bịdi osi sịen ade phọ ạḍien rọmoogh, bịn bịdi ụ́naghanan mun ịtooghi phọ ạna, ụ́ḅile ụ́daph ịtughemi phọ ạna; bịdi úḍighi rꞌeniin ịyaar lọ nạ ạto ạḅeni bịdi mọ oḍighi. Loor ịduon phọ kụ nạ ạsighe oomo oogulaan phọ ọphon aruomaan bịdi.

Bụo aGaletia 3:10

Bụphe oghuraam bọ ooko ghan Ologh phọ odi dọl itulughian, ịdi eḍighi bọ ạḍinya iigbia phọ rẹḅem ghan mọ, “Tọrobo oye lọ ráako ghan oomo phọ ịpe ọge bọ sịphe ạḍinya Ologh phọ, odi dọl itulughian.”

Bụo aGaletia 5:3

Mị ạḅile ni ạḅem rạkpaariom mọ tọrobo oye lọ ạḅile ameeraam oḍuna, pọ malhe ọmugh ooko oomo iilogh phọ aMozis.

Dutoronomi 27:26

“‘Itulughian ẹrolonaan oye lọ úmeeraam ikpo ọnhu iilogh phọ ịphen, kụ ụ́daph raako ghan iilogh phọ.’ “Kụ oomo awe phọ omeeraam ghan kụ ọḅem ghan mọ, ‘Ẹrol li ịdipho.’

Jems 3:2

Oomo phọ ayira rọ́gba ghan mem ọpioman, kụ oye lọ raako ghan nem ọdi aseleman ni kụ katue kẹn ni ạpamaghan oomo aloor phọ ọdi.

2 Pita 1:10

Loor ịphen phọ, bụo asiya, ịkururu ni ẹephaghami ghan oḍuom ologhi phọ mọ Ẹnaan mịmagh inyina ẹsaḅar ẹsighe. Kụ nyina eḍighi ghan ịphen phọ, nyina képe oopho esi.

Ạḍinya dị aJud ạge 1:24

Egina Ẹnaan phọ ẹtuan bọ Jịzos Kraist Ọmoogh-we phọ ayira kụ rịphel ghan bọ inyina, kụ riiko ghan bọ ni inyina mọ kẹ́korom emeel phọ, kẹḅile ni ịmeremi ghan inyina rꞌọḍe ghisigh igbogh phọ ọdi, dị nyina keseleman. Kꞌẹḅel egbiom mọ igbogh phọ rꞌeegu phọ rꞌịikpo phọ rꞌịnyaam mọ ịlo ọdi ni, kụ kẹtolonaan ni nyọdi nyịidipho kꞌagee-pọ kꞌagee-pọ. Ẹrol li ịdipho!