Jems 2:1 - Ạḍinya Iigbia

¹ Bụo asiya ạmi, ịduon nyina memeeraam bọ Jịzos Kraist Ọmoogh-we phọ ayira, ọpo ạmoogh bọ eghuan phọ, képogh ghan ọolha epophe, ephogh uwekulom esooromi.

Jems 2:1 Iomraidhean Croise

2 Krọnikuls 19:7

Ịlogh eegu Ọmoogh-we phọ kụ ẹmaar emiighe loor, loor esi dị Ọmoogh-we Ẹnaan phọ ayira rakel bụlo oogbegheḍiom we, rꞌạbulo oḍighan ạga rꞌạbulo ọsighe oti ọman.”

Asidogh 24:23

Awe olegheri-ịyaar ọḅile ọḅem ịduon: Ebeeph ni dị oogboom ịiruen kaḍighan ḍiniin ạga.

Asidogh 28:21

Oḍighan eniin ạga ebeeph ni. Kụ buniin abuugboom ịiruen kọpioman ni ạar ẹnum oti ọman.

Lịvitikos 19:15

“Ụ́sighe ghan akeel útene apum, mem lọ nạ rasoph ọoruen; ụ́sighe ghan akeel uwekulom ụngo ọdaam, kụ sophonaan ghan elhiom ọoruen matuman ạna.

Matiu 22:16

Kụ bịdi orom bụmatuan ạbidi rꞌạbuo ạHerod, mọ ọghi ọteeny Jịzos opuru mọ, “Ọtughemia, yoor olegheri ni mọ nạ oye aruukuan ni. Nạ rápogh ghan oye kạmagh mọ ịyaar ri. Esi ạna oye oye ópu. Nạ ạkar ri rạtughemi ghan reten phọ Ẹnaan.

Iiḍighi 10:34

Kụ aPita ạtagharan ọnhu ọdi kụ ạḅem mọ, “Pụruku mị malhoghoma mọ Ẹnaan rẹ́logh ghan oye ịiseeny.

Iiḍighi 20:21

Mị ụkpaariom aḍeenaan ghan bụo aJu rꞌaruuruen phọ mọ okiton esi ịkaraph phọ ạbidi osoman Ẹnaan, omeeraam Jịzos Kraist Ọmoogh-we phọ ayira.

Iiḍighi 24:24

Asiḍughul-otu reten, kụ ạFeliks rꞌạDrusila ạnir ọdi, ọnyo aJu, oru, kụ ạFeliks arom mọ ọsighe Pọl oru, kụ ạnaghan ịpe ọdi ạghaaph bọ ịlo omeeraam ạJizos Kraist.

Iiḍighi 7:2

Kụ aStivin mọ, “We phọ, bumor rꞌạburude ạmi, ịnaghan! Ẹnaan Eghuan phọ iḍeenaan ni loor ọdi Ebraham, ogbogh ọde phọ ayira, mem dị ọdi odi ẹpe Mesopotamia kụ agbi bọ ogheel ạHaran,

Bụo aRom 1:11

Edi ni ologhi ạmi iboom ọmiin anyina, ọbo mị aḍighi dị nyina kẹmoogh aani ḍịseph phọ Ẹnaan, ẹkparamiom ruwaloor phọ anyina.

1 Bụo ạKorint 2:8

Ọnyo ạbuphe ọdaaghi bọ riisi sịen aḅirini phọ dị alegheri olegheri ịyaar phọ ọphon ọ́rol. Mọ bịdi ulegheri ni, ọbo mụ́kan Ọmoogh-we Eghuan phọ loor oreeny phọ ukiigh.

Dutoronomi 1:17

Íkueni ghan oye mem lọ nyina reegbo ịiruen, ẹnaghanan ghan ịlo ọbam oye rꞌịlo ogbogh oye phọ. Kékiilaan oye, ịdi eḍighi bọ ịiruen ịlo Ẹnaan. Ịpelom inyina ịlo ọghaaph, pọ ịsighe ghan iruom ịmi mị ụkaaph.’

Dutoronomi 16:19

Ị́sighe ghan akeel etene apum; íkiilaan ghan oye; íle ghan ịgara, ịdi eḍighi bọ ịgara reḍighi ghan ịdi ariḍien oye dị alegheri ịyaar keḅomoghian, bịn anme elhiom ịiruen phọ.

Bụo ạKolosi 1:4

ịdi eḍighi bọ yoor mọnaghan ni ịlo omeeraam mọ anyina esi ạJizos Kraist, rꞌẹphomoghian phọ nyina edimom bọ oomo aweye phọ Ẹnaan.

1 Timoti 1:19

Pạm ni ịpe omeeraam mọ ạḅem bọ ạkananaam, ạmoogh iigbia aḅirini. Buniin awe moghel iigbia aḅirini kụ moḍinyighi omeeraam mọ ạbidi mụum ạrada.

1 Timoti 5:21

Mị ạsighe ḍien Ẹnaan rꞌạJizos Kraist rꞌạruukpaany phọ Ẹnaan ẹsaḅar bọ kụ raghiremi nyịna ịyo mọ nạghanan ikpo ọnhu oroma phọ ịphen phọ, kụ tọrobo ịlo nạ raḍighi, kạ́seeghi ghan we.

Tạitos 1:1

Mị ạPol ọokpaany phọ Ẹnaan rꞌotelhedom mọ ạJizos Kraist kụ rạge ḍịnya phọ ạḍien. Ẹnaan kụ ịsaḅar ịmi ọghi ọlhoghonaan ạḍighaagh ọkparami ghan omeeraam ạbuphe ọdi mạsaḅar bọ oḍighi aweye phọ ọdi, ọbo bịdi olegheri igey ịtughemi ịpe ẹḅophan bọ ruukuan phọ rꞌịtughemi ạsiosi phọ ayira,

Tạitos 2:13

kụ okoriom ghan ḍio ọḅaal ologhi phọ ạḍiphe Egbogh Ẹnaan phọ rꞌạJizos Kraist Ọpelia phọ ayira kọpam bọ eegu phọ ạbidi omitiom oganana, ịdipho yira oḍuom bọ ologhi phọ.

Bụo aHibru 1:3

Ọdi rạmuom ghan ḍịḅaal eegu phọ Ẹnaan. Ạroozo phọ ọdi bịn kụ ịkar ẹghigh ịpe Ẹnaan. Ọdi kụ ạsighe bọ ikpo ọnhu ịikpo phọ ọdi rạpamam ghan aḅirini phọ kạmeremi. Ọdi mawoph we phọ ạḅaalami, kụ mạrol ude ḍịghaagh elhiom mọ Ẹnaan Oomo Ịikpo phọ.

Bụo aHibru 12:2

Ọsighe riḍien ayira ogbi loor ạJizos, ọpo omeeraam mọ ayira odi bọ esi ọdi kꞌemiighom mọ tụtu ẹteeny eekuna phọ! Ọdi ọ́tuan mọ kọkan ni nyịno loor oreeny phọ okiigh bịn ọ́wile eghiil phọ. Ọdi ạkpokpoy ni ạghiom ghisigh loor iboh phọ ịpe rekori bọ nyọdi. Ịdipho umugholoor omugh aḍuugh egbo phọ ụ́kigh bọ ịyaar esi ọdi, nyịidipho ọdi mạrol ude kꞌạke ḍịghaagh elhiom ạgada ọdaam ẹmha phọ Ẹnaan.

Jems 1:16

Iiḅi asiya ạmi, kéekeleghian loor anyina.

Jems 1:19

Iiḅi asiya ạmi, ilegheri mọ tọrobo oye ạnuun ghan ni ạnaghanan, ạaḅeghion ghan ikpo ọghaaph kụ ạghaaph, ịyaar ologhi ọdi kị́nuun ghan ịkagh,

Jems 2:3

kụ nyina ẹlogh eghuan ọolha phọ ẹngo nyọdi egey esi ọrol kụ ẹḅeni uwekulom mọ mọ, “Mẹera sịphe. Ẹḅeeraan nyịna, tọl oopho ude utuman ịmi,”

Jems 2:9

Nyina ephogh ọolha ephophe kụ ephogh uwekulom esooromi, pọ nyina mẹpioghom, ḅịle erugh miphum inyina.

Jems 3:17

Esi omiighom, ịyaar rẹ́biph ghan olegheri ịyaar phọ ọpo ạḍua bọ kꞌạke kụ aru, ḅịle kẹn sighiton rạ́wa ghan. Rạnma ghan ghụn ighirigiir kạmoogh eeḅi ẹzo rꞌigbiririph, kụ kamuum iimuma igey iiḍighi. Ọ́moogh ịiseeny rꞌọkulakula ologhi.

2 Pita 1:1

Mị aSaimon Pita, ọnyo oḍighi rꞌotelhedom mọ ạJizos Kraist, kụ ụge ḍịnya phọ ạḍien riruomaan inyina ạbuphe mẹtuan bọ ruukuan phọ ạJizos Kraist Ẹnaan rꞌỌpelia phọ ayira, ẹmoogh aani omeeraam dị mạman ịyaar aalenyan nyọon ayoor.

Ạḍinya dị aJud ạge 1:16

Awe phọ ạbuen phọ roohuum ghan oomo amem kọnughe ẹka bụnon awe. Ịkaraph ạruuphua kụ ịmoogh ghuḍum mọ ạbidi. Bịdi rootuma ghan, ḅịle kẹn roophughemi ghan bụnon ọmooghom ạsuo.

Ogonanami Phọ 14:12

Ịphen phọ regbologh ghan mọ awe phọ Ẹnaan rooko ghan bọ iilogh phọ, ọḅile bọ roseere ghan ologhi phọ ạbidi esi ạJizos, ọmoogh ọkparam.