Jems 1:9 - Ạḍinya Iigbia

⁹ Ẹkpe ni dị uwekulom ọnyo asiya kạmoogh ghan iboh, mem dị Ẹnaan mẹnighemi dọl phọ ọdi.

Jems 1:9 Iomraidhean Croise

Ạsuor 62:9

Oomo awe ọkigh eniin amem aḍiphooghu; abugbogh rꞌạbubam iniin phọ ni, ụ́moogh ịyaar oḍighinom. Ḅạm bịdi ạnyu ọtoom ẹemor, bịdi ịyaar ụ́man; bịdi oophoogh opu ḍiphooghu.

Asidogh 17:5

Nạ ạmilogh uwekulom pọ nạ ạgilaam Ẹnaan phọ ẹlhem bọ bịdi. Kọliom ni nyịna eḍighi mạar dị nạ ạmoogh iboh mem dị ịiḅaghami kụ emitenaan oye.

Asidogh 19:1

Ẹnighe epu oḍighi uwekulom dị ạmoogh iigbia aḅirini rꞌoḍighi uwelologhi dị rạgba ghan ọkpe.

Azaya 29:19

Arukulom rꞌawe dị osooromi loor kọḅile ni ọmoogh ọḅaal ologhi phọ ọpo Ọmoogh-we Oye Aghuḍuul phọ Ịzirel rạngo ghan bọ.

Elegh aLuk 1:52

Ọdi magborion bugbogh ạraalha phọ esi ạsidol phọ ạbidi kụ apophe bụphe mạar ụ́man bọ.

Elegh aLuk 10:20

Kụ ọlo kébo mun mọ ịkaraph aruwaloor phọ rịnaghanan ghan inyina, iboh ghan ghụn ni dị Ẹnaan mẹge siḍien anyina ẹpe kꞌạke.”

Elegh aLuk 14:11

ịdi eḍighi bọ tọrobo oye lọ aphophe loor ọdi kosooromi ni, kụ oye lọ asooromi loor ọdi kopophe ni.”

Elegh aLuk 9:48

kụ ạḅeni bịdi mọ, “Oye lọ ạloghoma ọbumoony phọ ọphon loor ẹmhu phọ ạmi, pọ mụloghoma aani ịmi; kụ ọlo ụloghoma ịmi, pọ ạloghomaam ni nyọpo urom bọ ịmi. Kụ oye lọ ụ́man ịyaar sịen ogbo phọ anyina kụ kaḍighi ogbogh.”

Bụo aRom 8:17

Ịduon yira moḍighi bọ nmụny phọ ọdi, yira kopin aani bin ạḍiseph phọ aseenaan bọ we phọ ọdi. Yira kọḅile kẹn ni ọḅarama Kraist opin aani bin ịpe Ẹnaan eseenaan bọ nyọdi. Eḍighi ịyaar dị yira ophin aani bin ịminimiin phọ aKraist, yira kopin kẹn ni bin eegu phọ ọdi.

2 Bụo ạKorint 6:10

Iloghi ayoor ị́ḅaal li, kụ ạri yoor odi ghan ni oboh ghan iboh oomo amem. Rukulom yoor ri, kụ ạri yoor kụ roḍume bụnon. Rꞌịlo iḍighom iyoor ílho, kụ ạri ịlo yoor ụ́moogh ílho.

Dutoronomi 15:11

Ekulom kémuneen sịphe ade phọ kụ iḍighi kụ mị ạlogh bọ ologh phọ ọphon rịngo inyina: ḅạrion rạghaagh ạna esi umor phọ ạna ọpo ụ́moogh bọ rꞌesi uwekulom mọ ọpo odi bọ sịphe ade phọ.

Dutoronomi 15:7

“Eru mạar dị oniin umor ạna aḍighi uwekulom sịphe eniin ẹmha phọ anyina sịphe ade phọ Ọmoogh-we Ẹnaan phọ anyina rịngo bọ inyina, kạ́mooghom nyọdi ọkaraph ologhi; ụ́kul ghan ḍịghaagh ạna esi uwekulom umor phọ ạna.

Dutoronomi 15:9

Igona siloor anyina. Kẹ́moogh ẹḍim ologhi, ị́ḅem ghan mọ oḍual phọ ạsia phọ ạlha ọsar ọwilenaan phọ rẹebeeph, bịn ạwiliom riḍien uwekulom umor phọ ạna, bịn nyọdi ịyaar nạ ọ́ngo mun, kụ ọdi ạmagh Ọmoogh-we phọ asueniom nyịna, kụ eḍighi ịkaraph esi ạna.

Bụo aFilipai 3:14

Mị agbon oghiil osi aḍiigbu phọ ọbo mị ạmoogh ruunmo phọ Ẹnaan ẹtu bọ kụ rịmagh bọ iyira ogheel kꞌạke, loor ẹmhu ịpe ạJizos Kraist uḍighinaan bọ iyira.

Bụo aFilipai 3:3

Yira kụ ụkaraghi ọghaaph bọ oḍuna, kạ́bidi. Yira phọ rooseeny ghan Ẹnaan ruwaloor kụ kọmoogh ọḅaal ologhi esi ạmuḅoph phọ ayira rꞌạJizos Kraist. ẠJizos Kraist bịn kụ ọdi yira robomaam bọ. Oḍuom ologhi phọ ayira ólho aani sịphe osopha oodu ạnyu phọ.

1 Pita 2:9

Kụ nyina awe dị Ẹnaan mẹsaḅar, ariil ạrikia kꞌọdaam, ạbuo eelhe aruukuan, awe dị Ẹnaan kụ ẹmoogh, mọ ịkaaph emitiom iiḍighi ịiḍaany ọpo ịmagh bọ inyina ẹku ufiri phọ, kụ ịsighe bọ inyina ạlogh ẹku ạḍiikia ạḍiḅaal phọ ọdi.

Ogonanami Phọ 2:9

Mị alegheri ni ịminimiin phọ anyina. Mị alegheri ni mọ ikuom ni inyina kụ, ọmaar ophogh, ịboghoghoom ni inyina. Mị alegheri ni ịkaraph ạsiagba dị bụphe oghophora bọ mọ ạbuno ạbuo aJu phọ rịgbaanaan inyina. Otul phọ ạbidi ọlo aSetan.

1 Sạmuel 2:8

Ọdi kụ rapoophe ghan bọ uwekulom sịphe ophugh phọ kụ ạḅile apoophe nyọdi esi ạdol ịkunu phọ. Ọdi kaḍighi bịdi we dị kotelhian ghan rꞌạnmuny ạbudaam kụ ạḅile asereghi bịdi riisi arughuenian. Oomo phọ ade phọ Ọmoogh-we phọ kụ ạmoogh; ạnyu ade phọ kụ ẹdi ọdi aphighi bọ aḅirini phọ.