Jems 1:8 - Ạḍinya Iigbia

⁸ ịdi eḍighi bọ oomo eḍighinom ịyaar phọ ọdi rẹkporokporo ni.

Jems 1:8 Iomraidhean Croise

1 Ạbudaam 18:21

Kụ Ilaija ạghi ạteeny we phọ Ịzirel, kụ ạḅeni bịdi mọ, “Kꞌạpur amem kụ ẹdi iloghi phọ anyina kẹbile bọ oyeela phọ? Eru mạar dị Ọmoogh-we phọ kụ aru Ẹnaan, pọ ịdaph nyọdi; kụ eru Baal, pọ ịdaph nyọdi.” Kụ awe phọ nyọdi ụ́pagharanaan.

2 Ạbudaam 17:33

Bịdi ooseeny ghan Ọmoogh-we phọ, kụ ooseeny ghan kẹn ọdo kịrokiro aruru phọ bịdi ooseeny ghan bọ ẹpe ạramha phọ bịdi ọḍua bọ kụ oru.

2 Ạbudaam 17:41

Awe phọ ạbuen phọ ughiilaan ghan ni Ọmoogh-we phọ kụ ụḅile ghan ni ooseeny ịkaaghineen ạrumugh phọ ạbidi, bịdi rꞌạnmuny ạbidi rꞌạnmuny ạnmuny ạbidi. Ịdipho ạburude phọ ạbidi oḍighi yogh bọ kụ ịdi bịdi oḍighi yogh aani kẹn.

Ạsuor 119:113

Mị akel bịn ạmadan bụphe ụ́ḅogh bọ loor phọ ạbidi ụ́ngo nyịna, kụ ọlo mị ạpomoghian ni ologh phọ ạna.

Azaya 29:13

Ọmoogh-we phọ ạḅem mọ, “Awe phọ ạbuen okophora mọ ạbuno ruuseeny ghan ịmi, kụ ikpo ọnhu ạbidi ẹmhu ílho kụ iloghi ạbidi edi ni kịro ekpisi. Esi ạbidi ịyaar dị eḍighi ephigh, ọotughian oomo ịtooghi awe kụ ooko ghan eḍighinom ạraraar phọ ịpe awe ooko ghan bọ kꞌamem dị ebia.

Hosia 10:2

Awe phọ ạbuphe iloghi phọ ạbidi ẹḅaram bọ iikeleghian nyịidipho kọmiinom ni loor ịkaraph ạbidi. Ẹnaan kelereghi ni renmeny phọ ạbidi kụ egborion epiemi rọko igbudu iigbia phọ ạbidi.

Matiu 6:22

“Ariḍien phọ ạna kụ ọtozi aloor phọ ạna. Eḍighi mạar dị nạ ạmoogh eeḅi ekpeḍien, pọ oomo aloor phọ ạna ạḍiḅaal kụ imuza.

Matiu 6:24

“Oye ólho dị katue ạdaph ịyal ạburude-otu. Ọdi kạlogh ni nyoniin ḍien, ạpomoghian nyọori phọ. Ọdi kạpamanam ni nyoniin akel nyọori phọ. Nyina kétue ẹḅar Ẹnaan rꞌikpoki kụ ẹdaph.

Jems 1:7

Ọdo oye phọ ọpo kúgbiom ologhi mọ Ọmoogh-we phọ kạngo ni nyịno ịlo ọno ạlom,

Jems 4:8

Iḍuraan etuman Ẹnaan. Ọdi kaḍuraan aani ni ituman inyina. Iwopha yogh ịkaraph phọ anyina. Nyina awe ạsipioghom dị iloghi rẹbal ịyal, iitola yogh rạghaagh phọ anyina, egbuurogh iloghi phọ anyina ẹḅaalami.

2 Pita 2:14

Ẹnon ịyaar dị ẹḅile ẹḅeeraan bịdi epu reepheeny ạnmariir ílho. Ịlo rẹgbaanyan ghan rụuphua ịkaraph phọ ạbidi ílho. Bịdi rọyapha ghan koḍighi ịdi bụo ịyal iloghi phọ komeel ḍiphil. Bịdi mọtuugha ephogh-aḍien ọmaar. Ẹnaan meruule bịdi.

2 Pita 3:16

Sịphe oomo phọ ạrinya phọ ọdi, ịphen kụ ịdi ọdi rạge ghan ni, mem lọ ọdi rạkaaph ekpo ọghaaph phọ ẹphen. Ọdi rạge ghan ni iniin ịgbagara ạraraar rịnya phọ ọdi, dị ạbuphe úlegheri bọ rꞌạbuphe odi bọ ịisoku phọ ronmeeghi ghan rụmhu ọghaaph phọ, ịdipho bịdi roḍighi ghan bọ ịnon ạriikpigh Ạḍinya Iigbia phọ. Ịduon phọ, pọ bịdi oko ghan muphe kụ rọḅamian rụmhu ạbidi.