Jems 1:5 - Ạḍinya Iigbia

⁵ Ọnyo anyina lọ ụ́moogh olegheri ịyaar ạlom Ẹnaan esi ịiḅereghi, kụ Ẹnaan phọ rẹ́ekpukian ghan bọ ọngo inmo oomo aweye kẹngo ni nyọdi!

Jems 1:5 Iomraidhean Croise

1 Krọnikuls 22:12

Kụ Ọmoogh-we Ẹnaan phọ ạna ạngo nyịna olegheri-ịyaar rꞌologhi ẹrol dị nạ ạda Ịzirel ịdi emeeraam ologh phọ ọdi.

2 Krọnikuls 1:10

Esi ịduon phọ ụngo ịmi ologhi olegheri ịyaar rꞌọnaghan ạḍughum dị mị kạdaam bịdi. Ịduon kụ ílho, keḍighi ika kụ mị atue ạda we ạna oleeny ịduon?”

Ạsuor 51:6

Ogeny ologhi rꞌọgba igeny kụ ịdi nạ rạwa; muzeḍiom ologhi phọ ạmi olegheri ịyaar phọ ạna.

Ẹḍua 31:3

kụ mị mamuzeḍinaan nyọdi ịikpo phọ ạmi, ạḅile ạngo nyọdi olegheri-ịyaar, ẹmaar ḅịle rꞌepul oḍighinom ạtorotoro ọkal oḍighi —

Ẹḍua 31:6

Mị mạsaḅar kẹn ni Oholiab ọony Ahisamak, ọlo eghun ạDan, mọ ạḅophoghan nyọdi aḍighi. Mị mạngo kẹn ni egbogh ẹmaar oomo awe ẹmaar-iiḍighi ạraghaagh phọ, pịdi bịdi otue ọlem ịyaar lọ mị ạḅeni bịdi:

Asidogh 8:17

Mị ạpomoghian bụphe ụphomoghian bọ ịmi; tọrobo oye lọ ụwa ịmi kụmiin ni ịmi.

Matiu 11:20

Kụ ạJizos amiigh ọḅaam ạramha phọ ịpe ọdi aḍighi yogh bọ ịminighan ịiḍaany phọ, ịdi eḍighi bọ bịdi úmeera ukiton ụbile ịkaraph phọ ạbidi, mọ,

Elegh ạMak 16:14

Kụ ịphen reten, kụ ạJizos amite egaan aḍeenaan loor ḍioph rꞌoniin ạbumatuan phọ, dị odi rolhe ghan eḍien, kụ ạḅaam bịdi loor emeera rꞌịikpara iloghi phọ ạbidi, ịdi eḍighi bọ bịdi úmeeraam bụphe ọmiin bọ nyịno, mem mọ ọno maḅetenu bọ.

Elegh ạJon 14:13

Tọrobo ịyaar dị nyina eghol ḍien ạmi kụ epuru Ọde phọ, mị kaḍighi ni, pịdi awe oghol Mọony phọ ọngo Ọde phọ eghuan.

Elegh ạJon 15:7

Nyina ịrolan ni ịmi, ḅịle ọghaaph phọ ạmi ạrol sịphe iloghi phọ anyina, pụruku ịyaar lọ nyina ẹlom, nyina kẹmoogh ghan.

Elegh ạJon 4:10

Kụ ạJizos ạphagharanaan nyọdi mọ, “Mụghumo nạ ulegheri ni inmo dị Ẹnaan rẹngo ghan, ḅịle rꞌoye phọ rạlhom bọ nyịna mụum ọphughol phọ, nạ mụlom ghụn mụum dị kạngo ghuḍum kụ ọdi mụngo nyịna.”

2 Bụo ạKorint 2:16

Esi ạbuphe ropeeghu bọ, eḍu phọ ẹlo aḍuugh-aḍuugh; esi ạbuphe rọpel bọ kotene, eḍu phọ ẹlo aghuḍum. Ạnhian nụun kụ ạmanam bọ ọmeera oḍighi ịphen phọ?

Jems 1:17

Oomo phọ igey inmo phọ yira ọmoogh bọ ịḍua ni esi Ẹnaan kụ eru bọ. Ọdi kụ ạlhemogh oomo phọ ịpe rẹmu bọ ẹpe kꞌạke phọ. Ạraraar phọ ịpe phọ reenmeeghian ghan ni, kụ Ẹnaan rénme ghan eḍighinom ịyaar phọ dị ruḍighi ghan bọ iyira.

Jems 3:17

Esi omiighom, ịyaar rẹ́biph ghan olegheri ịyaar phọ ọpo ạḍua bọ kꞌạke kụ aru, ḅịle kẹn sighiton rạ́wa ghan. Rạnma ghan ghụn ighirigiir kạmoogh eeḅi ẹzo rꞌigbiririph, kụ kamuum iimuma igey iiḍighi. Ọ́moogh ịiseeny rꞌọkulakula ologhi.

Jems 5:16

Esi ịduon phọ, ọlo ạpioman ạghaaph ghan ạḅeni ọnon, oniin ạaḅereghinaan ghan nyoniin, ọbo nyina emoonogh! Oye aruukuan kụ ạaḅereghi, ịiḅereghi phọ rẹmoogh ghan ni ịikpo keḍighi ekol.

1 Jọn 3:22

Tọrobo ịyaar lọ yira ọlom, ọdi rạngo ghan ni, loor esi dị yira rooko ghan ni iilogh phọ ọdi koḍighinom ghan ịpe ẹḅeeraan bọ nyọdi.