Jems 1:4 - Ạḍinya Iigbia

⁴ Kụ ọkparam mọ anyina kúdugh rꞌamem ọdaanaan oomo phọ ịne, ọbo ạroozo phọ anyina ẹkua ẹḅile emunughan, dị rꞌịyaar inyina kị́biph.

Jems 1:4 Iomraidhean Croise

Job 17:9

Awe dị ọḅem mọ ạbuno ọkpe oghueni mọkaraghi bịn kụ omeeraam mọ ạbuno odi ni elhiom.

Ạsuor 37:7

Tọlan rꞌỌmoogh-we phọ, ạmoogh ọkparam, akori ghan nyọdi. Kạ́aḅaghamian ologhi esi oye phọ ọpo ẹnighenom bọ, oye phọ ọpo ạaghian bọ kụ raḍighi yogh bọ ọdo kịrokiro.

Ạsuor 40:1

Mị mạkparam ni akoriom ọloghonaan ạḍighaagh Ọmoogh-we phọ. Ọdi mazuumaam ạnaghan emoghi phọ ạmi.

Asidogh 4:8

Pọmoghian ologhi bịn ọdi kạbughe ni nyịna. Kuraam nyọdi, bịn ọdi kạngo nyịna eghuan.

Hạbakuk 2:3

Lọgh esi ịge, loor esi dị kẹ̋teeny mem dị kemite. Kụ amem mọ kẹnuun ni etu, kụ ịpe mị aḍeenaan bọ nyịna kemite ni. Kẹkigh mụdi reebinya ni omite, kụ kori ni; kẹkar ri emite, kụ kéebinya.

Matiu 10:22

Oomo awe kịlogh ni inyina ḍien loor ẹmhu phọ ạmi, kụ oye lọ ạkparam asi eekuna phọ, kạmoogh ni pẹleeny.

Matiu 19:20

Kụ onyugheel ọony phọ ạḅeni nyọdi mọ, “Kꞌẹghoroghor ạmi, mị raako ghan ni oomo phọ iilogh phọ ịphen. Eeghe ẹnon ịyaar kụ isughanaan ịmi oḍighi?”

Matiu 5:48

Iseleman, ịdipho Ọde phọ anyina odi bọ kꞌạke phọ aseleman bọ.”

Elegh ạMak 10:21

Kụ rꞌẹphomoghian kụ ạJizos aphogh nyọdi, kụ ạḅeni mọ, “Eniin ịyaar bịn kụ ịḅile esughanaan nyịna oḍighi, keel aalhaghi oomo ạraraar phọ nạ ạmoogh bọ ạsighe ikpoki phọ ạngo rukulom, kụ nạ kạmoogh ni ẹelha ẹpe kꞌạke, kụ aru ụdaph ịmi.”

Elegh aLuk 18:22

Mem dị ạJizos ạnaghan bọ ịphen phọ, kụ ạḅeni nyọdi mọ, “Eniin ịyaar bịn kụ ịḅile esughanaan nyịna oḍighi, keel aalhaghi oomo ạraraar phọ nạ ạmoogh bọ ạsighe ikpoki phọ ạngo rukulom, bịn nạ kạmoogh ni ẹelha ẹpe kꞌạke, kụ aru ụdaph ịmi.”

Elegh aLuk 21:19

Esi ọkparam kụ ẹdi nyina kẹmoogh ghuḍum mọ anyina.”

Elegh aLuk 8:15

Bụeri phọ ọghigh bọ ịizupha ịpa aḍiiḅi ade phọ, pọ ạbudi ọnaghan ọghaaph phọ kụ ọsighe ọlogh iphooph iloghi ạbidi ọpam okananaam kụ ọmoogh ọkparam tụtu omuum iimuma.”

Elegh ạJon 17:23

Mị ạḅophoghan ni bịdi, kụ nạ ụḅophan ni ịmi ọbo bịdi oḍighi nyoniin ọmadan, aḅirini phọ ọḅile kẹn olegheri mọ nạ kụ urom ni ịmi, ḅịle mọ nạ ạpomoghian ni bịdi, ịdipho nạ ụphomoghian bọ ịmi.

1 Bụo ạKorint 2:6

Kụ ọlo yoor rọkaaph ghan ni ịlo olegheri ịyaar kọloghoḍi rụru ạbuphe uwaloor phọ maphoph bọ ạmanam, kụ kị́lo olegheri ịyaar ịsien aḅirini phọ ḅịle rꞌịlo ạbuphe ọdaaghi bọ riisi sịen aḅirini phọ. Ịikpo ạbuen phọ reminenom.

Bụo aGaletia 6:9

Kụ oḍighi ghan iiḅi iyira kị́pher! Eḍighi ịyaar dị yira ọman úpogh, pọ emunughan mem mọ yira kobugha ni ibugha phọ.

Bụo ạKolosi 4:12

Ẹpafras, ọnon ọnyo anyina dị raḍighi ghan oḍighi kạngo Jịzos Kraist, mipuru kẹn inyina. Ọdi righol ghan ni inyina kạkpaariom esi ịiḅereghi mọ imiigh giph ephoph ẹmanam, emeeraam ẹmadan mọ adom mọ agey ni, emunughan eḍighi oomo ịpe ẹḅeeraan bọ Ẹnaan.

1 Bụo ạTesalonika 5:23

Yoor rọoḅereghi ghan ni mọ Ẹnaan phọ rịngo ghan bọ iyira ẹepho phọ, ịsighe inyina eḍighi bụo ọdi ẹmadan, kụ eeko ghan uwaloor phọ rꞌologhi phọ rꞌaloor phọ anyina eseere ḍiseleman ạdol, tụtu ẹteeny mem mọ ạJizos Kraist Ọmoogh-we phọ ayira katu bọ.

2 Timoti 3:17

pịdi ẹzo oye phọ ọpo rakumu bọ kạngo Ẹnaan emunughan, dị ạḅile ạmoogh ịinya oḍighinom ạtorobo ooḅi oḍighi.

Bụo aHibru 13:21

Ẹnaan ẹepho phọ ịngo ni inyina tọrobo egey ịyaar lọ ikuom inyina ọsighe oḍighinom ịpe Ẹnaan rẹwa bọ, kụ ọdi ạtuan ni Jịzos Kraist ạtuugh aḍighi sịphe ạroozo phọ ayira ịpe ẹḅeeraan bọ nyọdi! Igbogh phọ kụ ẹrolonaan Kraist kꞌagee-pọ kꞌagee-pọ! Ẹrol li ịdipho!

Jems 1:5

Ọnyo anyina lọ ụ́moogh olegheri ịyaar ạlom Ẹnaan esi ịiḅereghi, kụ Ẹnaan phọ rẹ́ekpukian ghan bọ ọngo inmo oomo aweye kẹngo ni nyọdi!

Jems 3:2

Oomo phọ ayira rọ́gba ghan mem ọpioman, kụ oye lọ raako ghan nem ọdi aseleman ni kụ katue kẹn ni ạpamaghan oomo aloor phọ ọdi.

1 Pita 5:10

Kụ nyina ẹmiinom mọony amem bịn Ẹnaan ọnma ighirigiir phọ ịmagh bọ inyina ọḅophoghan rꞌaKraist ophin aani abin igbogh kꞌagee-pọ phọ ọdi, kimuneni ni inyina, imiighe inyina, ịngo inyina ịnyaam, iphighi inyina ẹkparami.

2 Pita 1:9

Kụ oye lọ rọozo phọ ịphen phọ ụ́moogh, pọ ariḍien ọdi íḅaranu dị ọdi rạmiin iigho, mawulanam kẹn mọ mọogbirion igbaany ịkaraph phọ ọno.