Jems 1:3 - Ạḍinya Iigbia

³ ịdi eḍighi bọ nyina elegheri ni mọ nyina erue ni ẹphamanam omeeraam mọ kụ ẹmerenyan, pọ nyina mẹsu ologhi ọkparam.

Jems 1:3 Iomraidhean Croise

Elegh aLuk 21:19

Esi ọkparam kụ ẹdi nyina kẹmoogh ghuḍum mọ anyina.”

Bụo aRom 15:4

Tọrobo ịyaar lọ ọge sịphe Ạḍinya Iigbia phọ, ụge ọtughemiom ghan ayira, pịdi yira ọtuan ọkparam mọ rꞌạkpo ologhi phọ ọghaaph Ạḍinya Iigbia phọ rụngo ghan bọ iyira ọmoogh oḍuom ologhi.

Bụo aRom 2:7

Ị́per buniin awe oḍighi ghan iiḅi rꞌọwa eegu rꞌarughuenian rꞌaghuḍum dị aḍuugh ílhoonaan. Ẹnaan kẹngo bụen phọ ghuḍum kꞌagee-pọ.

Bụo aRom 8:25

Kụ yira oḍuom ni ologhi ọmoogh ịlo yira kọ̋miin ghan, yira rọkparam ghan ni kụ kokori.

Bụo aRom 8:28

Yira olegheri ni mọ Ẹnaan rẹlogh ghan ni ḍịghaagh mọ oomo ạraraar ẹnighenaan bụphe ọphomoghian bọ nyọdi, bụphe ọdi ạatughian bọ kụ ạmagh.

2 Bụo ạKorint 4:17

Kụ ọony ịminimiin phọ yoor rọmiinom bọ ekulha amem mọ ạmuen phọ kiruom ni iyoor ẹbalabala eegu kꞌagee-pọ dị epeleghiom ni ịminimiin phọ iboom.

Bụo ạKolosi 1:11

Yoor rọoḅereghi ghan mọ Ẹnaan ịngo inyina ịnyaam dị eelenyan oomo igbogh ịikpo phọ ọdi, ọbo nyina ẹmanam ọsighe ọḅaal ologhi kụ ọrolom ạdol ọkparam ghan amem ịminimiin.

2 Bụo ạTesalonika 1:4

Ịphen kụ iḍighi kụ yoor rꞌaloor ayoor riitumaam bọ ni inyina esi ạbuo ạsiosi phọ Ẹnaan. Yoor roboomiom ni ịdipho omeeraam mọ anyina ạmeera bọ ni, nyina ípogh bọ oomo ịgbiphoghom mọ rꞌịminimiin phọ isoorom bọ inyina.

2 Bụo ạTesalonika 3:5

Ọmoogh-we phọ aḍighi dị nyina kelegheri ẹphomoghian phọ Ẹnaan, ẹḅile ẹmoogh ọkparam mọ ọpo aKraist rạngo ghan bọ!

Bụo aHibru 10:36

Nyina ẹkpe ni ọkparam ghan, pịdi nyina eḍighi ghan ịpe Ẹnaan rẹwa bọ, ẹḅile ạar rạraar phọ dị aguanaan bọ,

Bụo aHibru 12:1

Kụ ịduon aḍiboom aḍita awe ọrol bọ okoom rụmiin iyira, ọnyagharanaan oomo ạraraar lọ kịimoromi iyira osereghi! Ọkporion rạghaagh tọrobo ịkaraph lọ ikpophonom iyira kụ obigh ekpom oghiilom eghiil phọ yira ọmoogh bọ!

Bụo aHibru 6:12

Yoor rọ́wa mọ ịmoogh ẹgbogholeer. Ịtuughaany ghụn bụphe oghol bọ omeeraam mọ rꞌọkparam mọ kụ ropin aani bọ bin ịpe Ẹnaan eguanaan bọ.

1 Pita 1:7

Ịphen phọ ịlo olegheriom mọ omeeraam mọ anyina ogey ni. Gol dị kạpu ghan ni bịn ọsighe ghan ni nịan kụ ropoghom mọ ogey ni. Ịduon phọ kẹn kụ ẹdi kopogh aani ni omeeraam mọ anyina ạman bọ ni ịyaar iboom apu gol, pịdi olegheriom mọ katue ni ạkparam ạteeny ḍio phọ kogananami bọ Jịzos Kraist ọbo nyina ẹmoogh ḍịseph rꞌeegu ḅịle rꞌeghuan.

2 Pita 1:6

ẹmoogh omiighe aloor ẹḅaram olegheri ịyaar phọ, ẹmoogh ọkparam ẹḅaram omiighe aloor phọ, ẹmoogh ruukuan ẹḅaram ọkparam mọ,