Jems 1:27 - Ạḍinya Iigbia

²⁷ Oye lọ aakonom ghan bụnyigo ạnmuny, aphogh ghan rukpukele ạnmariir esi ịminimiin phọ ạbidi, kụ úmeera mọ ịitughian aḅirini phọ ẹphue nyịno, kụ ọdi Ẹnaan Ọde phọ ạsighe mọ omeeraam mọ ọdi ọ́phuph, ḅịle kẹn ịyaar ị́biph.

Jems 1:27 Iomraidhean Croise

Ạsuor 119:1

Ọḅaal ologhi odianaan bụphe ghuḍum ạbidi ịyaar ị́biph bọ, bụphe odi ghan bọ ọdaphan ologh Ọmoogh-we phọ.

Ạsuor 146:9

Ọdi ạmaar ghan rạpam ruuruen lọ odi de ayira; ọdi rạpel ghan rukpukele ạnmariir rꞌạbunyigo ạnmuny kụ kaphiemi we ạsipioghom.

Ạsuor 68:5

Ẹnaan, ọpo odi ghan bọ ologhi Otu iigbia phọ ọdi, ạmaar ghan rạpam bụnyigo ạnmuny kạḅile ạmaar aphogh rukpukele ạnmariir,

Azaya 1:23

Abuḍiemiom mọ ạna ạbuo ịgbagharan rꞌạrighiri ạruḅa; oomo amem bịdi rọbonyi ghan ruunmo kolhe ịgara. Bịdi rọ́pel ghan bụnyigo ạnmuny lọ osoor erugh ịiruen, róler ghan rụru mem lọ arukpukele ạnmariir rọgba sịagba.

Matiu 12:32

Oye lọ ạghaaph ịkaraph ịlo Ọony phọ Oye kọsar ri ọbilenaan nyọdi, kụ oye lọ ạghaaph ịkaraph ịlo Uwaloor Iigbia phọ kọ́sar ọbilenaan sịen aḅirini phọ ọphon rꞌọpo katu bọ.”

Matiu 5:8

Iboh kꞌẸnaan edianaan ni we dị iloghi phọ ẹserere; bịdi kọmiin ni Ẹnaan.

Elegh aLuk 1:6

Ịyal phọ ạbidi ụmoogh ni eeḅi ẹzo ghisigh Ẹnaan ooko ghan iilogh Ọmoogh-we phọ ọman.

Bụo aRom 12:2

Kémeera mọ awe aḅirini phọ ịpiloghom inyina ọḅologh ọghighima. Ẹnaan kụ ẹḅol ghụn iloghi phọ anyina ẹghighemi nyọpo ọdi bịn kụ nyina egbi olegheri ịitughian phọ ọdi — ịpe ẹnighe bọ, ẹḅeeraan bọ nyọdi kụ eseleman bọ.

Bụo aRom 2:13

Ụ́tuan ọnaghanan ghan Ologh phọ, ụtuan ghụn oḍighi ghan ịtooghi Ologh phọ kụ Ẹnaan rẹsighenom ghan bọ we mọ ạbuo aruukuan ni.

Bụo aGaletia 1:4

AKraist ạtuan ọtagharan ayira esi ịkaraph phọ ayira sịen ọkaraph ọrugh phọ ọphon, kụ ạnaghanan bọ ịpe Ẹnaan Ọde phọ ayira ẹtooghi bọ, kụ ameera bọ ạkuom loor ọdi phọ ḍuugh.

Bụo aGaletia 3:11

Ịdi etum sịphe, eganana ni mọ Ẹnaan rẹ́tuan ghan ooko Ologh phọ kụ kẹsighenom mọ ọphon oye aruukuan ni, ịdi eḍighi bọ ạḍinya iigbia phọ rẹḅem ghan mọ, “Tọrobo oye lọ Ẹnaan ẹtuan omeeraam kụ ẹsighe mọ oye aruukuan kạmoogh ni ghuḍum kꞌagee-pọ.”

Bụo aGaletia 5:6

ịdi eḍighi bọ, ịdipho yira mọḅophoghan bọ Jịzos Kraist, ọgbaranaan ólho mun esi ạbulo oḍuna yogh rꞌạbulo odimom oodu. Omeeraam dị rọmiin ghan esi ẹphomoghian kụ aḍighi ghụn ephigh.

Bụo aGaletia 6:14

Kụ ạmi ạmi, mị kaboom ghan ịminimiin phọ ịpe ạJizos Kraist Ọmoogh-we phọ ayira ụtuan bọ ịmi ạmiinom sịphe oreeny phọ bịn, ịdi eḍighi bọ ọtuan esi ịminimiin phọ ọdi aḅirini phọ ịmi ụ́moogh mun, mị kẹn ụ́moogh mun rụuphua aḅirini phọ.

Bụo ạEfesos 2:2

Mem mọ ọpo phọ, nyina ịphamanam ghan ịkaraph areten aḅirini phọ. Nyina ịnaghanan ghan uwo ẹmhu ịkaraph aruwaloor ookuugh phọ, uwaloor phọ ọpo rapogh bọ bụphe rọ́naghanan ghan bọ Ẹnaan.

Dutoronomi 14:29

Kụ bụo aLivait phọ, loor esi dị bịdi úpin aani bin ḅịle kẹn ụ́moogh aani bin ẹmoogh phọ ịdipho anyina, rꞌaruuruen phọ, rꞌịnyigo ạnmuny phọ rꞌarukpekele ạnmariir phọ, bụphe odi bọ sịphe ạramha phọ anyina, bịdi oru ọsighe olhe aani ẹpher bịdi, ọbo Ọmoogh-we Ẹnaan phọ anyina ạseph oomo arukumuan phọ anyina ịpe nyina ẹsighe bọ rạghaagh phọ anyina kụ ekumuanam.

1 Timoti 1:5

Ẹmhu phọ mị ạtu bọ kụ rạkaaph ịphen phọ, ịlo ọghologholomi ẹphomoghian phọ ẹpe rẹḍua ghan bọ ophooph ologhi rꞌigey ịitughian, rꞌomeeraam dị ụ́ḅaram iguegue, kụ kemite.

1 Timoti 5:4

Kụ ọlo ekpukele ạnir lọ ạmaraghi nmụny ḅịle mꞌạnmuny oko, bụen phọ ọphur ọsighe dọl ạbuo ạsiosi phọ ọmaar ophoghom ọto kꞌạbidi! Ịduon phọ kụ ịdi bịdi mọtuugh ịpe ạburude phọ rꞌaburunhiin phọ ạbidi, ḅịle rꞌạburude rꞌaburunhiin oko phọ ạbidi ookonom bọ bịdi oḍighi roḅulemian. Ẹphen kụ eḍighinom ịyaar dị ẹḅeeraan Ẹnaan.

Tạitos 2:12

Ọdi rụtughemi ghan iyira mọ ọwile dọl dị Ẹnaan úlegheri rꞌạruuphua aḅirini phọ, ọrol sịen aḅirini phọ dọl osereghian, ooko loor ayira. Oseleman, olegheri Ẹnaan,

Jems 3:17

Esi omiighom, ịyaar rẹ́biph ghan olegheri ịyaar phọ ọpo ạḍua bọ kꞌạke kụ aru, ḅịle kẹn sighiton rạ́wa ghan. Rạnma ghan ghụn ighirigiir kạmoogh eeḅi ẹzo rꞌigbiririph, kụ kamuum iimuma igey iiḍighi. Ọ́moogh ịiseeny rꞌọkulakula ologhi.

Jems 3:9

Eeni amem yira rọsighe ghan nem koboomiom Ọmoogh-we Ọde phọ ayira; eeni amem kootuunyiom bụnon awe dị Ẹnaan ẹlhem ni ẹghighima aani.

Jems 4:4

Nyina ẹkigh ạnir ilom dị rale ghan ẹmha. Nyina ílegheri mọ ọyooyo aḅirini phọ, pọ ạmulogh-ḍien Ẹnaan. Tọrobo ọlo rạwa oḍighi ọyaghiri aḅirini phọ, pọ maḍighi mụlogh-ḍien Ẹnaan.

2 Pita 1:4

Ịduon phọ, pọ muguanaan iyira iboom aruguan dị ẹman ịyaar ịikia, pịdi nyina ekpetenaan ịḅoria ạroozo phọ rẹdaph ghan bọ ịkaraph ạruuphua aḅirini phọ, ẹmoogh aani rọozo phọ Ẹnaan.

2 Pita 2:20

Awe kụ moghol ịdipho bịdi molegheri bọ Jịzos Kraist Ọmoogh-we phọ rꞌỌpelia phọ ayira kụ okpetenaan ọphuenaan aloor aḅirini phọ, kụ ọḅile omeel oḍighanaan, pọ ạdol phọ ạbidi kẹkar ẹloghori ruukuna phọ epu emiighom mọ.

2 Pita 3:14

Iiḅi asiya, ịdipho nyina regonom bọ ḍio phọ ạḍiphe phọ, ịkparami ghan ḍịghaagh eḍighi ịlo nyina kẹtolan nyọdi rꞌẹepho, eekuan eseleman ghisigh phọ Ẹnaan.

1 Jọn 5:18

Yira olegheri ni mọ ọlo mọmar ọḅile ọmar dị raḍighi yogh ghan ịkaraph ólho, ịdi eḍighi bọ ọdi maḍigh ḍibuo Ọony phọ Ẹnaan kụ Eru nyọdi kéḍighi mun ịyaar.