Jems 1:26 - Ạḍinya Iigbia

²⁶ Oye lọ ạḅem mọ ọno ameeraam Ẹnaan kụ nem ọdi óoko, pọ ọdi rabia ni loor ọdi, omeeraam mọ ọdi kẹn ọ́man ịyaar.

Jems 1:26 Iomraidhean Croise

Job 15:13

Nạ rạkagham ologhi Ẹnaan, ạḅile rạḅaam ghan nyọdi.

Job 30:11

Loor esi dị Ẹnaan midughe ịmi ḅịle mị ụ́moogh mun ọloghonaan ạḍighaagh, bịdi ooghiraan bịn kụ ọsighe oomo ọghagh ologhi phọ ạbidi usomori ịmi.

Ạsuor 141:3

Ọmoogh-we, gborori ịyaar ọnhu ạmi; mẹremi okoriom sịen ọnhu-aḍibuo ịidoronhu phọ ạmi.

Ạsuor 32:9

Kạ́kigh ghan ạsu mꞌẹnam adool dị rẹ́naghan ghan ḍụghum kụ ịnhu phọ ạbidi ọkasaghiom izime ọbo bịdi ọnaghanan.”

Ạsuor 34:13

Pọ mạar ạphama nem ạna, kạ́ḅemogh sịkaraph; ạmaar ạphama ịidoronhu ạna, kạ́kaaph ghan ọghaaph iigbegheḍiom.

Asidogh 10:19

Oboom ọghaaph, pọ ọpioman ọ́kpar. Nạ aḍighi oye ologhi, nạ kaḅoorian.

Asidogh 10:31

Awe aruukuan rọkaaphom ghan olegheri ịyaar, kụ anem lọ ẹghaaph ịkaraph kosophe ni.

Asidogh 14:12

Ẹpe nạ agbi bọ mọ egey eten, etue ni erorori nyịna ẹlogh ḍuugh.

Asidogh 15:2

Ọghaaph awe ologhi ratoor ghan we, kụ ikpo ọnhu awe elologhi ẹmhu ílho ghan.

Asidogh 16:10

Ọdaam mọ rạkaaphom ghan ịikpo kꞌẸnaan; ịlo ọdi ạḅem pọ igey ni.

Asidogh 16:25

Ẹpe nạ agbi bọ mọ elhiom eten etue ni ẹghimom nyịna esi aḍuugh.

Asidogh 19:1

Ẹnighe epu oḍighi uwekulom dị ạmoogh iigbia aḅirini rꞌoḍighi uwelologhi dị rạgba ghan ọkpe.

Asidogh 21:26

oomo ịdi ọdi rạatughian, ịlo ạraraar lọ repu nyọdi ọmoogh. Kụ ọlo oye aruukuan kạngo ni kụ ạngo rꞌophooph ologhi.

Azaya 1:13

Aruunmo phọ anyina oopho ni bịn. Eḍu ịnsens phọ nyina rẹsu ghan mẹphue ologhi ạmi. Ạrayaal omoom ụnwanyu rꞌariiḍio ophooghian rꞌarookpomoghan iigbia phọ anyina ikia ni ịmi iboom; ịkaraph phọ anyina mẹepu oomo phọ ịdi.

Azaya 44:20

Eḍeenaan ologhi ịdi kọtomaam oye lọ rạlaay ghan ọoru. Ịitughian élegheri-ịyaar phọ ọdi mebi nyọdi ịdi ịlo ọphel ílho. Ọdi kátue ameera mọ ẹkaaneen ịyaar phọ ọno ạpham bọ ḍịghaagh kẹ́mugh ni bịn.

Malakai 3:14

Nyina mẹḅem mọ, ‘Ạsuo ólho okumu Ẹnaan. Eeghe kụ ạsuo dị odi oḍighi ghan ịlo ọdi ạḅem, mụghumo kẹn ọkparagha oḍeenaan Ọmoogh-we Oomo Ịikpo phọ mọ yoor ọpioman esi ịpe yoor moḍighi bọ?

Matiu 15:9

Ị́kpianaan dị bịdi ruuseeny ghan ịmi kụ kọtughemi ghan iilogh phọ awe mụdi ịpe Ẹnaan.’”

Elegh ạMak 7:7

Ị́kpianaan dị bịdi ruuseeny ghan ịmi kụ kọtughemi ghan iilogh phọ awe mụdi ịpe Ẹnaan.’

Elegh aLuk 8:18

“Imiigha loor ịlo nyina rẹnaghan, ịdi eḍighi bọ nyọpo ạmoogh bọ Ẹnaan kẹloghonaan ni ọḅar, kụ ọpo ụ́moogh bọ ghạlamo ịyal-ikpo phọ ịpe ọdi ragbi bọ mọ ịlo ọno phọ Ẹnaan kẹbonyi ni.”

1 Bụo ạKorint 15:15

Ịdi epu sịen, emeeraam kẹn mọ yoor rọgbaanaan Ẹnaan ọkpe, ịdipho yoor ọghaaph bọ mọ ọdi aḅeton Kraist sịphe aḍuugh phọ. Kụ eḍighi ni igey mọ ịyaar dị oghol mọ oḅerion esi aḍuugh ílho ghan, tọ pọ ọdi Kraist óḅeton.

1 Bụo ạKorint 15:2

Ooḅi ọghaaph phọ ọphon kụ rịphel ghan bọ inyina dị omeeraam mọ anyina ạmeera bọ zim, emuton lọ nyina epu ni bịn emeeraam.

1 Bụo ạKorint 3:18

Kébia loor anyina. Ọnyo anyina lọ ạsighe dọl aḅirini phọ ọphon kụ agbiighiom mọ ọno uwo ologhi ni, pọ aghola ḍien elegheri ịyaar, ọbo ọdi ạsu aani ologhi!

Bụo aGaletia 2:6

Kụ bụen bụo ịḍagha phọ rokol ghan bọ mọ ạbuo ạrumhu phọ rꞌeniin ekpo ọnhu ụ́loghom ụngo ịmi — mị ụḅem ịduon phọ, ịdi eḍighi bọ esi ạmi ịyaar ị́man ọdo awe lọ bịdi oru, loor esi dị Ẹnaan répogh ghan oḍighi lọ oye ạpham.

Bụo aGaletia 2:9

Kụ aJems rꞌaPita rꞌạJon, bụphe bụo ịḍagha phọ rokol ghan bọ mọ ạroko ogbo phọ, ọmiin bọ mọ Ẹnaan mịngo ịmi ọghor phọ ọphon, ụsighe ni Bạnabas rꞌạmi oḍighi siya ạbidi esi oḍighi phọ. Kụ oomo phọ ayoor omeeraam gbiririph mọ yoor ọrol ogbo aruuruen phọ kụ oḍighi oḍighi phọ, mọ bịdi ọrolan bụo aJu phọ.

Bụo aGaletia 3:4

Oomo ịminimiin phọ anyina ephe oopho ḍụghum? Mị kạ́kar atue ameeraam.

Bụo aGaletia 6:3

Oye dị ịyaar ụ́man kụ agbiighiom ologhi mọ ọno ạman ni mạar, pọ ọdi rabia ni loor.

Bụo ạEfesos 4:29

Ịkaaph ghan ghụn ịlo ẹgbaanyan ọghaaph lọ nyina ẹpham, esi ọloghonaan ạḍighaagh bụphe rọnaghan bọ, pịdi ikpo ọnhu phọ anyina ẹngo ghan bịdi ọninom.

Bụo ạEfesos 5:4

Ọghaaph isa rꞌelologhi ọ́kpianaan ọghaaph ghan. Kẹ́maarom ghan ịnhu ịlo eḍighi ni ephigh. Ịmaar ịnhu ịlo ẹngo Ẹnaan ḍịseph.

Dutoronomi 11:16

Igona siloor anyina, ologhi anyina inyina kíbi, ọbo nyina kekiton ghan bọ eeseeny ịnon ạrumugh ẹeḅereghi bịdi.

Bụo ạKolosi 4:6

Ọghaaph phọ anyina ạdugh ghan ạḅile aroor weye! Ilegheri ịdi ẹkpe ghan ọphagharanaan ạtorobo oye.

Jems 1:19

Iiḅi asiya ạmi, ilegheri mọ tọrobo oye ạnuun ghan ni ạnaghanan, ạaḅeghion ghan ikpo ọghaaph kụ ạghaaph, ịyaar ologhi ọdi kị́nuun ghan ịkagh,

Jems 1:22

Kẹ́naghan ghan bịn kụ íḍighi ghan ịpe Ẹnaan rẹkaaph bọ. Nyina ẹnaghan ghan bịn kụ réḍighi ghan, pọ rebia ni loor.

Jems 2:20

Opokorodom, dị nạ rạwa ni olegheri, mị kaḍeenaan ni nyịna mọ omeeraam dị iiḍighi ụ́ḅaram ọ́moogh ịyaar oḍighinom.

1 Pita 3:10

Ịdipho ạḍinya iigbia phọ rẹḅem ghan bọ mọ, “Oye lọ rạwa ọghelom aghuḍum mọ ọdi rꞌọrol ọteeny aani igey, asoph ọkaraph ọghaaph rꞌọgbaaghi ghan ọkpe akureri!