Jems 1:25 - Ạḍinya Iigbia

²⁵ Kụ Ẹnaan kẹseph ni oḍighi oye lọ rạsighe ghan igey iilogh phọ rẹtanyan ghan bọ we kụ kaphogha ịdipho atamaḍiki, lọ ọdi ạmoogh ọkparam raḍighi ghan ịpe iilogh phọ ẹḅem bọ kụ rạ́naghanan ghan bịn kawula.

Jems 1:25 Iomraidhean Croise

Ạsuor 106:3

Ọḅaal ologhi kụ odianaan bụphe ọnaghanan bọ ịto phọ ọdi, bụphe oomo amem roḍighi ghan bọ ịlo ẹnighe.

Ạsuor 119:32

Rꞌẹghologhol mị kạnaghanan ni ịtooghi phọ ạna loor esi dị nạ kụngo ni ịmi ọnaghanam ạḍughum dị ạbugh.

Ạsuor 119:45

Mị kạtol dọl ẹereegh, loor esi dị mị rạkururu ghan ọdaphan ịtughemi phọ ạna.

Asidogh 14:15

Uwo elologhi kameeraam tọrobo ịyaar; awe ologhi kọmaar olegheri ịgbaranuom aruwol ạbidi.

Azaya 8:20

Nyina kẹpagharanaan ni bịdi mọ, “Ịnaghanan ịphen Ọmoogh-we phọ rịtughemi bọ inyina. Kéler rụru ẹnaghanan riil arukuru rꞌạroḍogh ạbulo úlho — ịpe bịdi kịmiinaan bọ inyina ḍịghaagh kẹ́logh.”

Elegh aLuk 11:28

Kụ ạJizos mọ, “Ạḍiseph edianaan ghụn ni bụphe rọnaghan ghan bọ ọghaaph phọ Ẹnaan kọḅile ooko.”

Elegh ạJon 13:17

Sịen nyina melhegheri bọ rạraar phọ ịphen, iboh kꞌẸnaan kịrolonaan ni inyina eḍighi ịyaar dị nyina keḍighi ni.

Elegh ạJon 8:36

Eḍighi ịyaar dị Ọony phọ kụ aḍighi dị nyina ekpetenaan, pọ nyina kẹkaraghi ni ekpetenaan.

Iiḍighi 13:43

Romiteghu bọ, kụ ịbadi ạbuo aJu rꞌaruuruen phọ mọlhogh bọ eegu Ẹnaan ọdaph, kụ ạPol rꞌạBanabas oromoghiom mọ bịdi kụ́bile ọphamanam ạḍiseph phọ Ẹnaan.

Iiḍighi 2:42

Kụ bụphe momeeraam bọ ọkuom loor ạbidi ọnaghan ghan ịtughemi abutelhedom mọ, rꞌọrolan ạdol abumor, rꞌọḅophoghan ọparion ạbred phọ, ḅịle rꞌọoḅereghi Ẹnaan.

Iiḍighi 26:22

Ẹnaan kụ rịloghonaan ịmi ḍịghaagh kụ mị odi bọ ni kꞌarodon ạkaaph ooḅi ọghaaph phọ rạḅeni ghan bụbam rꞌabugbogh. Ịnon ịdi mị rạkaaph ghan ílho, omuton ịpe ariil phọ rꞌaMozis ọghaaph bọ mọ kemite ni phọ.

Bụo aRom 11:22

Ịphen phọ kụ iḍeenaan iyira mọ Ẹnaan edugh ni kụ ạri ẹkpar ri. Ọdi rạ́nma ghan ighirigiir bụphe mọghanyanu bọ, kụ rạnma ghan ni nyịna ighirigiir lọ nạ aloghoma ghan ni ọnma ighirigiir phọ ọdi. Mọ nạ óloghoma, pọ kosoph aani ni nyịna otoph.

Bụo aRom 2:13

Ụ́tuan ọnaghanan ghan Ologh phọ, ụtuan ghụn oḍighi ghan ịtooghi Ologh phọ kụ Ẹnaan rẹsighenom ghan bọ we mọ ạbuo aruukuan ni.

Bụo aRom 7:12

Esi okpere, Ologh phọ aseleman ni, ḅịle tọrobo ọkal aseleman kẹn ni aakuan ạnighe.

Bụo aRom 8:15

Uwaloor phọ Ẹnaan ịngo bọ inyina kọ́lo oḍighi anyina rẹbene rꞌoghiilom eepuph, ọlo oḍighinom ghụn anyina nmụny ọdi. Ịikpo Uwaloor Iigbia phọ kụ ịdi yira rọmagham ghan bọ Ẹnaan mọ, “Ạba, Ọde.”

Bụo aRom 8:2

ịdi eḍighi bọ ologh Uwaloor phọ rạngo ghan bọ ghuḍum mọ bụphe mọḅophoghan bọ Jịzos Kraist mụphel ịmi ạsighe sịphe ologh ịkaraph rꞌaḍuugh phọ.

1 Bụo ạKorint 15:58

Iiḅi asiya ạmi, loor ịduon phọ, ikim ni bịn ípighironu ghan. Ịsighe oomo ịnyaam mọ anyina eḍighinom ẹngo Ọmoogh-we phọ, ịdipho nyina elegheri bọ ni mọ arukumuan dị nyina eghol Ọmoogh-we phọ kụ ekumuan képe oopho.

2 Bụo ạKorint 13:5

Imitiom loor phọ anyina eḅiligha ephogh mọ nyina edimom ni omeeraam mọ. Nyina ke̋lhoghoma mọ ạJizos Kraist odi ni loor anyina ḍụghum? — emuton lọ nyina memeel atau.

Bụo aGaletia 2:4

Buniin awe ghụn ni dị oḍighi ḅụun oḍigh aani ookpomoghan phọ, okue oghola mọ bụno ạbuo asiya aani ni, ịlo ophoghogha ạdol okpetenaan phọ yoor phọ mọḅophoghan bọ Jịzos Kraist odi bọ, kụ ụwa ghan ghụn oḍun ọdi. Bụen phọ ụwa ghan oḅulemi ayoor dọl ạrebene.

Bụo aGaletia 5:1

Yira mokpetenaan — aKraist kụ ụtagharan bọ iyira. Ịmerenyan ẹrol dọl awe dị mokpetenaan. Kémeera mun mọ oye iḅulemi inyina dọl ạrebene.

Bụo aGaletia 6:2

Oniin arool ghan ni ịiḅaghami oniin, pịdi nyina emuneni iilogh phọ aKraist!

Bụo ạKolosi 1:23

lọ omeeraam mọ anyina ạmeera ni giph rạki ghisigh, ḅịle rạ́kporokporo. Kẹ́bile oḍuom ologhi phọ ọpo nyina ẹmoogh bọ kꞌamem mọ nyina ẹnaghan bọ ooḅi ọghaaph phọ. Ọghaaph phọ ọphon mọghaaph ni oleenye oomo aḅirini phọ, kụ ọghaaph aani phọ kụ oḍighi phọ ạmi ạPol.

1 Timoti 2:15

Kụ ọlo, ạnir-ephoph phọ ạrol ghan ni dọl omeeraam rꞌẹphomoghian rꞌaruukuan, ạḅile aako ghan loor ọdi, ạghiom ghisigh, ọdi kạmar ghan ni mọony rꞌẹwoor.

1 Timoti 4:16

Mạar agona loor phọ ạna rꞌịpe nạ rạtughemi bọ. Ḍighi ghan ni ịphen phọ. Nạ aḍighi ghan ni ịphen phọ, pọ nạ kạpel li loor phọ ạna rꞌạbuphe rọnaghanan ghan bọ nyịna.

Bụo aHibru 12:15

Igona loor, ọbo ọghor phọ Ẹnaan kakpetenaan ghan bọ ọnyo anyina. Igona kẹn loor mọ eghiḍim kị́moogh sịni esi anyina, ịdi eḍighi bọ resi rẹmanam keḍighi ni oboom ọgbaragbara ogbo phọ anyina.

Jems 2:12

Imiigha loor, ọbo ẹghaaphom mọ rꞌeḍighinom ịyaar phọ anyina ẹghigh ịlo awe dị kọsighe ologh ọtanyanam mọ kụ osophom ọoruen ọngo.

1 Pita 2:16

Ịtol ghan dọl awe dị mokpetenaan, kụ ọlo kẹ́sighe okpetenaan phọ anyina ezua eekpereghiom ịkaraph. Ịtol dọl awe dị roḍighi ghan oḍighi kọngo Ẹnaan.

1 Jọn 2:24

Imiigha loor ẹmaar ẹsighe dom mọ nyina mẹnaghan bọ kꞌemiighom mọ eseerian iloghi phọ anyina. Kụ nyina eseerian ni ịpe nyina mẹnaghan bọ kꞌemiighom mọ sịphe iloghi phọ anyina, pọ nyina kẹtolan ni Mọony phọ rꞌỌde phọ.

Ogonanami Phọ 14:13

Kụ mị ụḅile ni ạnaghan ẹḍogh dị rẹḅa ghan ẹpe kꞌạke mọ, “Gẹ ịphen. Emiigh nyịidipho ẹghiom ghisigh, iboh kꞌẸnaan edianaan ni bụphe oḍighi ghan bọ oḍighi ọngo Ọmoogh-we phọ kụ momuughu bọ.” Kụ Uwaloor phọ mọ, “Ịduon phọ ni. Bịdi kopooghian aani rukumuan phọ ạbidi. Eḍu oḍighi phọ ạbidi kẹdaph ni bịdi.”

Ogonanami Phọ 22:14

Iboh kꞌẸnaan edianaan ni bụphe mootol bọ rụsuoma phọ ạbidi ọḅaalami kụ mọman bọ olhe aani iimuma oreeny aghuḍum mọ, ọḅile ọman ọḍua ạrunhu-aḍibuo phọ kụ oḍigh ẹmha phọ.

1 Sạmuel 12:14

Oomo ạraraar kịnighenaan ni inyina eru mạar dị nyina ẹlogh ni eegu Ọmoogh-we phọ, ekumu nyọdi, ẹnaghanan nyọdi, ẹḅile eḍighi ghan ịto phọ ọdi; ḅịle kẹn, eru mạar dị nyina rꞌọdaam ẹmha phọ anyina ẹdaph ni nyọdi.