Jems 1:21 - Ạḍinya Iigbia

²¹ Ịkporion rạghaagh oomo isa rꞌịkaraph dị rekil ọoye, esooromi loor ghisigh Ẹnaan, ẹnaghanan ọghaaph phọ ọpo ọdi mạzuph bọ sịphe iloghi phọ anyina. Ikpo ọnhu phọ ịpe kụ ketue ịphel inyina etene.

Jems 1:21 Iomraidhean Croise

Ạsuor 25:9

Ọdi raḍiemiom ghan bụphe osooromi bọ loor igeny areten, ạḅile rạtughemi ghan bịdi reten phọ ọdi.

Azaya 2:20

Mem dị ẹteeny ḍio phọ ạḍiphe, bịdi kotoph ni ịkaaghineen ạrumugh agol rꞌasilva phọ bịdi mọkaaghi bọ kụ ọbilenaan bịdi eepi iwo phọ rꞌarugbom mọ.

Azaya 29:19

Arukulom rꞌawe dị osooromi loor kọḅile ni ọmoogh ọḅaal ologhi phọ ọpo Ọmoogh-we Oye Aghuḍuul phọ Ịzirel rạngo ghan bọ.

Azaya 30:22

Nyina kẹsighe nmụny aghuḍuul phọ anyina ọdamaghiom bọ silva rꞌạnmuny aghuḍuul phọ anyina okpoghom bọ gol kụ etoḅologhi ịdipho ẹenir, kụ ẹlooghi mọ, “Ịḍua sịen egbodo ạmi.”

Azaya 61:1

Ọkar Ogbogh Ọmoogh-we phọ mamuzeḍi loor ạmi uwaloor phọ ọdi. Ọdi mụsaḅar ịmi kụ urom ịmi Oruomaan ooḅi ọghaaph rukulom mọ, Ọngo oḍuom ologhi bụphe iloghi phọ eḅonyonu bọ, Ọghaaph omitiom mọ bụlo ọrol ikoli ẹgham ọmoogh ni ẹereegh Kụ ọtagharan bụlo odi ruutu ikoli.

Izikiel 18:31

Ịbile oomo ịkaraph phọ nyina reḍighi ghan bọ, kụ ẹmooghaan siloor anyina imoom iloghi rꞌarokpom. Iḍighi ika kụ nyina ạbuo Ịzirel rẹwa bọ omugh phọ?

Izikiel 36:25

Mị kịsaraghiom ni inyina mụserereeny ạmuum kụ aḍighi ịdi nyina kẹserere esi ịkaaghineen ạrumugh phọ anyina rꞌạtorobo ịnon ạraraar phọ ịpe mịphue bọ inyina.

Zẹfanaya 2:3

Ikiton ephogh Ọmoogh-we phọ, oomo phọ anyina ạbuphe mosooromi bọ loor sịen ade phọ, kụ rọnaghanan bọ ịto phọ ọdi. Iḍighi ịlo ẹnighe, kụ esooromi siloor anyina ghisigh Ọmoogh-we phọ. Iini nyina kekpetenaan ni mạlhiom ḍio phọ Ọmoogh-we phọ kaḍeenaan bọ ophin ologhi phọ ọdi.

Matiu 5:5

Iboh kꞌẸnaan edianaan ni bụo osooromi aloor phọ; bịdi kọmoogh ni ịpe Ẹnaan eguanaan bọ,

Elegh ạJon 6:63

Uwaloor phọ kụ rạngo ghan ghuḍum, iphulupul phọ sụo rẹ́ngo ghan. Ikpo ọnhu phọ mị mạghaaph bọ ịḅeni inyina eḍighi uwaloor, eḍighi kẹn ni ghuḍum.

Elegh ạJon 6:68

Kụ aSaimon Pita mọ, “Ọmoogh-we, yoor kọḅile ọki kꞌạnhian? Nạ kụ ụmoogh bọ ikpo ọnhu aghuḍum kꞌagee-pọ phọ.

Iiḍighi 10:33

Ịduon kụ iḍighi kụ mị arom bọ aruom kụ nạ maḍighi bọ eeḅi atu. Kụ nyịidipho aḍita ayoor odi risigh Ẹnaan ọnaghan oomo ịpe Ọmoogh-we phọ ạḅeni bọ nyịna mọ kạaph phọ.”

Iiḍighi 13:26

“Bụo asiya, ẹemara ẹemara Ebraham, rꞌaruuruen phọ mọlhogh bọ eegu Ẹnaan, yira kụ ẹdi oruomonaan bọ dom ọphel otene phọ ạḍien.

Bụo aRom 1:16

Mị ooḅi ọghaaph phọ rákiilom umugholoor. Ẹnaan rẹtuan ghan ịikpo ooḅi ọghaaph phọ kụ kẹphel oomo ạbuphe omeeraam bọ, emiigh kꞌạbuo aJu phọ kụ ẹteeny ruuruen phọ.

Bụo aRom 11:17

Moḅonyon iniin ịla ọliv phọ ọzuph bọ otoph, ọsighe oniin ọla ọliv elegheḍum otu otulom. Nạ ooruen phọ ạkigh ọliv elegheḍum mọ kụ nyịidipho nạ rapin aani bin ẹeḍiom ạmayagh ạsini aghuḍum ạbuo aJu phọ.

Bụo aRom 6:17

Kụ ạḍiseph ẹrolonaan ni Ẹnaan, ịdipho mem dị meten nyina eḍighi bọ ni rẹbene ẹngo ịkaraph kụ eru ẹteeny mem dị nyina ẹsighe ni oomo iloghi anyina ẹnaghanan igey phọ ịpe ịtughemi bọ inyina.

1 Bụo ạKorint 15:2

Ooḅi ọghaaph phọ ọphon kụ rịphel ghan bọ inyina dị omeeraam mọ anyina ạmeera bọ zim, emuton lọ nyina epu ni bịn emeeraam.

2 Bụo ạKorint 7:1

Iiḅi asiya, ịduon muguanaan bọ iyira ruguan phọ ịphen, owopha loor ayira ọsighe oomo ịkaraph lọ aruzu phọ rꞌaruwaloor phọ ayira mẹbiphigha, ọrol ghan dọl ọlogh ghan eegu Ẹnaan phọ, kụ ọwaam ghan ịdi yira kookuan oseleman ọmadan!

Bụo ạEfesos 1:13

Ịphen kụ ịdi imitenaan aani bọ ni inyina, mem mọ nyina ẹnaghan bọ ọghaaph igey phọ, Ooḅi Ọghaaph phọ ọpo iruom bọ inyina ọphel otene phọ. Nyina imeeraam ni Kraist, kụ Ẹnaan ịngo bọ inyina Uwaloor Iigbia phọ, ịdipho ọdi iguanaan bọ inyina, ọloghom elegh mọ nyina ạbuo ọno ni.

Bụo ạEfesos 4:22

Ịkporonaan igbaany ạroozo phọ nyina ẹrolom ghan bọ mem dị meten eroph, rọozo phọ ịpe ẹtuan bọ rụuphua amabi kụ rịphue ghan bọ inyina.

Bụo ạEfesos 4:25

Loor ịphen phọ, ọkpe kẹ́gba ghan mun. Tọrobo oye ạghaaph ghan igey kụ ạḅeni ọnyo asiya ọdi, ịdi eḍighi bọ oomo phọ ayira mọḅophoghan oḍighi nyoniin sịphe aloor phọ aKraist!

Bụo ạEfesos 5:4

Ọghaaph isa rꞌelologhi ọ́kpianaan ọghaaph ghan. Kẹ́maarom ghan ịnhu ịlo eḍighi ni ephigh. Ịmaar ịnhu ịlo ẹngo Ẹnaan ḍịseph.

1 Bụo ạTesalonika 1:5

Ilegheri mọ yoor ụ́sighe ọnhu bịn kụ iruomaan bọ inyina ooḅi ọghaaph phọ, ụḅaram ni ịikpo rꞌUwaloor Iigbia phọ, ọḅile omeeraam mọ ịpe yoor rọkaaph bọ ọkaraghi ịne ni. Nyina elegheri ni dọl phọ yoor ọtuan bọ rụmhu phọ anyina kụ ịrolan bọ inyina.

1 Bụo ạTesalonika 2:13

Yoor ọḅile ni rọseph Ẹnaan mọ, mem mọ yoor ọsighe bọ dom mọ Ẹnaan iruom inyina, nyina ịnaghan ni ẹmaghami ịyaar. Nyina ịsighe ni mọ kádom awe, mọ adom Ẹnaan phọ ni reḍighi bọ oḍighi loor anyina phọ memeeraam bọ — kụ ạri ịduon phọ ni.

Tạitos 2:11

Ịyaar phọ eḍighi bọ, Ẹnaan megananami ooḅi ọghor phọ ọdi ọphelom oomo awe.

Bụo aHibru 12:1

Kụ ịduon aḍiboom aḍita awe ọrol bọ okoom rụmiin iyira, ọnyagharanaan oomo ạraraar lọ kịimoromi iyira osereghi! Ọkporion rạghaagh tọrobo ịkaraph lọ ikpophonom iyira kụ obigh ekpom oghiilom eghiil phọ yira ọmoogh bọ!

Bụo aHibru 2:3

kụ ẹghiom ologhi ịdi ạghelhe phọ kạtol, eḍighi ịyaar lọ yira ọḅitonaan oboom mọ ạpeleeny phọ ọphon? Ọmoogh-we phọ rꞌaloor ọdi kụ ạphur ri agbeelom pẹleeny phọ ọphon phọ, kụ bụphe ọnaghan aani bọ uḍeenaan ni iyira ọkpaariom mọ agey phọ ni.

Bụo aHibru 4:2

Yira mọnaghan ni ooḅi ọghaaph phọ ịdipho bụo ọrugh phọ aMozis ọnaghan bọ. Ọghaaph phọ bịdi ọnaghan bọ bịdi sụo ọ́ngo, ịdi eḍighi bọ bịdi ụ́sighe omeeraam kụ ọnaghanam bọ.

Jems 4:8

Iḍuraan etuman Ẹnaan. Ọdi kaḍuraan aani ni ituman inyina. Iwopha yogh ịkaraph phọ anyina. Nyina awe ạsipioghom dị iloghi rẹbal ịyal, iitola yogh rạghaagh phọ anyina, egbuurogh iloghi phọ anyina ẹḅaalami.

1 Pita 1:22

Nyịidipho phọ nyina mẹnaghanan bọ igey phọ eselemian loor phọ anyina, dị tụtu ẹkuami ẹphomoghian bụo asiya phọ anyina, oniin ạphomoghian nyoniin rꞌoomo ologhi ọdi ạmadan!

1 Pita 1:9

ịdi eḍighi bọ aruwaloor phọ anyina rẹmoogh pẹleeny phọ ọpo aḍighi bọ ibugha omeeraam mọ anyina.

1 Pita 2:1

Loor ịphen phọ, ịbile yogh ịghughian, rꞌiigbegheḍiom, rꞌiituma, rꞌologhi ẹḍim, rꞌọphue aḍien.

1 Pita 2:11

Iiḅi asiya, ịdipho nyina eḍighi bọ buteneneen dị eru iiruen sịen aḅirini phọ, mị rịiḅereghian ni inyina mọ ịkporion rạghaagh ịkaraph ạruuphua iphulupul phọ ịpe retuphiom ghan bọ ẹgham ruwaloor phọ anyina.