Jems 1:2 - Ạḍinya Iigbia

² Bụo asiya ạmi, ịmoogh ghan ni iboom iboh mem lọ ịiḅaghami kịrokiro ịteeny inyina,

Jems 1:2 Iomraidhean Croise

Iiḍighi 5:41

Kụ bịdi ọḍua pạ ookpomoghan phọ rꞌibo dị Ẹnaan megbiom aani mọ ạbuno ọmanam ni ọtuan aḍien phọ ạJizos ọmiinom,

Bụo aRom 5:3

Kụ yira ọḅile ni oboh ghan mem ịiḅaghami, ịdi eḍighi bọ ịiḅaghami rịtughemi ghan iyira ọkparam.

Bụo aFilipai 1:29

Mịngo ni inyina eepoogh okumu aKraist, kómeeraam ọdi bịn, ẹḅaram ni ọtuan ẹmhu phọ ọdi ọmiinom.

Bụo aFilipai 2:17

Iini komoor ịḅaal aghuḍum mọ ạmi ịdipho amiim, ịlo omuneniom ịyaar aghuḍum mọ ọsighe bọ omeeraam mọ anyina kụ oḍighinom rọngo Ẹnaan. Eḍighi ịdipho, pọ ologhi ạmi ạḅaal li kụ mị ịḅophoghan ni inyina esi iboh phọ ạmi.

Bụo aFilipai 2:18

Nyina phọ kẹn ịḅaalami ologhi ịḅophoghan ịmi esi iboh phọ anyina.

Bụo ạKolosi 1:24

Kụ ẹḅaal li ologhi phọ ạmi ịduon mị ighol bọ inyina rạmiinom. Ịminimiin phọ ịphen iphulupul phọ ạmi rẹmiinom bọ ịlo ọmadanam ịminimiin phọ ịpe aKraist asugheeny bọ, mem mọ ọpo ọdi ạtuan bọ loor phọ ọdi sịosi phọ kụ ạmiinom bọ.

Bụo aHibru 10:34

Nyina ịnma ghan ni ighirigiir bụo ikoli, ḅịle mem lọ owum rạraar anyina ọsighiogh, nyina ịḅaal ghan ni ologhi ẹkparam muphe phọ anyina, ịdi eḍighi bọ nyina ilegheri ni mọ nyina ẹḅile ni ẹmoogh ịyaar dị kẹtol li kꞌagee-pọ, ẹnighe kẹn epu ịpe ephe bọ.

Jems 1:12

Iboh kꞌẸnaan edianaan ni oye lọ ạmerenyan ịiḅaghami; kozu ni nyọdi eghoony aghuḍum mọ ẹpe Ẹnaan eguanaan bọ bụphe ọphomoghian bọ nyọdi.

Jems 1:16

Iiḅi asiya ạmi, kéekeleghian loor anyina.

Jems 1:19

Iiḅi asiya ạmi, ilegheri mọ tọrobo oye ạnuun ghan ni ạnaghanan, ạaḅeghion ghan ikpo ọghaaph kụ ạghaaph, ịyaar ologhi ọdi kị́nuun ghan ịkagh,

Jems 5:11

Yira olegheri ni ọdo ọḅaal ologhi dị bụphe ọkparam bọ mem ịminimiin phọ ọmoogh ghan. Nyina mẹnaghan ni ọkparam mọ aJob, ẹḅile elegheri ịdipho Ọmoogh-we phọ ạngo bọ nyọdi ẹeḍiom ruukuna phọ. Ọmoogh-we phọ ạmoogh ni iboom igbiririph rꞌọnma ighirigiir.

2 Pita 2:9

Ịphen phọ eḍeenaan mọ Ọmoogh-we phọ ạmaar ri ọtophoron ghan aweye aruukuan omitiom esi ọdegh ophogh kịrokiro, ḅịle rꞌịlo oseere ghan abuḍighinom ịkaraph phọ dọl ịminimiin okoriom ghan aḍio ịiruen phọ.

Ogonanami Phọ 2:10

Oomiigh anyina kúkaph ghan ịlo ạraraar phọ kemiteghu bọ. Ịnaghanan. Eru phọ kẹloghoḍi ni buniin anyina ikoli ịlo ọdeghom anyina ophogh. Ịminimiin phọ anyina kẹtol ḍioph aḍughul-otu bịn. Ghạlamo rꞌosoph ni ooko anyina, iseere ologhi anyina esi ạmi kụ mị kizu ni inyina eghoony aghuḍum mọ.