Jems 1:19 - Ạḍinya Iigbia

¹⁹ Iiḅi asiya ạmi, ilegheri mọ tọrobo oye ạnuun ghan ni ạnaghanan, ạaḅeghion ghan ikpo ọghaaph kụ ạghaaph, ịyaar ologhi ọdi kị́nuun ghan ịkagh,

Jems 1:19 Iomraidhean Croise

Nehemaya 8:18

Kꞌemiighom amalhe phọ kụ ẹghi ẹteeny eekuna phọ, bịdi ạal ghan pạkiri Ologh phọ Ẹnaan ḍio etum ḍio. Bịdi ule ẹyaal phọ oḍual aḍughul-otu, kụ ḍio phọ emuneniom bọ ọphaanya aḍughul-otu phọ, kụ ọḅile ookpomoghan esi ịiḅereghi okureriom ẹyaal phọ ịdipho Ologh phọ ạḅem bọ.

Nehemaya 9:17

Bịdi úmeeraam ụ́naghanan; bịdi uwula ni oomo phọ ịpe nạ aḍighi bọ; bịdi uwula ni ịiḍaany phọ nạ aḍighi bọ. Esi ologhoma igbogh, bịdi ụsaḅar ri oḍiemiom dị kạsighe bịdi aḅulemi Ijipt ẹpe ạdol ạrebene phọ. Kụ nạ Ẹnaan dị rạsar ghan kạwilenaan; nạ oye ạghusan rꞌẹphomoghian dị ráagborion ghan oḍeenaan ịghagh iloghi. Ọnma ighirigiir ạna ạbugh ni; kụ nạ bịdi ọ́gunom.

Nehemaya 9:3

Esi ịraar ạwa asuo-kẹny, Ologh Ọmoogh-we Ẹnaan phọ ạbidi ụaal li ghisigh ạbidi kụ esi ịnon ịraar ạwa bịdi uutuma ni ịkaraph ạbidi kụ ooseeny Ọmoogh-we Ẹnaan phọ ạbidi.

Job 32:16

Mịna kaḅoorian bịn ạkiom ghan risigh ḍụghum mem dị bịdi moḅoroghian? Bịdi ọmeregha sịphe bịn ụ́moogh mun ịyaar ọghaaph.

Asidogh 10:19

Oboom ọghaaph, pọ ọpioman ọ́kpar. Nạ aḍighi oye ologhi, nạ kaḅoorian.

Asidogh 13:3

Miighe loor ịlo nạ rạḅem ọbo ạpham ghuḍum ạna. Oye lọ rạkaaph ghan ịyaar ịlo ạteeny rapiemian ghan loor.

Asidogh 14:17

Awe ofughughuuny roḍighi ghan rạraar elologhi; awe ologhi rọpoomi ghan loor.

Asidogh 14:29

Nạ ạphoomi loor, nạ aḍeenaan olegheri ịyaar; kụ nạ ạmoogh oboom ofughughuuny, nạ aḍeenaan ịdi nạ ịyaar úlegheri.

Asidogh 15:18

Ekpom remitiom ghan ịpakian, kụ ọkparam rạsighe ghan ẹepho karu.

Asidogh 15:2

Ọghaaph awe ologhi ratoor ghan we, kụ ikpo ọnhu awe elologhi ẹmhu ílho ghan.

Asidogh 16:32

Ẹnighe epu ọmoogh ọkparam, rꞌọmoogh ịnyaam; ọphamaghan aloor ẹnighe epu ọmaar ophogh ẹmha.

Asidogh 17:14

Emiighom ipakian ẹkigh ẹḅel esi dị eruphaan iikpe dị ọḅiir; sophe ọbo kebugh ghan bọ.

Asidogh 17:27

Oye lọ ạphoomi loor bịn kụ rạ́ḅa ghan oomo amem. Awe lọ ọrol oḅoorian bịn kụ rọmiin ghan ịlo retu.

Asidogh 18:13

Nạghan kụ agbi ọphagharanaan. Nạ óḍighi ịduon, pọ nạ uwo elologhi rꞌosu ọnhu.

Asidogh 18:21

Ịlo nạ ạḅem kẹpam ni ghuḍum mꞌepiemi. Nạ ạmoogh ọsighe ịlo ẹdaphan ịpe nạ ạghaaph bọ.

Asidogh 19:11

Nạ aḍighi oye ologhi, pọ nạ kạpama ofughughuuny ạna. Mem dị oye ạpioman nyịna, eḍighi eboom ịma ophogh ọḅitonaan.

Asidogh 19:19

Oye lọ ạmoogh ẹghologhol ekpom, bịle ọdi ạsighe ịikpia phọ. Nạ ạphel nyọdi ạsighe esi ịiḅaghami mem, nạ kạḅile ni ạpel.

Asidogh 21:23

Eḍighi dị nạ rạwa okpetenaan ịiḅaghami, pọ miigha loor kụ ạghaaph ịyaar.

Asidogh 25:28

Eḍighi mạar dị nạ kátue ạpamaghan ophin-ologhi ạna, nạ ạkigh ẹmha dị iikpe íkoom, kotue ni ozuom ẹgham.

Asidogh 29:20

Oboom oḍuom ologhi odianaan ni uwelologhi kụ apu oye lọ rạ́atughian ghan kụ kạghaaph.

Igbiighi 22:27

Mem dị ẹnam adool phọ ẹmiin bọ ọokpaany kꞌỌmoogh-we phọ kụ eḅololo ude ruwol ạBelam. ẠBelam órue ọ́pham ophin ologhi ọdi, bịn amiigh ọgurogh ẹnam adool phọ.

Matiu 5:22

Kụ mị rịḅeni ghan inyina mọ tọrobo oye lọ ạghagham umor ọdi ologhi, dị mạar ụ́piom, kọmagh ni nyọdi esi ạsiagba, kụ mọ oye lọ aḅom ẹmhu kụ ạḅeni umor ọdi mọ ‘Nạ ọga’ kọsighe nyọdi ọkimom otu ạsiagba ghisigh ikpolom awe phọ, kụ mọ oye lọ aphogh umor ọdi kụ ạḅitonaan mọ ọphon maphe, pọ ọdi ranyeene ni osuma ooni ạnian.

Elegh ạMak 12:37

“ADevid rꞌaloor ọdi aghol Mesaya mọ Ọmoogh-we, kụ ịḅile bọ eḍighi ika kụ ọdi katu bọ mọony aDevid?” Kụ aḍita phọ ọrol bọ ụnaghanan ni Jịzos rꞌọḅaal ologhi.

Elegh ạMak 2:2

Kụ awe dị ookpomoghan bọ ụphughan ni, dị rꞌesi ọrol ị́tol, ghạlamo rꞌọnhu aḍibuo otu phọ ni. Kụ ọdi odi rạkaaph ghan ọghaaph phọ Ẹnaan kạḅeni bịdi,

Elegh aLuk 15:1

Eniin aḍio, ịbadi ạbubonyiom iisogh rꞌabuḍighinom ịkaraph uru ni ịlo ọnaghanan ạJizos.

Elegh aLuk 19:48

kụ ịlo oḍighi úlegheri, ịdi eḍighi bọ oomo awe uzuumaam ni ọnaghanan ghan ịpe ọdi rạkaaph bọ.

Iiḍighi 1:15

Amem mọ ạmuen phọ kụ ẹdi aPita ạmeera ogbo ookpomoghan ạbuphe omeeraam bọ, dị ọghiom ni oniin okuron rꞌịyaldi,

Iiḍighi 10:33

Ịduon kụ iḍighi kụ mị arom bọ aruom kụ nạ maḍighi bọ eeḅi atu. Kụ nyịidipho aḍita ayoor odi risigh Ẹnaan ọnaghan oomo ịpe Ọmoogh-we phọ ạḅeni bọ nyịna mọ kạaph phọ.”

Iiḍighi 13:48

Kụ ịduon aruuruen phọ ọnaghan bọ ịphen phọ, bịn ọmoogh ọḅaal ologhi, kụ oboom ọghaaph Ọmoogh-we phọ. Kụ ạbuphe Ẹnaan mẹsaḅar bọ ọmoogh aghuḍum kꞌagee-pọ phọ omeeraam.

Iiḍighi 17:11

Bụen kụ ụnighe ẹzo opu bụphe ạTesalonika. Ụnaghanan ni ọghaaph phọ Ẹnaan rꞌophooph ologhi, ọoḅeghion ghan rịikpigh Ạḍinya Iigbia phọ ophogh tọrobo aḍio ịlo ọmiin mọ ịpe ạPol rạkaaph bọ ịne ni.

Iiḍighi 2:42

Kụ bụphe momeeraam bọ ọkuom loor ạbidi ọnaghan ghan ịtughemi abutelhedom mọ, rꞌọrolan ạdol abumor, rꞌọḅophoghan ọparion ạbred phọ, ḅịle rꞌọoḅereghi Ẹnaan.

Bụo ạEfesos 4:26

Kụ ịyaar ẹghagh iloghi anyina, kẹ́tuan ghan ịghagh iloghi phọ ẹpioghom sịpioghom. Ịghagh iloghi phọ anyina kị́tol ghan oomo ẹmhu aḍio.

Bụo ạEfesos 4:31

Ịkporion rạghaagh iloghi eghiḍim, rꞌẹḍim, rꞌịghagh iloghi, rꞌomoogha yogh, rꞌiitunyan, rꞌoomo ịitughian ạmulogh-ḍien.

Bụo ạKolosi 3:15

Ẹepho phọ ẹpe aKraist kụ eḍighi oye ịigbarion sịphe iloghi phọ anyina! Ẹnaan mịmagh inyina eekpomoghi eḍighi oniin oye ọghelom ẹepho phọ ẹphen. Kụ ịngo ghan ni ḍịseph.

Bụo ạKolosi 3:8

Kụ nyịidipho, ikel oomo ạraraar phọ ịphen — ophin ologhi, ịkaraph ạruuphua, ologhi ẹḍim. Ọghaaph ọphuenom aḍien oye rꞌọghaaph ipesi kẹ́kaaph ghan.

1 Bụo ạTesalonika 2:13

Yoor ọḅile ni rọseph Ẹnaan mọ, mem mọ yoor ọsighe bọ dom mọ Ẹnaan iruom inyina, nyina ịnaghan ni ẹmaghami ịyaar. Nyina ịsighe ni mọ kádom awe, mọ adom Ẹnaan phọ ni reḍighi bọ oḍighi loor anyina phọ memeeraam bọ — kụ ạri ịduon phọ ni.

Jems 1:16

Iiḅi asiya ạmi, kéekeleghian loor anyina.

Jems 1:2

Bụo asiya ạmi, ịmoogh ghan ni iboom iboh mem lọ ịiḅaghami kịrokiro ịteeny inyina,

Jems 1:26

Oye lọ ạḅem mọ ọno ameeraam Ẹnaan kụ nem ọdi óoko, pọ ọdi rabia ni loor ọdi, omeeraam mọ ọdi kẹn ọ́man ịyaar.

Jems 2:1

Bụo asiya ạmi, ịduon nyina memeeraam bọ Jịzos Kraist Ọmoogh-we phọ ayira, ọpo ạmoogh bọ eghuan phọ, képogh ghan ọolha epophe, ephogh uwekulom esooromi.

Jems 2:5

Iiḅi asiya ạmi, ịnaghan. Ẹnaan ị́saḅar ḍịen rukulom aḅirini phọ ọphon mọ ọtuan omeeraam mọ ạbidi oḍighi rạalha, ọḅile oliom aani erua ọmar phọ dị aguanaan bọ oomo ạbuphe ọphomoghian bọ nyọdi?

Jems 3:10

Ikpo ọnhu ạḍiseph rꞌikpo ọnhu iitunyian ẹḍua ghan ni pạ oniin phọ ọnhu phọ kụ remite. Bụo asiya ạmi, ịphen kímite ghan!

Jems 4:11

Bụo asiya, kẹ́gbaanaan ghan oye ịkaraph. Ọlo ạgbaanaan ọnon ọnyo asiya esi aKraist kụ asophonaan ọkaraph ọoruen, pọ mạghaaph ạpuenom Ologh phọ, akolaam mọ ọno oye ịiruen. Eḍighi dị nạ rạaḅeghion ghan Ologh phọ kaphogh, pọ nạ rạ́naghanan mun Ologh phọ, nạ maghola ḍien mọ ạna oye ịiruen.

Jems 5:12

Bụo asiya ạmi, ịdi epu pạ, kékunya ghan iikunya. Kẹ mꞌade mꞌẹnon ịyaar kékunyaam ghan. Ịḅem ghan mọ ii, mem lọ eru ịne, mọ eeye, mem lọ ítu ịne. Kẹ́loghom ghan ịnon, ọbo Ẹnaan kesoph ọoruen ẹḅam rụmhu anyina.

Jems 5:19

Bụo asiya ạmi, ilegheri mọ oniin ọnyo anyina ạgbatanaan igey areten phọ Ẹnaan, kụ ọlo ạmagh nyọdi esi ịkaraph phọ ọdi aḅulemi, pọ mạphel uwaloor phọ ọpo ạsighe esi aḍuugh, ạḅile aḍighi dị mọsar ịminighan ịkaraph ọwilenaan.

1 Jọn 2:21

Mị ụ́tuan ịdi nyina ílegheri igey phọ kụ rạge bọ, mị ụtuan ghụn ịdi nyina elegheri ni ḅịle kẹn mọ ọkpe rạ́ḍua ghan esi igey kụ kamite.