Jems 1:18 - Ạḍinya Iigbia

¹⁸ Mem mọ yira omeeraam bọ igey ikpo ọnhu phọ ọdi, ọdi ạsighe ni ịitughian ọdi kụ ụmaram bọ iyira, ọbo yira kụ oḍighi bụḅel sịphe emoom eghunotu phọ ọdi.

Jems 1:18 Iomraidhean Croise

Jerimaya 2:3

Ịzirel, nyina iḍighi bụo ạmi bịn; nyina iḍighi we iigbia ạmi. Mị ụngo ghan ịminimiin ạḅile aagulemi tọrotoro oye lọ iḍighi inyina ịyaar lọ ị́nighe. Mị Ọmoogh-we phọ kụ ụghaaph.”

Lịvitikos 23:10

mọ ạḅeni we phọ Ịzirel mọ, “Mem dị nyina ẹghi esi ẹpe ade phọ mị ịngo bọ inyina kụ nyina rebugha riiḍien phọ nyina eḅeph bọ, ịsighe ghan ẹḅel eḍien ibugha phọ anyina ẹghiom oyil ạrikia phọ.

Ẹmos 6:1

Pọ eeghe ịminimiin dị kịrolonaan inyina phọ edimom bọ dọl ẹereegh ẹpe Zạyon, ḅịle rꞌanyina phọ ẹḅem bọ mọ ịiḅaghami ílho ẹpe Sameria — nyina igbogh awe egbogh eelhe phọ ẹphen Ịzirel, nyina phọ ạbuen phọ awe phọ oḍuom bọ ologhi esi ọloghonaan ạḍighaagh!

Elegh ạJon 1:13

Bịdi úgbiighiom ologhi bịn kụ ọmaraghi bọ nmụny phọ Ẹnaan. Ụ́mar bịdi oopho ẹmaram, ịdipho eḍighinom ịyaar ịḅaal rꞌiphulupul. Ẹnaan rꞌaloor ọdi kụ Ọde phọ ạbidi.

1 Bụo ạKorint 4:15

Ghạlamo ịdipho kótue bọ ni ọbal omuneni riibia dị rịtughemi inyina ịlo aKraist, ạburude anyina úḍiza. Mị ughol ooḅi ọghaaph phọ kụ aḍighi bọ ọde anyina esi ạJizos Kraist.

2 Bụo ạKorint 6:7

rꞌọghaaph ghan igey phọ, rꞌịikpo phọ Ẹnaan, oḍeenaan mọ olegheriom mọ yoor roḍighinaan ghan Ẹnaan. Aruukuan kụ ịinya phọ yoor ọsighe bọ rotuphiom ghan ẹgham mọ kọḅile ọsuaram ikpo phọ.

Bụo ạEfesos 1:12

Ịduon yoor kụ oḍighi bọ bụḅel dị ọmoogh oḍuom ologhi esi aKraist, ọdi mụsaḅar iyoor mọ ọrol dọl dị awe kọtuan oboom ghan eegu phọ Ẹnaan.

Bụo ạEfesos 1:13

Ịphen kụ ịdi imitenaan aani bọ ni inyina, mem mọ nyina ẹnaghan bọ ọghaaph igey phọ, Ooḅi Ọghaaph phọ ọpo iruom bọ inyina ọphel otene phọ. Nyina imeeraam ni Kraist, kụ Ẹnaan ịngo bọ inyina Uwaloor Iigbia phọ, ịdipho ọdi iguanaan bọ inyina, ọloghom elegh mọ nyina ạbuo ọno ni.

2 Timoti 2:15

Kpạrami ḍịghaagh oḍighi phọ, pịdi Ẹnaan ẹsighenom mọ nạ oye arukumuan dị oḍighi phọ ạna umugholoor rákiilom. Mạar ạaḅeghion ọghaaph igey phọ kꞌẸnaan ạtughemiom ghan we.

Bụo aHibru 12:23

Nyina meru eekpomoghan sịphe ịkpana ạnmuny phọ mọgeeghi bọ siḍien phọ ạbidi ẹpe kꞌạke odi bọ roboh iboh phọ. Nyina meru ẹteeny Ẹnaan, oogboom ịiruen oomo awe phọ, ḅịle rꞌaruwaloor awe aruukuan phọ moseleman bọ.

Jems 1:15

Ịdipho oomor mọony ọmar kụ aḍighi oye ạkpo ạmanam ramugh ghan bọ, kụ ịdi ẹkaraph ẹephua reemor ghan kẹmar sịpioghom, kụ eekuna ạsipioghom mọ pọ aḍuugh.

Jems 1:21

Ịkporion rạghaagh oomo isa rꞌịkaraph dị rekil ọoye, esooromi loor ghisigh Ẹnaan, ẹnaghanan ọghaaph phọ ọpo ọdi mạzuph bọ sịphe iloghi phọ anyina. Ikpo ọnhu phọ ịpe kụ ketue ịphel inyina etene.

Jems 3:14

Kụ eḍighi mạar dị nạ ạmoogh ologhi ẹḍim rꞌịkaagh, pọ káḅom ẹmhu ạkaaph ịlo ọphuenom igey phọ.

1 Pita 1:23

Ẹnaan mẹsighe ekpo ọnhu aghuḍum mọ ọdi edi ghan bọ kꞌagee-pọ phọ ịmaram inyina; nyina meḍighi nmụny Ọde dị rámugh ghan, odi ghan kꞌagee-pọ.

1 Pita 1:3

Ạḍiseph ẹrolonaan Ẹnaan rꞌỌde phọ ạJizos Kraist Ọmoogh-we phọ ayira. Loor oboom ọnma ighirigiir phọ ọdi, ịdipho ọdi aḅeton bọ Jịzos Kraist sịphe aḍuugh phọ, mọḅile ụmar iyira ọlogh ghuḍum oḍuom ologhi,

1 Jọn 3:9

Tọrobo oye lọ mọmar ọḅile ọmar ráḍighi yogh ghan ịkaraph, ịdi eḍighi bọ ạroozo phọ Ẹnaan edi ni loor phọ ọdi. Ịdipho kẹn Ẹnaan kụ maḍighi bọ Ọde ọdi, ọdi kámighirom aḍighi yogh ịkaraph.

Ogonanami Phọ 14:4

Bịdi kụ awe phọ ruwaloor phọ ạbidi ụ́puenaan bọ, ịdipho ạregelenya dị kọ̋rolan ghan esi rꞌạnmariir. Bịdi rọdaph ghan ni Mọony Oyool-ọga phọ tọrobo ekpisi lọ ọdi rạki. Mọtagharan bịdi ọsighe rạghaagh ạbueri phọ awe aḅirini phọ, mọ oḍighi iimuma phọ ogbiom bọ ạya phọ ọngo Ẹnaan rꞌỌony Oyool-ọga phọ.