Jems 1:17 - Ạḍinya Iigbia

¹⁷ Oomo phọ igey inmo phọ yira ọmoogh bọ ịḍua ni esi Ẹnaan kụ eru bọ. Ọdi kụ ạlhemogh oomo phọ ịpe rẹmu bọ ẹpe kꞌạke phọ. Ạraraar phọ ịpe phọ reenmeeghian ghan ni, kụ Ẹnaan rénme ghan eḍighinom ịyaar phọ dị ruḍighi ghan bọ iyira.

Jems 1:17 Iomraidhean Croise

Emiighom 41:16

ẠJosef ạphagharanaan mọ, “Ílho esi ạmi. Ẹnaan kẹpagharanaan ni ọdaam eelhe phọ ịdi kẹnighenaan nyọdi.”

1 Krọnikuls 22:12

Kụ Ọmoogh-we Ẹnaan phọ ạna ạngo nyịna olegheri-ịyaar rꞌologhi ẹrol dị nạ ạda Ịzirel ịdi emeeraam ologh phọ ọdi.

1 Krọnikuls 29:19

Ngọ mọony phọ ạmi Sọlomon ogey ologhi rꞌẹephua ọnaghanan ghan ịlo nạ ạto ḅịle rꞌọlogh Otu Ịiḅereghi phọ ọpo mị ạtuan bọ kụ aakolobian ịphen.”

Ạsuor 102:27

Kụ ọlo, nạ kạtol li bịn, nạ káḍighi ogbaany.

Ạsuor 122:6

Ịiḅereghinaan ẹepho esoor Jeruselem: “Bụphe ọphomoghian bọ nyịna ọmoogh edughom!

Ạsuor 136:7

Ọdi ạlhem erumuḍio rꞌụnwanyu; ẹphomoghian phọ ọdi edi ghan bịn kꞌagee-pọ.

Ạsuor 84:11

Ọmoogh-we kụ ọsuaram ayoor, ọkpoghoron eegu ayoor dị ụsephom ghan iyoor rꞌọnma ighirigiir rꞌeegu. Ọdi rákel ghan ịyaar lọ ẹnighe esi ạbuphe roḍighi bọ igey.

Ạsuor 85:12

Ọmoogh-we phọ kạḅile ụngo iyoor ẹelha, kụ ade phọ emitiom igey ibugha.

Asidogh 2:6

Ọmoogh-we phọ kụ rạngo ghan ologhi; esi ọdi kụ ẹdi olegheri-ịyaar rꞌọnaghanan ạḍua aru.

Azaya 28:26

Ọdi alegheri ịlo oḍighi oḍighi phọ ọdi, ịdi eḍighi bọ Ẹnaan mẹtughemi ni nyọdi.

Azaya 45:7

Mị ạlhem ḍịḅaal rꞌufiri; mị ạngo ḍịseph rꞌịiḅaghami. Mị Ọmoogh-we phọ kụ uḍighi oomo ạraraar phọ ịphen.

Azaya 46:10

Kꞌemiighom mọ mị ụmiin ni ịphen emite bọ; kꞌaḍiodi mị ụḅem ni ịphen memite bọ. Mị ụḅem mọ igbiighi ạmi kẹ́piom ghan, mọ mị kaḍighi ni tọrobo ịyaar lọ mị agbiighi oḍighi.

Azaya 60:19

“Amem kẹ́tol mun dị erumuḍio kụ kẹḅile ẹngo nyịna ḍịḅaal ootaany Ḅịle ụnwanyu kụ kạngo nyịna ḍịḅaal ḍughul; Mị Ọmoogh-we phọ kụ kaḍighi ḍịḅaal ạna kꞌagee-pọ; Ạḍiḅaal eegu phọ ạmi kẹmuom nyịna.

Malakai 3:6

“Mị kụ Ọmoogh-we phọ kụ mị ránmia ghan. Kụ iḍighi kụ nyina, ẹemara ẹemara phọ ạJekob, kőpe ọmadan.

Igbiighi 11:17

Mị kasoor sịphe phọ kụ ạḅaanaan nyịna, kụ mị ạsighiogh iniin aruwaloor phọ mị mạngo bọ nyịna adoghoḍi loor ạbidi. Kụ bịdi kọloghonaan nyịna ḍịghaagh ọpham awe phọ ạbuen, ọbo adool phọ kéḍighi mun ḍịo ogina ạna bịn.

Igbiighi 11:25

Kụ Ọmoogh-we phọ asoor ude sịphe ologhi ọotu phọ, kụ ạrol ạḅaanaan nyọdi. Ọdi ạsighiogh iniin aruwaloor phọ ọdi ạngo bọ Mozis, kụ adoghoḍi loor oḍualdi ikumoor awe phọ, kụ mem dị aruwaloor phọ eḍiku bọ loor ạbidi, kụ bịdi omiigh ọlooghi ịlo ariil, kụ íbia.

Igbiighi 23:19

Ẹnaan ị́kigh ịdipho awe dị rọgba ọkpe; Ọdi kọ́ony oye dị kanme ologhi ọdi. Tọrobo ịlo ọdi aguanaan, ọdi kaḍighi ni.

Matiu 7:11

Ghạlamo nyina ạbukaraph phọ, bịn rẹngo ghan ni nmụny anyina igey ạraraar, kụ ẹghiom nụun ologhi ịdi Ọde phọ anyina odi bọ kꞌạke phọ kạngo bụphe ọlom bọ nyọdi igey?

Elegh aLuk 11:13

Ghạlamo nyina ạbukaraph phọ bịn rẹngo ghan ni nmụny anyina igey ạraraar kụ ẹghiom nụun ologhi ịdi Ọde phọ anyina odi bọ kꞌạke phọ kạngo bụphe ọlom bọ nyọdi Uwaloor Iigbia phọ?”

Elegh ạJon 1:9

Ọkar ạḍiḅaal phọ resoorom ghan bọ oomo awe rẹnyaaghian ghan ni omite ịsien aḅirini phọ.

Elegh ạJon 3:27

Kụ ạJon mọ, “Oye kátue bịn ạmoogh ịlo Ẹnaan kụ nyọdi ị́ngo.

Elegh ạJon 3:3

Kụ ạJizos ạphagharanaan mọ, “Mị ạkar rạḅeni nyịna mọ oye lọ ụ́mar ụḅile ụmar kạ́miin ọmar phọ kꞌẸnaan.”

Elegh ạJon 8:12

Kụ ạJizos ạḅile ạghaaph ạḅeni bịdi mọ, “Mị kụ ạḍiḅaal aḅirini phọ. Ọlo ụdaph ịmi kátelhe mun esi ufiri, kạmoogh ni ḍịḅaal aghuḍum.”

Iiḍighi 11:18

Bịdi ọnaghan bọ ịphen phọ, ịyaar ụ́ḅem, uboom ni Ẹnaan kụ ọḅem mọ, “Ịduon phọ pọ Ẹnaan memeera mọ aruuruen phọ okiton esi ịkaraph phọ ạbidi ọmoogh aani ghuḍum.”

Iiḍighi 5:31

Kụ Ẹnaan ephoophe nyọdi ẹrolomi ḍịghaagh elhiom mọ ọdi, eḍighi Oḍiemiom rꞌỌpelia ịlo aweye phọ Ịzirel kokiton esi ịkaraph phọ ạbidi, ọbo ọmoogh ọsar ọwilenaan.

Bụo aRom 6:23

Ịikpia phọ ịkaraph, aḍuugh; kụ aruunmo phọ kꞌẸnaan, aghuḍum kꞌagee-pọ, dị rạtuan ghan Jịzos Kraist Ọmoogh-we phọ ayira kụ karu.

1 Bụo ạKorint 4:7

Ạnhian kụ aphophe bọ nyoniin ọnyo anyina apuemi bụeri phọ? Ẹnaan kụ inyina ị́ngo bọ oomo ạraraar phọ nyina ẹmoogh bọ ḍụghum? Kụ eru ni ruunmo, nyina ighol eeghe nụun kụ rebaga ghan bọ?

2 Bụo ạKorint 4:6

Ẹnaan phọ ẹḅem bọ mọ, “Ạḍiḅaal kemite ni esoor sịphe ufiri phọ,” kụ egina phọ Ẹnaan phọ eḍighi bọ ni dị ạḍiḅaal phọ ọdi rẹmu bọ iloghi phọ ayira ọsighenom ạḍiḅaal olegheri eegu phọ Ẹnaan rẹmu bọ ghisigh phọ aKraist oruom ayira.

Bụo ạEfesos 1:18

Mị rạlom ghan mọ ọdi aghunyon iloghi phọ anyina ẹmiin ẹphalaḅaal phọ ọdi, ọbo nyina elegheri ọdo oḍuom ologhi phọ ọdi ạtu bọ kụ ịmagh bọ inyina, rꞌọdo eboom ẹelha ạḍiseph phọ ọdi aguanaan bọ we phọ ọdi,

Bụo ạEfesos 2:8

Kụ Ẹnaan ịtuan omeeraam mọ anyina kụ mẹnma bọ ighirigiir ịphel inyina etene. Kéḍighinom ịyaar anyina. Ẹnaan kụ inmoom inyina. Ịyaar ọtuan obaga ílho.

Dutoronomi 4:19

Ọbo nyina kẹnmanaghian ghan bọ epogh ẹpe ạnyu ạke bịn nyina rẹmiin erumuḍio phọ mꞌụnwanyu phọ mꞌạraanaan phọ rꞌaḍita ạraraar phọ edi bọ ẹpe kꞌạke, bịn rinyuughi inyina ọghi ọoḅereghi ghan okumu ạbidi. Ịphen phọ Ọmoogh-we Ẹnaan phọ anyina madiemi bọ oomo ịnon areelhe phọ edi bọ sịen aḅirini phọ mọ ọoḅereghi,

Bụo aFilipai 1:29

Mịngo ni inyina eepoogh okumu aKraist, kómeeraam ọdi bịn, ẹḅaram ni ọtuan ẹmhu phọ ọdi ọmiinom.

1 Timoti 6:16

Ọdi bịn kụ ọdi rámugh ghan, atugh sịphe ạḍiḅaal phọ oye ẹda kạ́daari bọ. Oye ekpeḍien nyọdi kọ̋miinom ghan, kụ oye ekpeḍien nyọdi kạ́miinom. Eegu phọ rꞌịikpo kꞌagee-pọ phọ ẹrolonaan nyọdi! Ẹrol li ịdipho!

Bụo aHibru 13:8

ẠJizos Kraist oniin phọ ni iḍue phọ eten bọ rꞌarodon ḅịle kꞌagee-pọ.

Jems 1:5

Ọnyo anyina lọ ụ́moogh olegheri ịyaar ạlom Ẹnaan esi ịiḅereghi, kụ Ẹnaan phọ rẹ́ekpukian ghan bọ ọngo inmo oomo aweye kẹngo ni nyọdi!

Jems 3:15

Ọdo olegheri ịyaar phọ ọphon, ọlo ịsien aḅirini phọ, ọ́ḍua ẹpe kꞌạke kụ aru; ọlo Eru, kọ́lo Uwaloor Iigbia phọ.

Jems 3:17

Esi omiighom, ịyaar rẹ́biph ghan olegheri ịyaar phọ ọpo ạḍua bọ kꞌạke kụ aru, ḅịle kẹn sighiton rạ́wa ghan. Rạnma ghan ghụn ighirigiir kạmoogh eeḅi ẹzo rꞌigbiririph, kụ kamuum iimuma igey iiḍighi. Ọ́moogh ịiseeny rꞌọkulakula ologhi.

1 Jọn 1:5

Ḍịen kụ adom mọ yoor ọnaghan bọ esi Ọony phọ ọdi, kụ ogbeel bọ rịḅeni ghan inyina, mọ Ẹnaan phọ ạḍiḅaal bịn, rꞌẹnum ufiri ólho ghan esi ọdi.

1 Jọn 4:10

Ẹmhu ẹphomoghian phọ ịduon: kị́di yira ọphomoghian Ẹnaan, ịdi ghụn ọdi ụphomoghian iyira kụ ạsighe bọ Mọony phọ ọdi aḍighi ọmur rꞌiphorobo dị owophom ịkaraph phọ ayira ọsighe.

Ogonanami Phọ 21:23

Ẹmha phọ ị́moogh ịyaar oḍighinom ạḍiḅaal erumuḍio phọ rꞌụnwanyu phọ, loor esi dị ạḍiḅaal eegu phọ Ẹnaan esoorom ni nyọdi, ḅịle Ọony Oyool-ọga phọ kụ ọtozi ọdi.

Ogonanami Phọ 22:5

Aḍughul kékul mun, bịdi ịtozi mꞌogogo kọ́wa mun, ịdi eḍighi bọ Ẹnaan Ọmoogh-we phọ kụ kaḍighi ḍịḅaal phọ ạbidi, kụ bịdi ọtooghi rạraar ịdipho ạbudaam, ọda ẹmha phọ kꞌagee-pọ kꞌagee-pọ.

1 Sạmuel 15:29

Egbogh Ẹnaan phọ Ịzirel rạ́gba ghan ọkpe, ḅịle kẹn ránme ghan ologhi ọdi. Ọdi kóye — ọdi ránme ghan ologhi ọdi.”