Jems 1:15 - Ạḍinya Iigbia

¹⁵ Ịdipho oomor mọony ọmar kụ aḍighi oye ạkpo ạmanam ramugh ghan bọ, kụ ịdi ẹkaraph ẹephua reemor ghan kẹmar sịpioghom, kụ eekuna ạsipioghom mọ pọ aḍuugh.

Jems 1:15 Iomraidhean Croise

Emiighom 2:17

epel oreeny olegheri igey rꞌịkaraph phọ. Kále eemuma oreeny phọ ọpo; eḍighi ịyaar dị nạ alhe, nạ ramugh ni mem mem mọ.”

Emiighom 3:6

Mem dị ạnir phọ ạmiin bọ ẹnighe oreeny phọ, kụ ạḅile ạnaghan ịdi eemuma phọ kẹdugh, rꞌịiḍaany dị keḍighi dị oye phọ kạsu ologhi, ạnir phọ ạkapharan eemuma oreeny phọ alhe. Kụ ọdi ạngo aani olhom mọ ọdi, kụ olhom mọ alhe aani.

2 Sạmuel 11:4

ADevid arom butelhedom mọ ọghi ọmagh ạnir phọ; kụ bịdi ọsighe ạnir phọ oruom nyọdi kụ ịyal phọ ạbidi ọrolan esi. (Pụruku ạnir phọ ạphighiron ni ạmadan ẹkia oselemian aloor ẹlo ụnwanyu phọ.) Kụ ạnir phọ aten agheel ẹpe kꞌạbidi.

Job 15:35

Bụen phọ kụ awe phọ rogbiighi ghan bọ ịiḅaghami kụ oḍighi ịkaraph; sịphe iloghi phọ ạbidi iigbegheḍiom bịn kụ imuza.

Ạsuor 7:14

Mịin ịdi remitenaan ghan oye lọ ragbiighiom ghan ọnon oye ịkaraph rꞌịlo ị́nighe.

Ạsuor 9:17

Aḍuugh kụ ịikpia ạbuo ạsipioghom mọ rꞌoomo areelhe phọ ịpe owula bọ Ẹnaan.

Asidogh 11:19

Tọrobo oye lọ ạkururu oḍighi ịlo ẹnighe kạtol li kụ tọrobo ọlo ạmoogh ḍịḅeeraan oḍighi ghan ịkaraph kamugh ni.

Azaya 33:11

Igbiighi phọ anyina ị́man mạar, kụ tọrobo ịyaar dị nyina eḍighi oopho ni bịn. Uwaloor ạmi ạkigh ịdipho ạnian dị kiphiemi inyina.

Azaya 59:4

Nyina esoor erugh ịiruen, kụ iphum inyina. Nyina eḍuom ologhi ọgba ọkpe kụ ọmooghom akeel. Nyina emitenom ịkaraph igbiighi ịlo oḍighi ịyaar bụnon awe.

Matiu 26:14

Ịphen phọ reten, kụ aJudas Ịskariot oniin sịphe aḍioph rꞌịyal ạbumatuan phọ, ạḍua ni ạghi ạteeny bụo ạrumhu ariil ạrikia phọ,

Matiu 5:28

Kụ mị rịḅeni ghan inyina mọ tọrobo oye lọ aphogh ạnir-ephoph kụ ạruuphua olhe ẹmha ẹphu, pọ malhiom ni ạnir phọ ọpo phọ ẹmha sịphe ologhi phọ ọdi.

Jems 1:14

Ọdegh ophogh rạteeny ghan oye mem lọ ẹkaraph ẹephua ọdi meru ẹḍa ologhi phọ ọdi.

Jems 1:18

Mem mọ yira omeeraam bọ igey ikpo ọnhu phọ ọdi, ọdi ạsighe ni ịitughian ọdi kụ ụmaram bọ iyira, ọbo yira kụ oḍighi bụḅel sịphe emoom eghunotu phọ ọdi.