Jems 1:12 - Ạḍinya Iigbia

¹² Iboh kꞌẸnaan edianaan ni oye lọ ạmerenyan ịiḅaghami; kozu ni nyọdi eghoony aghuḍum mọ ẹpe Ẹnaan eguanaan bọ bụphe ọphomoghian bọ nyọdi.

Jems 1:12 Iomraidhean Croise

Emiighom 22:1

Ịphen phọ reru eten, kụ Ẹnaan ẹdegh Ebraham kụ ẹmagh, “Ebraham,” kụ ọdi ameera kụ ạḅem mọ, “Pọrono, ạmi sịen.”

Nehemaya 1:5

“Ọmoogh-we Ẹnaan kꞌạke, nạ ạbugh ni kụ yoor ọmeera esi oghiilaan ạna. Nạ raako ghan ni ịyo lọ nạ aghiran rꞌawe phọ ạbuphe ọphomoghian bọ nyịna kụ roḍighi ghan bọ ịlo nạ ạḅem.

Job 2:10

AJob ạphagharanaan mọ, “Ọghaaph phọ ạna ọ́moogh ịyaar oḍighinom. Mem dị Ẹnaan ịngo iyira igey ạraraar, yira rọsighe ghan ni. Keḍighi bọ ika kụ yira ọḅa mem dị ọdi ụngo iyira ịkaraph?” Ghạlamo ịduon ọdi ạmiinom bọ ni oomo phọ ịphen phọ, aJob ọ́ghaaph ịkaraph ịlo Ẹnaan.

Job 5:17

Ọḅaal ologhi odianaan oye dị Ẹnaan kụ eelemi. Kákire mem lọ ọdi rạḅaam nyịna.

Ạsuor 11:5

Ọmoogh-we phọ rạaḅeghion ghan ni bụo aruukuan rꞌạbuo ạsipioghom mọ kaphogh, ạsighe oomo ologhi phọ ọdi akelom bụphe iilogh róoko bọ.

Ạsuor 119:67

Tụtu nạ rụlhiom ịmi, mị mạpioman ghan ni, kụ ọlo nyịidipho mị rạnaghanan ni ekpo phọ ạna.

Ạsuor 119:71

Ạmuliom mọ ạmi ạnighenom ni rꞌạmi loor esi dị eḍighi ịdi mị ạtuugha ịtooghi phọ ạna.

Ạsuor 119:75

Mị alegheri ni mọ ịiruen phọ ạna eseleman ni, Ọmoogh-we, kụ nạ ụlhiom ịmi loor esi dị nạ raḍighi ghan ni ịpe nạ ạghaaph bọ.

Ạsuor 5:11

Oomo ạbuphe omeeraam bọ nyịna ọmoogh iboh, ọmoor ghan sụor rꞌọḅaal ologhi. Kpeekpereghi bịdi pịdi oomo ạbuphe ọphomoghian bọ ḍien phọ ạna ọmoogh iboh.

Ạsuor 94:12

Ọmoogh-we, ọpo eeghe ọḅaal ologhi dị odianaan oye dị nạ kụ aromoghiom, ọpo nạ ạtughemi bọ ologh phọ ạna.

Ẹḍua 20:6

Kụ ọnma ighirigiir kạtolonaan ni sịmuunir ạbulo ụphomoghian ịmi kụ ooko ghan iilogh phọ ạmi.

Asidogh 17:3

Ogey agol rꞌasilva kọlogh nịan kụ olegheriom, kụ ologhi oye Ọmoogh-we phọ bịn kụ ralegheri ghan.

Azaya 64:4

Oye kꞌekulha kọ̋rol ghan dị mạmiin ghan, ạḅile ạnaghan ịlo ọdo Ẹnaan dị ẹrol ịdipho ạna, dị aḍighi ọdo ạraraar phọ ịphen ạngo bụphe ọkpasi bọ oḍuom ologhi ạbidi esi ọdi.

Zẹkaraya 13:9

Ḅịle kẹn, mị kạdegh ni apogh bin phọ ạmuphe asugha bọ kụ mị aselemi bịdi ịdipho rọsighe ghan bọ nịan koselemiom silva. Mị kạkar ri apogh bịdi ịdipho ropogh ghan bọ gol. Kụ bịdi ogbi ọoḅereghi ghan ọngo ạmi, kụ mị kạpagharanaan ghan ni bịdi. Mị kạḅeni ni bịdi mọ bịdi awe ạmi ni, ḅịle kẹn bịdi kọkaaph ghan ni omitiom mọ mị kụ Ẹnaan phọ ạbidi.”

Matiu 10:22

Oomo awe kịlogh ni inyina ḍien loor ẹmhu phọ ạmi, kụ oye lọ ạkparam asi eekuna phọ, kạmoogh ni pẹleeny.

Matiu 25:34

Kụ ọdi ạḅeni bụphe odi bọ ḍịghaagh elhiom mọ ọdi mọ, ‘Itu. Nyina awe dị Ọde ạmi ạseph. Ile erua ọmar dị iseleminaan inyina kꞌẹḅel egbiom aḅirini phọ.

Elegh aLuk 6:22

“Iboh kꞌẸnaan ịrolonaan inyina mem dị awe ịlogh inyina ḍien kụ ighel inyina kụ iituuny inyina kụ isuughi inyina ịnhu loor ẹmhu Ọony phọ Oye.

Bụo aRom 5:4

Kụ Ẹnaan ighol ọkparam mọ ayira kụ emeeraam bọ mọ ạroozo phọ ayira ẹnighe ni, kụ yira mọtuan ịduon phọ ọmoogh aani oḍuom ologhi.

Bụo aRom 8:28

Yira olegheri ni mọ Ẹnaan rẹlogh ghan ni ḍịghaagh mọ oomo ạraraar ẹnighenaan bụphe ọphomoghian bọ nyọdi, bụphe ọdi ạatughian bọ kụ ạmagh.

1 Bụo ạKorint 2:9

Kụ Ẹnaan mẹsighe Uwaloor phọ ọdi egananamiom iḍeenaan iyira rạraar ịbooghian phọ ọdi. Ịdipho ạḍinya iigbia phọ ẹḅem bọ, “Rạraar dị oye kꞌekulha ụ́miin, kꞌekulha ụ́naghan; ịdi kꞌekulha ụ́utughian mọ kemite, ịphen kụ ạraraar phọ Ẹnaan eekolobian bọ eseenaan bụphe ọphomoghian bọ nyọdi.” Uwaloor Iigbia phọ alegheri ni oomo ạraraar ạman, ghạlamo rꞌeekuna ịitughian ịbooghian phọ Ẹnaan ni.

1 Bụo ạKorint 8:3

Kụ Ẹnaan rẹloghoma ghan ni oye lọ ạphomoghian nyọdi.

1 Bụo ạKorint 9:25

Oophugha ephegh dị odi ịtuugha rạtuan ghan ni ọzola aḍuphuuph iphelegbe phọ kẹḅuura bọ ni bịn kápogh ekeeny rꞌelhiom; kụ yira ghụn ụtuan ọzola ạḍidi kẹ́ḅuura kꞌagee-pọ kụ rokiil ghan bọ.

Dutoronomi 13:3

pọ kẹ́naghanan ọghaaph oyil phọ ọpo mꞌọmalhaam rạmalha phọ ọpo, ịdi eḍighi bọ Ọmoogh-we Ẹnaan phọ anyina kụ rịdeghogh ghan inyina ophogh mụghumo nyina ẹpomoghian ni Ọmoogh-we Ẹnaan phọ anyina rꞌoomo ologhi anyina rꞌoomo uwaloor anyina.

Dutoronomi 7:9

Kụ ilegheri mọ Ọmoogh-we Ẹnaan phọ anyina, ọdi kụ Ẹnaan oḍuom ologhi dị raako ghan ịyo phọ rꞌọnma ighirigiir esi ạbuphe ọphomoghian bọ nyọdi, kụ rooko ghan bọ iilogh phọ ọdi, esi oniin ọonir oghiil.

Dutoronomi 8:2

Kụ ẹetughian ghan oomo areten phọ ịpe Ọmoogh-we Ẹnaan phọ anyina irelhiom bọ inyina inyadi ạsia phọ ẹpe ẹdala phọ, isooromi bọ inyina, ịdeghogh bọ inyina ophogh ọmiin ịpe edi bọ iloghi phọ anyina, mụghumo nyina reeko ni iilogh phọ ọdi, mụghumo nyina réeko.

2 Timoti 2:15

Kpạrami ḍịghaagh oḍighi phọ, pịdi Ẹnaan ẹsighenom mọ nạ oye arukumuan dị oḍighi phọ ạna umugholoor rákiilom. Mạar ạaḅeghion ọghaaph igey phọ kꞌẸnaan ạtughemiom ghan we.

2 Timoti 4:8

Kụ nyịidipho abin ọkpar opu phọ rukori ni ịmi. Ọmoogh-we phọ aḍighi bọ oogboom ịiruen aruukuan phọ kuzu ni ịmi eghoony aruukuan phọ ḍio phọ ạḍiphe. Ọdi kázu ogina ạmi bịn, kazu aani ni oomo ạbuphe ọphomoghian bọ nyọdi kụ rokori ghan bọ mem mọ ọdi kamite bọ egaan phọ.

Bụo aHibru 10:32

Ịitughian ịdipho ịrolom bọ inyina mem dị meten. Riiḍio phọ ịpe phọ, mem mọ ạḍiḅaal phọ Ẹnaan misoorom bọ inyina, nyina ịmiinom ni ịbadi ạraraar, kụ oḍula aloor phọ inyina ómeel ophum.

Bụo aHibru 11:17

Omeeraam kụ aḍighi bọ ịyaar phọ Ebraham ạsighe bọ Ạizik ọony phọ ọdi ọphighironom ẹkia, mem mọ Ẹnaan ẹwa bọ olegheri ologhi phọ ọdi. Ebraham kụ ọdi Ẹnaan eguanaan bọ ni oguan phọ, kụ ạnyaaghian ni ọsighe ogina ọony phọ ọdi ọphighironom ẹkia.

Bụo aHibru 12:5

Nyina mewula oroma phọ Ẹnaan riroma ghan bọ inyina ịdipho ọde rꞌọony ḍụghum? Mọ, “Mọony ạmi, mem lọ Ọmoogh-we phọ rạliom nyịna, kạ́sighe ghan mụdi ịyaar ị́man. Ḅịle kẹn ologhi ạna kúdugh ghan, mem lọ ọdi ạḅaam nyịna,

Bụo aHibru 6:15

Kụ Ebraham mạkparam bọ ni akori kụ ạar bọ ịpe Ẹnaan eguanaan bọ.

Jems 2:5

Iiḅi asiya ạmi, ịnaghan. Ẹnaan ị́saḅar ḍịen rukulom aḅirini phọ ọphon mọ ọtuan omeeraam mọ ạbidi oḍighi rạalha, ọḅile oliom aani erua ọmar phọ dị aguanaan bọ oomo ạbuphe ọphomoghian bọ nyọdi?

Jems 5:11

Yira olegheri ni ọdo ọḅaal ologhi dị bụphe ọkparam bọ mem ịminimiin phọ ọmoogh ghan. Nyina mẹnaghan ni ọkparam mọ aJob, ẹḅile elegheri ịdipho Ọmoogh-we phọ ạngo bọ nyọdi ẹeḍiom ruukuna phọ. Ọmoogh-we phọ ạmoogh ni iboom igbiririph rꞌọnma ighirigiir.

1 Pita 3:14

Kụ ghạlamo nyina ighol li oḍighi ghan ịpe ẹnighe bọ kụ rẹmiinom, pọ iboh kꞌẸnaan kịrolonaan ni inyina. Kékiilaan ghan we. Kémeera mọ bịdi ịngo inyina okaphian oomiigh.

1 Pita 4:13

Kụ iboh ghan iboh ịdipho nyina repin aani bọ bin ịminimiin phọ aKraist, pịdi nyina ebo aani, ẹmoogh ọḅaal ologhi, mem mọ kogananami bọ igbogh phọ ọdi.

1 Pita 4:14

Ọtuan ḍien phọ aKraist kụ ironyon inyina, pọ iboh kꞌẸnaan kịrolonaan ni inyina, ịdi eḍighi bọ Uwaloor Igbogh phọ, ọpo Ẹnaan, misoorom inyina.

1 Pita 5:10

Kụ nyina ẹmiinom mọony amem bịn Ẹnaan ọnma ighirigiir phọ ịmagh bọ inyina ọḅophoghan rꞌaKraist ophin aani abin igbogh kꞌagee-pọ phọ ọdi, kimuneni ni inyina, imiighe inyina, ịngo inyina ịnyaam, iphighi inyina ẹkparami.

1 Pita 5:4

pịdi mem mọ kogananami bọ Uw-ẹmhu Opoghom Iyool-Ịga phọ, nyina ẹzola ḍughuuph iphelegbe dị kẹ́ḅuura.

1 Jọn 4:19

Yira rọpomoghian ghan ịdi eḍighi bọ Ẹnaan kụ ịphur ịphomoghian iyira.

Ogonanami Phọ 2:10

Oomiigh anyina kúkaph ghan ịlo ạraraar phọ kemiteghu bọ. Ịnaghanan. Eru phọ kẹloghoḍi ni buniin anyina ikoli ịlo ọdeghom anyina ophogh. Ịminimiin phọ anyina kẹtol ḍioph aḍughul-otu bịn. Ghạlamo rꞌosoph ni ooko anyina, iseere ologhi anyina esi ạmi kụ mị kizu ni inyina eghoony aghuḍum mọ.

Ogonanami Phọ 3:19

Mị rꞌaloor ạmi ramooghaam ghan ni, kạḅile ạliom oomo ạbulo mị ạphomoghian. Isereghian nụun ekiton esi ịkaraph phọ anyina.

Ogonanami Phọ 3:21

Kụ ọpo kạkpar bọ apu, mị kạngo ni ịikpo ọrolan ạmi sịphe ạgada ọdaam mọ ạmi, ịdipho mị mạkpar bọ ni apu kụ mị mạrolan aani bọ Ọde phọ ạmi sịphe ạgada ọdaam ẹmha phọ ọdi.